و الله يا جماعة حبيت نفهم حاجة برك ؟؟؟؟؟؟

[moha073]

السلام عليكم و رحمة الله تعالى و بركاته ​

​

يا جماعة و الله راني عييت راني كتبت الموضوع هدا 7000 مرة وفي كل مرة ناصفوا يروح التريسيتي و الله عييت نتمنى لوكان برك تقراوه​

​

ياجماعة انا حبيت نسقسي الجماعة اللي راهم يقولوا لازم نحوزوا جيزي و الله ماعلاباليش ميفاس يخمموا ولا يخمموا غير في رواحهم و ماعلابالهمش ب 4000 عامل اللي يخدموا فبها الا في حالة وحدة ادا راهم مستعدين باش يخدموهم عندهم ولا يقسموا معاهم الشهرية ​

​

تلقاهم يقولك متعامل بني صهيون و متعامل اليهود ولاخر يقولك دمنا غالي ادا كان دمك غالي خمم في خوك اللي يخدم في اوراسكوم تليكوم الجزائر و الكارثة تلقا واحد يقولك راني حبست جيزي راهي تاع لمصاروة راني رجعت الو يعني و الله ماعلابالوا واش راه يدير كي كان يهدر باطل مليحة مي كي شبع الهدرة .......​

​

يا الخاوة راني نقولكم بلي اللعبة سياسية اكبر مني و منك و من المواطن المصري البسيط اللي راوا اكتر على حالتنا و راني نقولها قدام النلاس كامل لمصاروة راهم خاوتنا رغما عن انف الحاقدين ​

​

علابالي راني طولت عليكم مي و الله حبيت نفهم برك العقلية تاع الشعب تاعنا و كيفاش راهو يخمم​

​

و شكرا ​

​

 

[* أميرة الأحلام *]

والله عندك الحق في كل كلمة هدرتك ويعطيك الصحة نقطة مليحة الي هدرت عليها
بارك الله فيك وجزاك الله كل خير​

 

[moha073]

والله عندك الحق في كل كلمة هدرتك ويعطيك الصحة نقطة مليحة الي هدرت عليها


بارك الله فيك وجزاك الله كل خير​

شكرا لك اختي الكريمة على المرور الطيب و المشاركة المميزة ​

 

[السلطانة]

والله الاخ الموضوع هادا رانا فريناه
ماكنلاه تزيد تنوضو

 

[moha073]

والله الاخ الموضوع هادا رانا فريناه
ماكنلاه تزيد تنوضو

و الله يا اختي ماشكيتش بلي فريناه علاخاطر راني نشوف بلي كاين حتى اعضاء فالمنتدى لي مازالهم مافراوهش على كل حال انا راني كنت غائب عن اللمة لمدة و ادا كان الموضوع مكرر اعتدر من الاشراف
شكرا على المرور ​

 

[mimi.dz]

خليوها ولاّ نحيوها كيف كيف
انا اصلا منخدمش بيها ومنزيدش نخدم بيها
وهاذو اللي يخدمو ثم ربي يقطع الرزق من بلاصة ويجيبو من بلاصة وحدة اخرى
خللي ثقتك بربي كبيرة
وربي يعاون كل مؤمن
​

 

[moha073]

خليوها ولاّ نحيوها كيف كيف​

انا اصلا منخدمش بيها ومنزيدش نخدم بيها
وهاذو اللي يخدمو ثم ربي يقطع الرزق من بلاصة ويجيبو من بلاصة وحدة اخرى
خللي ثقتك بربي كبيرة
وربي يعاون كل مؤمن​

يا ختي ثقتنا بالله كبيرة وعلابانا بلي الارزاق على الله مي واش يضمن بلي يخرجوا اليوم يلقاو خدمة غدوة و نزيد نقولك بلي في بلادنا انا متاكد بلي الطفلة راهي رايحةتلقى الخدمة بكل سهولة مي الطفل ماشكيتش
شكرا على المرور الرائع​

 

[hadda0425]

اش كون لي قالك جيزي باطل
ما يجيو يعطيوك نص ساعة باطل حتى يديو منك برشة
انا عندي جيزي ما بدلتهاش و اذا نحاوها كاين البديل
على العموم انا ضد انويحاوزو العمال ويتنحاو الرواتب نتاعهم ويبقاو بلا عمل
واللي فيه الخير يقدمو رب العالمين
شكرا اخي على الموضوع

 

[sami44]

الرزق على ربي وجيزي غير سبة
​

ناكل الخبز بالما ونرفع راسي في السما



وقبل ما تكون جيزي فاه كانو عايشين هاذ ال4000
​

القضية قضية شرف يا شريكي
​

 

[moha073]

اش كون لي قالك جيزي باطل
ما يجيو يعطيوك نص ساعة باطل حتى يديو منك برشة
انا عندي جيزي ما بدلتهاش و اذا نحاوها كاين البديل
على العموم انا ضد انويحاوزو العمال ويتنحاو الرواتب نتاعهم ويبقاو بلا عمل
واللي فيه الخير يقدمو رب العالمين
شكرا اخي على الموضوع

شكرا على المرور الطيب اسعدني ردك ​

 

[moha073]

الرزق على ربي وجيزي غير سبة​

ناكل الخبز بالما ونرفع راسي في السما​

وقبل ما تكون جيزي فاه كانو عايشين هاذ ال4000​

القضية قضية شرف يا شريكي​

هدي تتهدر غير بالفم و لوكان تجي للصح راهوا ماكان والو و 4000 لي راني نهدر عليهم راهم كانو بطالين و صغار فالعمر و كي خدمو كاين اللي استقر و دار عائلة وادا خرج من الخدمة ماعندوش منين يصرف عليهم و كاين بزاف لي نعرفهم
الشرف اللي راك تهدر عليه راك تبدا تضرب عليه من داخل بلادك و لا راهي عاجبتك الوضعية تاعنا هاكدا باش نكونوا واضحين
و شكرا على المرور الطيب اخي ​

 

[ندى الصحراء]

والله عندك الحق في كل كلمة هدرتك ويعطيك الصحة نقطة مليحة الي هدرت عليها
بارك الله فيك وجزاك الله كل خير​

 

[مغرورة بأنوثـتي]

والله كلامك صحيح
وين راح يروحوا
واون بلوس لوكان نحيو جيزي المخير فينا يولي يشتاق تيليفونو يصوني

 

[moha073]

والله عندك الحق في كل كلمة هدرتك ويعطيك الصحة نقطة مليحة الي هدرت عليها​

بارك الله فيك وجزاك الله كل خير​

شكرا على المرور الطيب اسعدني ردك كثيرا ​

 

[moha073]

والله كلامك صحيح
وين راح يروحوا
واون بلوس لوكان نحيو جيزي المخير فينا يولي يشتاق تيليفونو يصوني

ههههههه مليحة هادي تاع المخير فينا يشتاق تلفونو يصوني
مي ما تحبسش غير هنا راهو مصير عائلات على المحك
شكرا على المرور الرائع و الرد الاروع ​