ساعدوني في مشكلتي

[sofia10]

انا في الحقيقة جيت اليوم باش نحكيلكم مشكلتي متمنية تلاقولي حل.....
انا كنت من انشط و احسن التلاميذ في الدراسة ....
وفجاة صرت ما نهتمش ابدا بالدروس و صرت حتى في الاختبارات منحلش الكراس و نراجع......
راني عارفة بلي هادا التهاون مني انا و لكن الاساتذة فاني عندهم دور كبير لانك لما تلاقي الاستاذ ينقصلك النقاط دون مبرر و يقيصلك في المعاني عند الدخلة و الخرجة كيفاه ما يهبطش المستوى تاعك ................
المهم انا راني باغية منكم تساعدوني بحلولكم و اقتراحتكم
لاني راااااني رايحة ننفجرررررررررررررررررررر

 

[fufa22]

حبسي الانترنت درك ترجعي كي كنتي
​

 

[nabil 09]

إضغط هنا لرؤية الصورة بحجمها الطبيعي.

​

هل تعرف تاريخ يوم بتقويم السنة البكالورية
اكيد لا

​

هل تظن انه بقي شهرين على الامتحان المصيري البكالوريا


لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالالالا

هل تسأل لماذا ؟؟؟؟؟؟؟؟؟
​

​

اجيبك :
​

صحيح انه بقي 60 يوماا معك في هذا

لكن لمادا تجيب باليم لوادا لا تجيب بالساعة
​

دقق حساباتك معــــــــــــــــــــــــــــــــــــي :
​

من هنا : شهرين = يعني 60 يوم = يعني 1440 ساعة

إضغط هنا لرؤية الصورة بحجمها الطبيعي.

​

لدينا تقريبا
8 ساعات نوم بمعدل = 480 ساعة نوم طيلة شهرين
2 ساعة امام الكمبيوتر بمعدل = 120 ساعة
8 ساعات حضور في القسم لا ادري ان تكون تستوعب لمدة 8 ساعات في القسم بمعدل= 480 ساعة
2 ساعة خروج من المنزل بمعدل = 120 ساعة 2 ساعة مراجعة عامة بمعدل = 120 ساعة
بجمع نجد

1020 ساعة

يعني بقي
420 ساعة

يعني بقي 17 يوم فقط

اذن نحن اليوم في
​

في 23 ماي 2010


صدق اول تصدق

​

اعد حسابات قبل

 

[nada242008]

اقراي قرايتك وما تشوفي لا لاستاذ ولا لتلميذ

 

[عماد6]

السلام عليكم عند الحق وما عندكش صح كي ايكون الاستاذ من ذاتو مهوش حابك تدرسي ولا .....كيفاش اتجيك النفحا في الدراسة لكن الصبر مفتاح الفرج فلا تدعي اي عائق يلهيك او ما شابه لكي تتحدي على النفس عليك بمواكبتها على انها عدو لكي لتغلب عليها فاذا اتبع كل انسان في الحياة نفسه فلا تصبح الحياة حياة اتمنا لك حياة سعيدة.........................................................

 

[Amira43]

في هدى عندك الحق اختي ..........مام انا راهي صاريتلي + راني باك .......مي بصح واش ديري اقراي قرايتك وبينيلهم بلي راكي قاريا وتقراي وحدك وماكيش محتاجة حتى مزية من عند واحد.........هذا هو رايي

 

[nermina]

أنت ديري اللي عليك و توكلي على ربي​

 

[صفحة بيضاء]

انا عندي الحل وهو متقراي ماوالوا اصلا تقراي وتتخرجي ومتلقايش خدمة
قعدي فلدار غسلي الاواني مع ماماك وتعلمي الطبخ يفيدك فلمستقبل
الناس تخرجت وملقاوش خدمة ومراهمش يشتكوا ونتي مزلتي تقراي وراكي تشتكي
روحي حفضي اصلا حنا قرايتنا تاع الجزائر مش فهما حفيضة برك حفضي كاع الكراس
تنجحي كاع الناس طلعت بلغش غشي ديري كوبياج الحجوبة وجديهم من دروك

 

[ايمان 02]

يا ختي ماديريش على الاساتذة وكلامهم انت قراي وتوكلي على ربي اكيد ماراحش يخيبك

 

[joujou1986]

حطي بالك لقرايتك ولتهي غير فيها تولي كيا كنتي

 

[aMiNa-K]

منيش عارف لكن كيما كنت انا بكري هكا ههههههههههه

هههههههههه مليح هاد الرد
مي كنت تقول كيفاش حليت المشكل؟؟؟ .. هكدا باش تساعد كاتبة الموضوع​

 

[نورالدين 100]

واش اساتذة راهم يقطعو هاذ عام ولا كيفاش ناس كامل راهي تشكي منهم
الله يجيب خير
ختي نقولك ماديري لا على استاذ لا على مدير معالي غير تكسار راس في باطل ربي ​