شعر مهبول في خاطر الخضرة ,
صح ولاد بلادي الناس الملاح
و أنا أتجول في النت لقيت هاذ الشعر الهايل و المهبول في خاطر الخضرة ياريت يعجبكم
نقيس روحي في حفرة في خاطر بوقرة
نرفد الراية في خاطر زياية
نصدق جميع قطايفي على جال صايفي
ناكل الزجاج في خاطر بلحاج
نضرب البندير على خاطر اوسرير
نلبس الشيفون في خاطر عبدون
نبات مع القمر نهترف ونهدر جيبولي عنتر
نقطع الباسبور على خاطر جبور
نغني داني داني على زياني
نصالح عدياني ونايف جيراني ونعادي اخواني بصح نربح زياني
نايف الغاشي ونبيع فراشي ونخرج من حوشي على خاطر شاوشي
نذبح الغندور ونبات اندور على خاطر مطمور
نظربها بهبلة ومعليش في خاطر حليش
ارقصي ودوري في خاطر منصوري
هدا شحال مانيش نورمال مالي شفت غزال
ندير وعدة ونضربها بالقعدة في خاطر يبدا
هبلني هبلني وطير عقلي مني مغني
ماتقولي لا شعور ولا احساس الحية غير مع غيلاس
نعرض عيساوىونزيد الشناوى في خاطر روراوة
نخون الخرفان في خاطر سعدان
و بالطبع وبلاما نقول ماكانش جزائري يقرا بلاما يترك رد لأشبال سعدان هذا محال
تحياتي الخالصة :
طيور الجنة21
