اريد اجابة ساعدوني

[ذكرياتي 84]

حببت اعر ف المارشملو واش هو الي مجربو يقلي واش هو بالظبط انا سمعت انو يضاف للشكولاطة الي تذوب في حمام ماري
وثانيا حبيت اعرف كيفاش تجيني الشكولاطة الذائبة بعد ان تذوب واش احسن شكولاطة تستعمل في قاطو البنيون وماذا نصيف لها كي تكون سائحة ولاماعة
من فضلكم ساعدوني

 

[406_nassim]

المقادير:

2/1 1 كوب سكر
1 كوب شراب الذرة
2/1 2 ملعقة كبيرة جيلاتين (بودرة وبدون طعم)
2 ملعقة كبيرة ماء
3 بياض بيض
سكر بودرة



الطريقة:


- يُوضع السكر مع شراب الذرة في إناء على نار متوسطة ويُترك حتى يذوب السكر تماماً ويبدأ الخليط في الغليان.
- يُذاب الجيلاتين في الماء، ثم يُضاف لخليط السكر مع التقليب الجيد ويُرفع بعيداً عن النار ويُترك ليبرد قليلاً (يُراعى ألا يكون به أي تكتلات، وفي حالة وجودها يُراعى أن يُصفى قبل الاستخدام).
- يُخفق بياض البيض جيداً باستخدام المضرب الكهربائي حتى يتماسك.
- يُضاف خليط السكر تدريجياً لبياض البيض مع زيادة السرعة حتى يُصبح صلباً مثل البلاستيك.
- يُرش قليل من سكر البودرة في قالب عميق ويُوضع المارشملو فوق السكر ويُساوى، أو يُمكن وضع خليط المارشملو في كيس حلواني ويُشكل حسب الرغبة.
- يُرش بالسكر البودرة ويُترك لمدة 8 ساعات بدون تغطية حتى يتماسك.
- يُقطع حسب الرغبة، ويُحفظ في وعاء مُحكم الغلق.

 

[nada242008]

المرشاملو هي حلوى الخطمي
تجي بالوان مختلفة وكالاسفنج
والشيكولة باش تكون تلمع زيديلها مغرف قهوة زبدة وانا نستعمل شوكولا اومبسادور نوار

 

[nada242008]

وهذا شكل حلوى المارشاملو او الخطمي

 

[ذكرياتي 84]

المارشاملو حابة نعرف برك كي يجي مع الشكولاطة الذائبة يعطي بنة وحاجة مليحة ولا لا
وانا كذالك نستعمل الزبدة لكن يقولولي زيدي للشكولاطة لحليب ؟
وشكرااااااااااااااااا

 

[406_nassim]

مهم انا هدا وش نعرف وشكرا ليك الاخت

 

[ذكرياتي 84]

شكرا اخي نسيم بارك الله فيك

 

[رآج ـية العفو]

وثانيا حبيت اعرف كيفاش تجيني الشكولاطة الذائبة بعد ان تذوب واش احسن شكولاطة تستعمل في قاطو البنيون وماذا نصيف لها كي تكون سائحة ولاماعة
من فضلكم ساعدوني

المارشملو حتى أنا نحوس نعرف كي سموه عندنا
وبخصوص الشيكولا تاع القلاصاج أحسن مركة هي موكا
تاع العلبة تجمد بالخف وشابة بزاااف وطبعا اي شيكولا تذوبيها
بالحليب وكي تذوب تزيدي ليها مغرف زيدة وتخلطيها بعيدة
على النار ان شاء الله نكون أفدتك​

 

[nada242008]

المارشاملو حابة نعرف برك كي يجي مع الشكولاطة الذائبة يعطي بنة وحاجة مليحة ولا لا
وانا كذالك نستعمل الزبدة لكن يقولولي زيدي للشكولاطة لحليب ؟
وشكرااااااااااااااااا

كي تزيديلها الحليب تعود مايهة شوية
انا نزيدلها غير الزبدة
والمارشاملو يتحط في وصفات خاصة يعني متقدريهش تحطيه في كل الوصفات
مثلا نعرف وصفة يجيبو بسكويت ويحطو فوقو شيكولا + مارشاميلو ويحطوها في الفرن باش يذوبو
بصح ماتقدريش تزيديه في الوصفات كل

 

[رآج ـية العفو]

كي تزيديلها الحليب تعود مايهة شوية
انا نزيدلها غير الزبدة

ندوش ختي ديها من عندي عمرها ولا الشيكولا تكون مايهة
بالحليب والشيكولا تاع موكا هير المخيرة في القاطو ولازم تذوب بالحليب أنا
تقدري تقولي قريت كلشي على أمور الباتيسري على هداك راني نقولك
ماشي غير راني نقول وخلاص :angel_not:
تح ـيآتي ,, ~||​

 

[ذكرياتي 84]

امممممممممممممممممممممم اوك يعني تذويب الشكولا راني زيكم
مي انا نستعمل الشكولاطة الجامدة الي تجي في علب و+شكولاطة تاع البقرة ؟

 

[nada242008]

امممممممممممممممممممممم اوك يعني تذويب الشكولا راني زيكم
مي انا نستعمل الشكولاطة الجامدة الي تجي في علب و+شكولاطة تاع البقرة ؟

انا نفضل الشوكولا الداكنة
اما شيكولة البقرة تجي شهبة وطعمها ناقص شوية

 

[nawal1980]

المارشملو نضن هو la pÂte de guimauveولا راني غالطة

 

[bom]

مممممممممم كي تكمليها اعطيني نذوقها :biggrin:

 

[ياسمين 177]

المارشملو نضن هو la pÂte de guimauveولا راني غالطة

صح اختي نوال المارشملو هو la guimauve ; يديرو بيه القلاساج تاع لتارت كيما الفوندون او كيما الباستياج و المارشملو يذوبوه في حمام مائي ثم ديريه في خلاط + سكر ناعم حتى يصبح عجينة حليها بالنشاء وغطي بيها تارت و زوقي كيما تحبي.

 

[momoude]

يعطيكم الصحة على هاد الافادات الرائعة اخوتي

 

[nawal1980]

كلام الاخت ياسمين صحيح