قالوا تحبها قلت ما هو بالحيل
بس هي اغلى شوي من نور عيني
تسوى جميع الجيل الاول وهالجيل
أحبابي الماضيين والمقبليني
شوقي لها أعظم من ظما الأرض لليل
وأشفق عليها أكثر من أم للجنيني
اشتاق لها شوق المحبين لليل
وارتاح لها راحة دموع الحزيني
لا صارت جنبي لو سنه وقتي بخيل
ولا غابت لو لحظات صارت سنيني
قالوا تحبك قلت هذا هو الويل
ما ودي أنشد ثم رفضها يجيني
وأهدم رجاي بدبرتي مثل ما قيل
والافضل أحيا بالأول لو لحيني
يا حبكم يا ناس للقال والقيل
والأمر لو هو سهل يصبح مهيني
خلوني أحيا في الوهم يا عواذيل
ايش دخلكم والأمر بيني وبينها
