وين رجال زمان إلي القط ما يتحركش معهم

[جزائرية روحها فلسطين]

السلام عليكم ورحمة الله وبركاته كنت في الطريق مع أخي شد إنتباهى شيخ كبير قشو موسخ وأحوالو ما تعجبش شفتو تفكرت أبي الله يرحمو وخممت في دارو وينهم وينهم ولادو بناتو جيرانو أهلو والناس يمرو أمامو عادي الله أكبر وينو الإسلام وينو الإحسان وتفضيل الغير على النفس وينكم يا رجال ترميو أهلكم فى الشارع وتنسوهم إنتوما تاكلو و تشربو ومتغطين و راقدين وهوما جيعانين و عطشانين و عريانين و :::::::::::::::::::::::::::::::::::::::::::::::::::::::إتقو يوما تعودون فيه إلى الله وتسأل كل نفس عما كانت تعمل وإنتم واش رايكم

 

[هــــيلدا]

شفتي حبيبتي واش تغيضك روحك كي تلقاي حالات كيما هاذي
انا مرة في الطريق لقيت مرا تبكي وتطلب تقولهم طيشوني ولادي والله طاحتلي الدمعة
غي وصلت للدار تلحت حضنت يما وقيلة جامي نديرها في والديا للي تعبو عليا حتا ولو نموت علا جالهم وقليل

ربي يفرج عليهم هاذ الحالات من الناس والله
يتقطع قلبك بصح متلقاي متديريلهم
​

 

[loca]

او كاين من هادي بصح واش عليها لي معنده خير في والديه معنده خير في روحك ربي يهديهم ولا يديهم هاد ناس .
ربي يخليك حنونة على موضوع ويخليلك والديك مرسي حبيبي .

 

[MARIA_4algeria]

ربي يهدي ما خلق
اذا تركو والديهم فكيف سيتعاملون مع غيرهم !!!​

 

[4taher]

تقو يوما تعودون فيه إلى الله وتسأل كل نفس عما كانت تعمل يسلم فمك قليل لي خاف ربي