يقولو دمعت الراجل عزيزة.....

[ملاك92]

السلام عليكم ....خاوتي
هادا الموضوع سؤال جا في بالي وحبيت نشارك بيه خاوتي في اللمة
يقوولو...باه تبكي راجل يحبلك..... باسكو دمعت الراجل عزيزة .........صح حتى دمعت المرا عزيزة ...
مي ماشي كيما الراجل لانو الراجل مايبكيش هاكاك برك...والا بكا اعرف بلي :crying:ces inormale
وانا حبيت نعرف من خاوتي....:wink:
كل واحد قرا الموضوع يقولنا واشنو هيا السبة او الحاجة لي خلات دمعة من عينو تطيح
ماتبخلوش عليا بردودكم ....

 

[عاشق الوفاق 1]

أنا بكيت غير كي كنت صغير برك
بصح نقول الراجل هنا يبكي غير كي تموت الوالدة تاعوا برك..

 

[moha073]

انا بكيت كي مات واحد من اعز اصدقائي و مازلت كي نتفكروا ولا نشوف يماه تهبطلي الدمعة لا اراديا و بكيت يوم ماتت جدتي ربي يرحمهم ​

 

[jiji17]

يتغرغر عينيا بصح نحكم البكيا واخر مرا تغرغروفيها عينيا كي ربحنا 3la مصر
يعني من غير كييييييييييي كنت صغيرة هديك حاجا اخرى.....
mais مازال ما طحتش في موقف يستاهل نبكي عليه
merci

 

[ملاك92]

أنا بكيت غير كي كنت صغير برك
بصح نقول الراجل هنا يبكي غير كي تموت الوالدة تاعوا برك..

وي ههههه باين كنت تصدع بالبكا .....ههه
مشكور خويا على المشاركة

 

[ملاك92]

انا بكيت كي مات واحد من اعز اصدقائي و مازلت كي نتفكروا ولا نشوف يماه تهبطلي الدمعة لا اراديا و بكيت يوم ماتت جدتي ربي يرحمهم ​

ربي يرحمو .....ويرحمنا جميعا
مشكور خويا على الرد نورت

 

[MANMONA]

انا طفلة مي حابا نجاوبك شبعت بكا ههههههههههه

 

[moh 34]

انا قلبي حنين بزاف ثم ثم يتأثر بصح دمعتى غالية واحد مايشوفها غير ليستاهل.اخر مرة بكيت نهار ربحنا مصر درت واد بدموعي ميش خصارة في بلادى.

 

[ملاك92]

انا طفلة مي حابا نجاوبك شبعت بكا ههههههههههه

هههههههه بالاكي برك تديريلنا واد .......نولو لاليس في بلاد العجائب

 

[ملاك92]

انا قلبي حنين بزاف ثم ثم يتأثر بصح دمعتى غالية واحد مايشوفها غير ليستاهل.اخر مرة بكيت نهار ربحنا مصر درت واد بدموعي ميش خصارة في بلادى.

وي ..............بلادنا تستاهل بدمنا نفدوها ماشي غير بالدموع انا تان بكيت مانكدبش عليك داك النهار

 

[mimi.dz]

هاذ هي الدنيا
دمعة الراجل اغلى واعز من دمعة المرأة
والراجل اللي يبكي انسان حساس وديما كبير في وشخصيته
ما عدا اللي تبكيه مرا
هذاك يطيح من عيني


شكرا ليك اختي


​

 

[ملاك92]

هاذ هي الدنيا ​

دمعة الراجل اغلى واعز من دمعة المرأة
والراجل اللي يبكي انسان حساس وديما كبير في وشخصيته
ما عدا اللي تبكيه مرا
هذاك يطيح من عيني​

شكرا ليك اختي​

وي مي الراجل الا بكا على مرا اعرفي بلي معزتها كبييييييييييييييييييييييييييييييييييييييرة عندو وماشي عيب الا بكا مي على حساب السبة ...الا فقدها وماعرفش قيمتها حتان طفرت .....تستاهل يتبكا عليها مي الا حاجة واحدوخرا عندك الحق
مشكورة ختي على المشاركة​

 

[ملاك92]

وي مي الراجل الا بكا على مرا اعرفي بلي معزتها كبييييييييييييييييييييييييييييييييييييييرة عندو وماشي عيب الا بكا مي على حساب السبة ...الا فقدها وماعرفش قيمتها حتان طفرت .....تستاهل يتبكا عليها مي الا حاجة واحدوخرا عندك الحق
مشكورة ختي على المشاركة​

 

[BOUSS]

هذي كانت ازمان اما اليوم راه صولدي مع الف شكر\\\\بووووص\\\\

 

[وردة الامل]

انا عمري ماشفت ابي يبكي غير عند وفات اخي بكى مثل الطفل الصغير ​

 

[لحظة أمل]

اممممممممم
مانيش من لوجور لي يبكي قلبي قااااااااسح
بصح كاين مواقف شوية صعاب سيرتو كي يموتلك واحد عزيز بس

 

[دحمان الحراشي]

انا نقلك الرااجل يبكي في شي صعييييييب بزااااااااااااف ..
مي المرااة تبكي وهي تشووف في التلفزيون تبكي لخاطر لميس ماتزوجتش بالاسمر ههههههه تبكي ..........تعرفوو شي واحد والله غير مليح المرااة عندهاا دور كبير وكي تبكي تحسسنا بلي رااها ارق انسانه .
الا في شي وانا شخصيا مانحبوووش كي تبكي على الحب ااويلي وع وع وع وع ..
تقبلي مروري
سلام

 

[** غزال الصحراء **]

أي مخلوق عندو قلب يبكي , علاش الراجل شايفينو موسطاش بورطابل ؟

لا لا عادي و البكاء ينح على البال , مي عندك حاجة يبكي غير في الحوايج لي تقيس بزاف

كيما موت شخص قريب و لا حاجة هاكا و بزيادة ما يبكيش قدام الناس يبكي sans smire

و جامي بكا على مسلسل كيما يديرو لبنات ^^
​

 

[parkour14]

بنسبة للمرا مشي بكا سلاح باش يلبيولهم طلباتهم خخخخ
و باش تباكي راجل يحبلك بصح مش كل الرجال نخليو هذي الاخيرة بين ( ... )

شكرا لك اختي و عندك تخبشك القطة الي عندك ههههه ^^
​

 

[نجاة40]

بيان سير دمعة الراجل اغلى من دمعة النساء اصلا منين يكونو صغار يعلموهم بلي البكاء للنساء ماوش للرجال
ربي يحفظنا والله لايجعل واحد فينا يبكي نساء ولا رجال​