القلب عيا ما يفرغ و الهم زآآد عليه

[كاترين]

السلام عليكم
انا حبيت نطرحلكم مشكلتي
و نتمنى تفهموني صح
عمري 12 سنة
و عايشة ماشاء الله في بيت فيه غير الحنان و العطف
بابا يحبني و ماما تحبني
المشكلة هوما خواتاتي
لما نجي نقعد بالنت يقولولي فوتي اغسلي المواعين و لا فوتي نظفي البيت
مام نكون نظفتوا يقولولي روحي للجهة الاخرى ماشي هنا باش ما ندخلش للنت
و ديما يضربوني
و انا نحس روحي صغيرة و ما قادراش على تحمل المسؤولية احيانا حتى نولي نقول في نفسي و علاش هكذا ما يحبونيش
و هوما و الله يحبوني و لكن احيانا نحسهم يكرهوني لابعد الحدود و الله غير كرهت اعطوني حل لمشكلتي تعيشوا

 

[bouaz]

يعني هما راهم يحبولك غير الخير النت بحر ادا دخلتيه صعيب تخرجي منو

 

[loca]

هههههههههههههه عادي ياو مافيها تحاجة من صابني كيفك ميخلونيش نقعد في النت نقولك ديري طوايش فيهم وخربيلهم في ميكرو تولي غي انت فيه مكان تواحد يقولك نوضي ديرولهم عفايس .

 

[loca]

لالا والله غير يحبوك مافيها تحاجة نقولك واش ديري خربيلهم في ميكرو وديرلهم عفايس تعرفيهم غي انت ايا يقولولك رواحي شوفيه ههههههههههههه وهكا غي انت تبقاي فيه

 

[AGENT007]

هههههههههههههههههههههه...الحياة ماراهيش لعب وزهو برك
لازم تخلضي و احمدي ربي كي جاتك في الماعن
ولا نقولك حاجة كل يوم كسري طبسي و شوفي النتيجة

 

[AnGeL*dZ]

لا مش يكرهوك بصح يحبوا صلاحك ختي
واش فيها لماعن عشقي الابدي

​

 

[bouaz]

هدا حاسوب ممنوع للدراري ههههههههههههه

 

[minakapi]

هادي توجور كاينة بين الخوت و ادا كنت نتي صغير امالا يغيرو منك ولا مراهمش باغيينك داسريهم بصح جبونس با يكرهوك امبوسيبل

 

[نور الصباح الجزائرية]

هههههههههههههه اي حاجة يديرها فى صلاحك

 

[Elif DZ]

راهمـ يشوفوا في مصلحتكـ أختي

الله يوفقكـ
​

 

[ابتسامة بريئة]

صغيرتي الدنيا هادي غدارة بزاف ومكاش فيها احن عليك من ابوك و امك و اخوتك مهما قتلك فمراحش تحسي بقيمتهم الان لانو صغيرة لكن كي تكبري راح تحسي بيهم اخوتك نعمة متحسيش بيها الان لكن هوما لي ييوقفو معاك اد صرالك مشكل و كلام لي قلتيه يفرح ميبكيش حنونة بلعكس يبين انهم خاييفين عليك و مكاش حاجة تفرح قيس هكدا يا ريت كل الخوة يخافو على خياتهم متل اخوتك عالم النت عالم كبير بزاف وواسع وفيه مشاكل و بزاف بنات صرالهم مشاكل من اجلو و بزاف نخدعو منو حنونة لازم تفرحي لانو كاين خاوتك يخافو عليك وعندهم الحق لانو واش رانا عايشنش فهاد الزمان كل يوم نسمعو قصص جديدة واقراي قصص البنات وتجاربهم مع النت و الخداع لي تعرضولو راح تفهيمهم مليح ..ربي يهيد قلبك صغيرتي

 

[JSK 14 CH]

توجور هاكا الاخوات ديما هاكا اي عائلة تروحي ليها هاكدا

 

[joujou1986]

