صح الدنيا هادي.....

[إحســاس بــراءة]

السلام عليكم
واش راكم ان شاء الله لاباس
صح الدنيا غريبة
.........لوكان نقعدو مع رواحنا نتاملو و نشوفو في الدنيا هادي واحوالها
ربي خلق وفرق
تصيب ناس عايشة في امان و ناس نهارنا وليلها خوف في خوف و ماهيش في ضمان
ناس عايشة عايشة في الخير و الخمير و ناس احرى ادا لقات الفطور ماتلقاش العشا و ادا لقات العشا ماتلقاش الفطور......وحد ماهو حاس بحد
صح الدنيا هادي صعيبة

تلقى ناس متشردة برا و تحلم نهار برك يكون عندهم دار و ناس متهنية في الفيلات و ماهوش عاجبهم الحال.......
صح في هاد الحالة تقدر تقول الدنيا واعرة

تلقى الاصدقاء و الخاوة على جال والو يخسرو بعضاهم يشكو في بعضاهم .....

ناس قلوبها تملاها الحقد و الكره و الظلم و ناس يملا قلوبها النية و المحبة و الخير ....... صح الدنيا غريبة

واحد يموت جارو و لا خالو و هو زاهي و كلي ماصرا والو
..... صح الدنيا غريبة


ناس الحزن ديما ساكن قلوبهم و ديما يتحسرو على واش ضيعو ففي حياتهم و ناس الفرحة و السعادة دايمن تملي قلوبهم ........
صح الدنيا غريبة

كاين ناس......... وناس
ناس.......... وناس

صح الدنيا هادي غريبة
صح الدنيا هادي واعرة و صعيبة

الدنيا هادي تعلمنا منها بلي حاجة ماتستهل
والو

علاه الحقد و الغش و الظلم و النفاق مازال ساكن بعض القلوب و الكل علابالو بلي الدنيا فانية و مايبقى فيها غير خالقها

حتى حاجة حتى حاجة ماتستاهل
الدنيا فانية و حتى حد ماهو باقي
سعدك يافاعل الخير
عيش مليح مع الناس ......تعامل مليح مع الناس....دير الخير لوجه الله....
هادا هو الشئ اللي يستاهل

سمحولي طولت عليكم مي الحاجة هادي ديما تجي في بالي و اليوم حبيت نقولهالكم

سلامي لاغلى الناس
اختكم في الله:angel_not:

 

[hicham500]

حتى حاجة ماتستاهل

عندك الحق اختي آية كل شيئ فاني وحاجة ماهي دايمة والناس تخسر في بعضاها على حوايج تافهة شكرا لك على الموضوع المميز ​

 

[إحســاس بــراءة]

حتى حاجة ماتستاهل​

عندك الحق اختي آية كل شيئ فاني وحاجة ماهي دايمة والناس تخسر في بعضاها على حوايج تافهة شكرا لك على الموضوع المميز ​

الشكر ليك اخي الكريم
ربي يخليك
منور الموضوع

 

[JSK 14 CH]

مايبقى في الواد غير حجاروا
​

 

[Mr mino]

والله يا آية اختي غير كلام صواب قلتيه

الدنيا هذي مكاين والو كلش يفوت الناس برك ماتحمدش ربي كامل مصيرنا في لفان هذيك الحفرة

ويغطونا بالتراب وايمات وينساو وترجع الدنيا نورمال

هذي اللي عايش في نعيم عمروا ماخمم فيها ومرات مايخممش اصلا باش يشكر اللي عطاه النعمة اللي

هو عايش فيها تلقاي غير اللي مقيوس حاس بيها

الا كان المال ولا الولاد ولا واش عدنا في الدنيا هذي راح ينفعنا عند ربي سبحانو والله غير نخدموا

غير باش نلموهم

بصح والو حاجة ماتدوم يدوم غير العمل الصالح اللي نقابلوا بيه ربنا

وكيما قلتي كاينة ناس عايشة وناس طايشة والعايش مراهش حاس بالطايش

والطايش مراهش طامع في العايش

الشدة في ربي

وربي مافيه غير الخير

ربي يبارك فيك آية اختي على الموضوع وان شاء الله ربي يرزقنا

العقل ويثبتنا على دينو

شكر ليك تحياتي

ايا على خير اي


​

 

[oussama_ess1]

الدنيا فانية وما يبقى غير مولاها
​

 

[إحســاس بــراءة]

مايبقى في الواد غير حجاروا​

عندك الحق
مرسي
يعطيك الصحة

 

[إحســاس بــراءة]

والله يا آية اختي غير كلام صواب قلتيه ​

الدنيا هذي مكاين والو كلش يفوت الناس برك ماتحمدش ربي كامل مصيرنا في لفان هذيك الحفرة ​

