الي عندها خبرة عن الزيتون

[ام ميسون]

خواتاتي من فضلكم الي عندها فكره لما نحب نعمل مرقه بالزيتون كيف انزع منو الحموضه باش ما يكونش بنتو قاويه فهتوني واقيلا انا نغليه شويه مع قطره خل ولا شويهخ قارص ونتوما واش راكم اديرولو كل وحده تقول فكرتها

 

[ياسمين 177]

غليه مع القارص وشوي سكر تروحلو الحموضة و الملوحة او غليه مع حبة جزر كذلك تنحلو الحموضة

 

[ام ميسون]

شكرا ياسمين الجزر جديده عندي راح نجربها

 

[أم نورهان]

غليه مرتين بالقارص و عاودي غليه بالسكر و مين طيبيه ديري فالمرقة الجزر

 

[ام ميسون]

خواتاتس نقلقكم شويه اسمحولي واش عندكم اطباق يكون فيها الزيتون لاني نموت عليه

 

[lalakarimanouri]

انا نغليه 3 الى 4 مرات مع الليمون كي لا يسود
​

 

[ام ميسون]

يعطيكم الصحه

 

[faloussa]

انا نغليه في الماء مع شوية سكر وندير في المرقة الجزر وما نضعش الزيتون يطيب حتى يطيب اللحم وفي الدقائق الاخيرة نضع الزيتون

 

[ام ميسون]

يعطيك الصحه اختي

 

[ألاء الرحمن 90]

انا كينجبه من الحانوت نديره في الماء مع شوية دقيق ونخليه

 

[assia19]

أحسن طريقة أنك تغليه مع الجزر والليمون

 

[بلال تبسه]

اسلام عليكم
يا اختاه غلي الزيتون مع القارص تلات خطرات في الماء في كل مره بدلي الماء انا راني نخدم فيه هكدا وطريقه مجربه وانشاء الله تعجبك
​