خوك خوك لا يغروك تاكدي بلي خواتاتك يبغولك غير الخير وما راهمش باغينك توالفي الانترنت ولفو صعيب وانتي راكي عاد تقراي عندي اختي راني دايرتلها كتر من خواتاتك

 

[كاترين]

يعني هما راهم يحبولك غير الخير النت بحر ادا دخلتيه صعيب تخرجي منو

صح راني عارفة و لكن نعرف صلاحي ووين ندخل

هههههههههههههه عادي ياو مافيها تحاجة من صابني كيفك ميخلونيش نقعد في النت نقولك ديري طوايش فيهم وخربيلهم في ميكرو تولي غي انت فيه مكان تواحد يقولك نوضي ديرولهم عفايس .

وي صح انا ديما نصلح الميكرو خاطر هوما ما يعرفوش و لكن انا ما نحبش اللي يقعد معايا و ما نحبش اللي يقلي افتحي هذا الموقع و ديريلي هكا و اعمليلي هكا اووو انا ما نخدمش كامل ؟؟

هههههههههههههههههههههه...الحياة ماراهيش لعب وزهو برك
لازم تخلضي و احمدي ربي كي جاتك في الماعن
ولا نقولك حاجة كل يوم كسري طبسي و شوفي النتيجة

ههههههههه كل يوم نكسر ؟؟ ايلا تجي انت تخلص ههههههه

 

[كاترين]

لا مش يكرهوك بصح يحبوا صلاحك ختي
واش فيها لماعن عشقي الابدي

ايلا نكمونديك تجي تعاونيني ههههههه

هدا حاسوب ممنوع للدراري ههههههههههههه

ايه بصح خواتاتي بنات انا جيبلي حاسوب مهبول تدير حاجة يخرجلك اخرى هذا اذا ما كنتش تخدم فيه انت هههههههه

 

[كاترين]

هادي توجور كاينة بين الخوت و ادا كنت نتي صغير امالا يغيرو منك ولا مراهمش باغيينك داسريهم بصح جبونس با يكرهوك امبوسيبل

مداسرتهم لابعد الحدود احيانا نحسهم يحبوني يقتلوا عليا و احيانا نحسهم يكرهوني حتى يخلصوا

هههههههههههههه اي حاجة يديرها فى صلاحك

انا عارفة صلاحي كثر ما يعرفوه هوما و حتى واحد ما يعلمك صلاحك

راهمـ يشوفوا في مصلحتكـ أختي

الله يوفقكـ

و يوفقك اختي

 

[كاترين]

صغيرتي الدنيا هادي غدارة بزاف ومكاش فيها احن عليك من ابوك و امك و اخوتك مهما قتلك فمراحش تحسي بقيمتهم الان لانو صغيرة لكن كي تكبري راح تحسي بيهم اخوتك نعمة متحسيش بيها الان لكن هوما لي ييوقفو معاك اد صرالك مشكل و كلام لي قلتيه يفرح ميبكيش حنونة بلعكس يبين انهم خاييفين عليك و مكاش حاجة تفرح قيس هكدا يا ريت كل الخوة يخافو على خياتهم متل اخوتك عالم النت عالم كبير بزاف وواسع وفيه مشاكل و بزاف بنات صرالهم مشاكل من اجلو و بزاف نخدعو منو حنونة لازم تفرحي لانو كاين خاوتك يخافو عليك وعندهم الحق لانو واش رانا عايشنش فهاد الزمان كل يوم نسمعو قصص جديدة واقراي قصص البنات وتجاربهم مع النت و الخداع لي تعرضولو راح تفهيمهم مليح ..ربي يهيد قلبك صغيرتي

مشكوورهــ على المرور

توجور هاكا الاخوات ديما هاكا اي عائلة تروحي ليها هاكدا

ماشي اي عائلة خوويا

خوك خوك لا يغروك تاكدي بلي خواتاتك يبغولك غير الخير وما راهمش باغينك توالفي الانترنت ولفو صعيب وانتي راكي عاد تقراي عندي اختي راني دايرتلها كتر من خواتاتك

مشكوور على المرور

 

[مكسورة]

على عكس هوما يحبوك ويخافوا عليك فهميهم
​