تذكر معنا ايام زمان ايام الطفولة البريئة .

[redmaam]

السلام عليكم ورحمة وبركاته
تذكر معنا ايام زمان ايام الطفولة البريئة
اليوم تفكرت هاديك الايام من كنت نروح للمدرسة بكرى نلعب ...... ونقلق في المعلم المسكين...الخ.... وللاسف ضركا كبرنا وصارت الدنيا تصف احزاننا وكل واحد فينا غارق في الهم نتاعوا......
ياليت الزمن ونهارات تدور ويرجع وقتنا الاول ​

اخي اختي تذكروا معنا هذه الايام السعيدة والبسيطة وكل واحد يحكيلنا قصة مختصرة صارتلوا في مرحلة الطفولة ولا تبخلوا علينا.​

​

 

[fufa22]

لييييييييت الزمان يعودو يوما
قصة صراتلي
كان كل يو يخرجني المراقب من المدرسة يقلي جيب باباك وانا نقولو ماكانش راهو خدام يوميا هاك فاتت سمانتين
وهوا يخرج فيا نهارها طلعت للمدير قتلو واش صاري قالي سنيي تعاهد وتزيد تغيب نطردوك قتلو اوكي ما كانش مشكل هههههههه
وشوف ربي سبحان الله جا الوالد هاداك النهار للمدرسة ههههههههههه
جاني المرقب للقسم قالي وين راه باباك قتلو راهو خدام ههههههههه
وبابا راهو في الرقابة يستنى فيا ههههههههه
والله نهار ما ننساهش طول حياتي​

 

[امورة المنتدى]

ايه على يامات زمان نتمنى نولي ليهم والله كل حاجة كانت تجي حلوة فيه سيرتو رمضان اما يا ضرك ماتحسش كامل بلي رمضان ولا عيد ماكانش كاين الانترنت وتعرف بصح عمري 14 سنة يعني الطفولة ماعندهاش بزاف من اللي راحت راني فالمراهقة استنا خويا نتفكر ونردلك ههه صحيت على الموضوع القمة

 

[نريمان المسيلية]

ههههههههه ليت الزمان يعود
مع اني مازلت
واحد النهار كنت نقرى سنة 2 متوسط
وانا عندي طبيعة لازم نهز في الصاكا نتاعي غير 3 كرارس لا فوقهم ولا تحتهم وكان طول يخرجوني الاساتذة على جال الكتب
وانا كنت من يخرجوني ويسقسيوني نقلهم معنديش كتاب
وكانو كل مرة يعطيوني كتاب وانا نديه معايا لدار ومنزيدش نرجعو هههههههههه
وكانت القصة تتعاود كل مرة حتى مرة قالي الاستاذ جيبي باباك نهدر معاه وانا كنت كل مرة نقلو حاجة باه مايجيش بابا
هههههههههههههه
ومبعد مدة سمع بابا بالقصة وراح للخزانة نتاعي وحلها ولقا الكتب الكتب بزاف وكامل كانو نتاع سنة 2 متوسط حار
وجا سقساني ومباعد عرف كل القصة
ومع ذلك مازلت لحد الان منديش الكتب
ونهار وطول والاساتذة يخرجو فيا
هههههههههههههههههههههههههه
من نتفكرها نضحك
ههههه

 

[شرفي لمياء]

شكرا على الموضوع الحق انا مازالت في الطفولة

 

[Pyar]

ليت الزمان يعود يوما العام الي فات لما كنت في السنة
الخامسة دركا راني في اولى متوسط كم أتمنى
نرجع للإبتدائي المتوسطة ماعجبتنيش
كم أتمنى لو رجعت الى عمر ال10 دوركا عمري 11 لو رجعت عاما فقط لكنت أسعد شخص في الدنيا
​

 

[ماكانش]

موضوع من عام 2010