يا خاوتي كرهت من الدار والله

[ايمان 02]

السلام عليكم يمكن تستغربوا من العنوان لكن هاذي هي الحقيقة
كرهت من كثرة النصائح تاع والديا حاسبيني طفلة صغيرة ماهمش حابين يعرفوا بلي كبرت وراني بالغة قادرة نتصرف بعقلانية
تخيلوا اليوم التقيت بعضوة من المنتدى ما نقولش اسمها المهم انا رحتلها للجامعة وين تقرا والمسافة لي بين الجامعة نتاعي ونتعها نصف ساعة لا غير المهم تلاقينا واهدرنا
كي رجعت للدار وقعدت نحكي لامي على واش صرا واش قاتلي وعلاش رحتي للجامعة نتاعها بلاما تقوليلي وتاخذي مني الاذن وانا قلتلها ماهش حاجة كبيرة يعني امر عادي وتشديتا في الكلام
والله يا خاوتي حابة تعطوني رايكم الشي لي درتو صح ولا غلط
راني عارفة طولت عليكم اسمحولي سلام
​

 

[كبرياء دمعة]

شوفى حبيبتى لوكان مايخافوش عليك و ما يحبوكش ما يديرولكش هكا
انا بابسط الامور نسقسى ماما و كى ما تسالنيش متلا وين رحتى منين جيتى نتقلق نحس بلى ماراهيش مهتمة بيا يعنى نفرح بزاف كى نشوفها تسقسينى و تخاف عليا و تخمم فيا
رانا محظوظين بزاف كى والدينا يخافوا علينا و يحوسوا يعرفوا كل شى علينا
كاين اللى ما حظاش بهاد الفرصة
تقبلى راى حنونة

 

[mohamed ali 1992]

وعليكم السلام ورحمـة الله تعالى وبركاته

حقيقة أختي ايمان والله ماتلقيش حاجة كيما والديك في الدنيا وحبهم ليك
و كل نصيحة تقولهالك امك ولا باباك ماهي الا خوفهم عليك وحبهم عليك
ماتفهميها منهم اي حاجة من غير هكا
ويكذب عليك الي يقولك كاين عبد يحبك كيما والديك
التصرف تاعك ماشي غلط بدرجـة كبيرة لكـن أنت من الافضل خبرتي ماماك ولا
راكي تعرفي بلي ماماك يعني بهذا الحرص الكبير عليك
كي تولي رايحة اديري حاجة ولا تروحي لبلاصة خوذي الاذن منها
وهي راهي بلاك تشوف في حوايج انت ماتشوفيلهاش
ومهما كان خبرتها وخبرة والدكـ ربي يحفظهملك الاثنين أكبر منك بكثير
وشاوفوا الي ماشفتيهش وعاشوا الي ماعشتيهش
ماعليك الا أخذ الاذن منهم في بعض الاشياء الي تحبي اديريها
واذا رفضوا مرة على مرة طيعيهم ولا تقدري حتى تسقسيهم على الرفض ...الخ
انت أدرى بوالديكـ على العموم وطريقة تفكريهم ....الخ

ربي يوفقك في حياتكـ

​

 

[maya31]

سلام يا حبيبتي
شوفي انا راني حاسنة عاونك
مي لازم تحطي روحك في بلاصة باباك و يماك يعني مهما كبرتي رايحة تبقي بنتهم الصغيرة الي يخافو عليها
التصرفات انتاعهم تدل على انهم يحبوك و يخافو عليك كان ماجاوش يحبوك يخليوك على راحتك بصح هكداك ما يكونوش والدين
حبيبتي طاعة الوالدين واجبة عليك و على كل ابن مهما كانت تصرفات الوالدين
ربي يخليك لوالديك و يحميك حبيبتي و ما تعمريش راسك و سيي تساعفيهم و تكسبي تقتهم هدا شيىء المهم

 

[ريم غريس]

إهلا إيمان حنونتي واش راكي إنشاءالله تكوني لباس
شوفي أختي انا ما نكدبش عليك أمك عندها الحق نورمالمو تقوليلها بلي راكي رايحة عند صحبتك هادي ما فيها والو وزيد ديري في بالك يا عزيزتي بلي أمك ما ترضالك غير الخير وراهي دايما تشوف فيك صغيرة مهما تكبري تبقاي في عينها صغيرة وتخاف عليك هادي حاجة عادي ما تزعفيش من امك دايما تحبلك الخير
وزيد إيمان اختي راكي في نعمة أحمدي ربي عليها لأنو أمك عايشة وعندك إلي يخاف عليك
شوفي إلي ما عندوش يمااااه راه يقاسي صدقيني
الحمدلله على كل حال
أيمان حبيبتي نتمنى تكوني فهمتيني
تحياتي لكي
اختك ريم​