ويغطونا بالتراب وايمات وينساو وترجع الدنيا نورمال ​

هذي اللي عايش في نعيم عمروا ماخمم فيها ومرات مايخممش اصلا باش يشكر اللي عطاه النعمة اللي​

هو عايش فيها تلقاي غير اللي مقيوس حاس بيها ​

الا كان المال ولا الولاد ولا واش عدنا في الدنيا هذي راح ينفعنا عند ربي سبحانو والله غير نخدموا​

غير باش نلموهم ​

بصح والو حاجة ماتدوم يدوم غير العمل الصالح اللي نقابلوا بيه ربنا ​

وكيما قلتي كاينة ناس عايشة وناس طايشة والعايش مراهش حاس بالطايش ​

والطايش مراهش طامع في العايش ​

الشدة في ربي ​

وربي مافيه غير الخير ​

ربي يبارك فيك آية اختي على الموضوع وان شاء الله ربي يرزقنا ​

العقل ويثبتنا على دينو ​

شكر ليك تحياتي ​

ايا على خير اي ​

عندك الحق خويا مينو
الشدة في الله هو الخالق و الرازق
بارك الله فيك على كلامك الصائب
ربي يخليك
دمت وفي
سلامي

 

[إحســاس بــراءة]

صح اختي
كل شيء يفوت وعلاة نزعفوا
ههههههههههههه

وي اخي كلش يفوت ومالازمش نزعفو على والو
مرسي
بارك الله فيك

 

[إحســاس بــراءة]

الدنيا فانية وما يبقى غير مولاها​

هاداك هو
مايبقى غير خالقنا سبحانو
مارسي ليك
يعطيك الصحة

 

[أية2009]

صح عندك الحق ربي خلق وفرق مدلنا حاجات ونحالنا حاجات وهذي هي حكمة ربي سبحانو المهم الواحد لازم دايما يعيش حياتو ويقول الحمد الله وميقارنش روحو بالاخرين لانو ربي سبحانو عمرو ما يظلم عبادو ونقولك ختي على هذا السبب كثرو المشاكل في حياتنا الكل يجري ورا المادة اما بكري كانو قانعين بحياتهم
يعطيك الصحة ختي على الموضوع

 

[إحســاس بــراءة]

صح عندك الحق ربي خلق وفرق مدلنا حاجات ونحالنا حاجات وهذي هي حكمة ربي سبحانو المهم الواحد لازم دايما يعيش حياتو ويقول الحمد الله وميقارنش روحو بالاخرين لانو ربي سبحانو عمرو ما يظلم عبادو ونقولك ختي على هذا السبب كثرو المشاكل في حياتنا الكل يجري ورا المادة اما بكري كانو قانعين بحياتهم
يعطيك الصحة ختي على الموضوع

مرسي اختي على التفاعل نتاعك
ربي يحفظك
بارك الله فيك

 

[didin91]

وي اخي كلش يفوت ومالازمش نزعفو على والو
مرسي
بارك الله فيك

ماعليه كون عفست الجمره كون تحس بيها وقول كيما هاك

 

[إحســاس بــراءة]

ماعليه كون عفست الجمره كون تحس بيها وقول كيما هاك

مرسي اختي

 

[*amina*]

نقلك زوج كلمات برك ختي آية
الدنيا صعييييييييبة والزمان غدار
صحيتي

 

[إحســاس بــراءة]

نقلك زوج كلمات برك ختي آية
الدنيا صعييييييييبة والزمان غدار
صحيتي

صح اختي الدنيا صعيبة بزااااااف و تاع الصح و سعد اللي فعل للاخرة
ربي يحفظك اختي و ربي يبارك فيك
مرسي ليك

 

[BOUSS]

ياختي ايةربي خلق فو فرق اكل واحد وافعالو كيما خلق الضعيف اخلق القوي او كيما خلق الفقير اخلق الغني باه اتكون المنافسة والفوز بيوم الاخر او كيما قالو ناس ازمان يا شاري دالة تحياتي لكي اختي علي الموضوع

 

[didin91]

مرسي اختي

خوك ماشي ختك اختي

 

[إحســاس بــراءة]

خوك ماشي ختك اختي

اه سمحلي
مرسي خويا على المشاركة
يعطيك الصحة:angel_not:

 

[إحســاس بــراءة]

ياختي ايةربي خلق فو فرق اكل واحد وافعالو كيما خلق الضعيف اخلق القوي او كيما خلق الفقير اخلق الغني باه اتكون المنافسة والفوز بيوم الاخر او كيما قالو ناس ازمان يا شاري دالة تحياتي لكي اختي علي الموضوع

صح خويا عندك الحق
سعد اللي فعل الخير
مرسي يعطيك الصحة خويا
بارك الله فيك