يااا فلسطيني...

[فريدعلي]

يااا فلسطيني...



قالولك اسكت ماتحكيش
انت خلقت للتلطيش
للحواجز للمعابر للتفتيش
كتبوا عـ جبينك ينداس
من الضابط للشاويش
فلسطيني قالولك ممنوع تعيش
فلسطيني ممنوع تثور
و مش مسموح تكون مقهور
اياك تطالب بحقك
اوعك بيوم تشوف النور

***

ممنوع تجدد هويه
ممنوع تجدد بسبور
فلسطيني و بدك تتعلم
هاي الشغله ضد الدستور
فلسطيني لازم تتألم
من دون ما يشوفك دكتور
فلسطيني ممنوع تتظلم
و لا يطلع بجناحك ريش
فلسطيني ممنوع تعيش

***
فلسطيني بكل المطارات
اسمك بالأحمر مكتوب
و عـ شباك مصلحه الجوازات
كتبوا عـ جبينك مطلوب
لازم تتوقف ساعات
مذنب او مندون ذنوب
و يتوجه لك اتهامات
انك سبب كل الحروب
كأنو بسببك الحق مات
و العدل بأرضك مصلوب
و كأنك سبب النكسات
و كل أزمات الشعوب
و كأنو بسببك مجرم فات
على جنين بلحظه الغروب
و دبح صبيان و بنات
و عجز على امرهامغلوب

***
مع انو الحقيقه
انا الي بالدنيا ضحيه
عملتوني ماده للغنى
و قضية الي
ما عندو قضيه
انا الي راسي ماإنحنى
بوجه الريح القويه
انا الي شعبي صمد
في الضفه و بالرشيديه
انا الي شعبي انتفض
و بحجر حارب دوريه
و اليوم و بكره و للابد
عنا كلمه وحده هي

***
فلسطين عربيه
و راح تبقى عربيه
وراح ترجع عربيه

منقول​

 

[omar75]

بارك الله فيك اخي فريد مشكور اللهم انصر اخوتنا المجاهدين في فلسطين

 

[فريدعلي]

اللهم امين وكل الشكر على المرور الجميل

 

[اماني12]

 

[فريدعلي]

 

[N@riM@N]

بارك الله فيك ع كلماتك القيمه
وتحيااااااااا غزة العزه وفلسطين​

 

[غزاوي فلسطينى]

بارك الله فيك اخي

 

[Elif DZ]

الله أكبر

الله أكبر

الله أكبر

النصر قادم بإذن الله​

 

[فريدعلي]

اسعد الله اوقاتكم
وكل الشكر على المرور الكريم
وان شاء الله النصر قادم
واسعدني مرورك اخت ريم​