 

[الأستاذ مصطفى]

مممممممممممممممممممم مليح يعني من ولاد فارس حتى للبقعة مسافة 17 كيلو
هي كون جات 18 كيلو عندها الحق تزعف عليك
مي كي جات 17 كيلو ماعليش مافيها والو
ياك جامعة وحدة ومقسمة إلى فروع يعني عندك الحق باش تروحي للفروع كامل عادي مافيها والو

 

[وردة الامل]

لكان الوالد التعك مايخاف عليك ما يراقبك والوقت راهو صعيب تخافي من صحبت البنات كثر من الطفل ديري ناصحة الوالد وانشاء الله خير​

 

[02asma02]

شوفي ايمان ختي ماما عندها الحق في الكلام الي قالتهولك كان من المفروض تاخدي رايها قبل ما تروحي تتلاقاي مع صحبتك
وهي لو كان ما جاتش تخاف عليك ما تزعفش منك وتلومك
​

 

[الاخت دلال]

هادو هما الوالدين

 

[أماني2]

ايمان حنونة
ماتعمريش راسك
انا ثاني مضاري يصرالي نفس الشي
ماراكيش وحدك وكاين اخرين ايضا هكاك

وانا نتقلق بصح امبعد نشوف بلي عندها الصح
استنتجي من هاذ الشي بلي:
* والديك يحبوك اكثر
* والديك يخافو عليك ومايبغوكش تنضري اللي تضرك راح تضرهم
* خاصة ماماك على خاطر هي أقرب ليك وراهي عارفة اكثر منك
* وهي ثاني تحب تكون صديقة لبنتها تحكيلها كلشي وهي نفس الشي
* والله غير تحبك

صحة فكري في عقلك كون جيتي انتي في بلاصتها ماتخميش على بناتك وولادك كيما هكذا

البنت لأمها مهما قلتي العكس تدوري تدوري وترجعي لعقلية ماماك

روحي اطلبي منها السماح وخليها ترضى عليك باش ربي يرضى عليك

وماتنسايش تسلمي على هذيك العضوة اللي تعرفتي بيها قوليلها أماني راهي مسلمة عليك

تحياتي
​

 

[ايمان 02]

شكرا على ردودكم الطيبة التي اراحت قلبي واثلجت صدري
​

 

[* أميرة الأحلام *]

والله عندها الحق ومن حقها تخاف عليك راكي مازلتي صغيرة في عينيهم ودليل على أنهم تحبك ​

 

[zinnoo walido]

 

[ايمان 02]

واش بيك وليد علاه تضحك علية؟

 

[aMiNa-K]

السلام عليكم

ايه اختي تاع الصح تدي الادن من عندك يماك كي تكوني رايحة لكاش بلاصة
هدي ماشي حكاية تاع مازالكي صغيرة و لا كبيرة
بصح هدي حكاية قدر..قدر عليك تشاوري يماك قبل ماتروحي لكاش بلاصة​

 

[ايمان 02]

السلام عليكم​

ايه اختي تاع الصح تدي الادن من عندك يماك كي تكوني رايحة لكاش بلاصة
هدي ماشي حكاية تاع مازالكي صغيرة و لا كبيرة

بصح هدي حكاية قدر..قدر عليك تشاوري يماك قبل ماتروحي لكاش بلاصة​

يعطيك الصحة امينة على انا قلت ماشي مسافة كبيرة يعني عادي بصح منا وهاك نولي نقوللهاان شاء الله

 

[انتصار*]

بلا منطول عليك تخيلي بيتكم من دون ام واب وفقط ..تقبلي مروري​

 

[chiva.]

بصراحة مهما يكون الولدين عندهم الحق مهما تكبري يشفوك صغيرة راك كبدة نتاعهم ربي يسهلك ختي ايمان خمي مليح

 

[ايمان 02]

صح يا اختي انتصار امر صعيب بزاااااااااااااااااااااااااااااااف​

 

[**@sami@**]

طاعة الوالدين هي قبل كل شي.
​