والله يا جماعة راني قررت باه نحرق ... أدعولي

[** غزال الصحراء **]

ياكلني الدود و مايكلنيش الحوت ...​

 

[**@sami@**]

كي توصل عيطلي نجي معاك هههههههههههه
​

 

[zagane]

السلام عليكم
اسمحولي مارانيش قادر نهدر
بصح حبيت نقوللكم باللي إلا حب ربي راني نروح
كرهت من هاذي المعيشة
حياتي كرهتها
درك نورمال كي نموت كي نعيش ما كانش حتى فرق
الأعضاء لي نعرفهم برك يدعيولي بارك الله فيكم
واللي يعرفوني كامل ... أسمحولي إلا قستكم كاش خطرة
ممكن ربي ياخذ امانتو ماعلابالناش
أنا إلا توفّيت راني مسامح في كلش



المهم ... تبقاو على خير​

السلام عليكم
سلم لي على ناس في الخارج

 

[manita_a]

كل مشكلة و لها حل
لكن الهروب ليس حل لاي مشكلة
تروح و تندم على بلادك و قول هاي قالتلي مانيتا هاذ الهدرة

 

[اسماء16]

خويا امير نصيحة من اختك اسماء واتمنى ان تاخذ بيها
لحرقة معندها متنحيلك راح زيد لغبينة روحك ولاهلك هدا مكان فكر في يماك وبابك كيفاه راح تخليهم موراك
وتانيك فكر في ربي غدوة باه راح تلاقيه با حرام الي درتة قتلت روحك عمدا الان مستحيل راح تنجح في لبحر هدا يمات راح جوزها فيه ماشي يوم
ونقولك حاجة تانيك ربي بلاك بهدي لحاجة الي محبتش تنحل حتى تصبح قادرا على تخطي الصعاب وحدك واجتياز المصائب وكذلك حتى يختبرك وربي مفيه غير لخير ويفتح بيبانو متخافش المهم الصبر وصبر من صفات المسلم يا امير ومديرش حاجة تندم عليها لخاطر هدي مجازفة بحياتك ومكاش خرمن بلادك هنها راك بين اهلك وناسك
وانشاء لله تنحل مشكلتك وتعيش نحي هدا الفكرة من راسك الاننا كلنا نحبوك في اللمة الجزائرية
كاين بزاف شباب حرقو وراك علابالك نهاية كيفاه كانت هو مات حبها مي غدوة عند ربي باه راح يقبلو وتحياتي لك وانشاء لله تبقة معنا ومكلاه تخمما بزاف يدي للهلاك اختك اساء

 

[عاشقة الكرة]

والله ماعارفة راك صح ولاتتهيبل خويا ونقلك شيء واحد اللي يامن بربي مايروحش يحرق ونتمنى ترجع عن قرارك ............اختك في الله​

 

[**الريحآنة**]

هل سألت ان كان ذلك حلال؟؟

(ولا تلقوا بانفسكم الي التهلكة ..)

صدق الله العضيم..​

 

[chiva.]

متنساش ادي معاك كعبوش تمر غرس

 

[امونة-زياني]

خويا راجع حساباتك و تقرب من ربي عبالك مني انت راك اناني
لانك ما تفكرش في حتى واحد تفكر غير في نفسك ما فكرتش في اهلك اخواتك الا عندك خواتك

ربي يهديك خويا و ترجع لعقلك

 

[somiasahraoia]

ما كان لاه تتقلق وربي كبير ميزرية في بلادك خير من بلاد الغرب

 

[iktimel]

اسمع نقلك اقعد يزي بلا هبال نتا مريض ؟
ولا راك تتمهبل؟
احشم على روحك و فكر في والديك واش يصرالهم و ديجا ماكانش بلاصة تسترك كيف بلادك و ماليك
ادي نصيحة مني احشم و اقعد ترونكيل و ماتزيدش تعاود هاد الهدرة راك تفهم .؟؟؟؟؟؟

 

[لمسة شقاوة]

السلام عليكم ورحمة الله تعالى وبركاته
خويا نتمنى تكون لحد الآن مازالت ما طبقتش واش راك تخمم فيه !!
يا خويا علاه ما خممتش في والديك واش ذنبهم تحرقلهم كبدتهم ؟
وقبل والديك خممت في روحك ؟ لوكان تموت لاقدر الله ، يتسما راك داخل في حكم الانتحار ، تموت ووالديك يتعذبو ، ماهمش راضيين على واش راك ادير ، ونظن ياخويا راك تفهم مليح واش معناها تموت منتحر ووالديك ماشي راضيين عليك ،
علاااه ياخويا
بزاف اللي راحو ماوصلوش ، واللي وصلو راهم عايشين بلا نيف بلا كرامة ، ترضاها خويا ؟
قد ما صعب عليك الحال ، ما تفقدش الثقة في ربي ، اصبر واتوكل على ربي ونحي من بالك هذا الشي ، وربي يوفقك
والسلام عليكم​