منافقـــــــــــــــــــــــــــــي اللـــــــــــــــــــــــــــــمة

[Moha le sage]

موضوع صريح ولازم نعاودو .........................

والفاهم يفهم ..........




ايماجيني دخلت نكتب بالعربية ... لقيت كتبتي بالهندية ما فهمتوها نتوما ونا ندمت كي كتبتها ... حتى شكيت في لكلافي هو لي خدعني .... ايما جيني


ايماجيني ... وقفت معايا مرا وقفت راجل في مواقف .... ووقف معايا راجل وقفة مرا في بلايص خرى .... ايماجيني


ايماجيني كون جيت نقدر نخرج من ليكران تاعي كيما نيو تاع الماتريكس ونشوف فيقورات تاع ناس بزاف ... ايماجينيو ... ونزيد نعقب ليهم لي نحكم عليه نبرد فيه قلبي : :music_whistling: ولا نسلكلو تاي ايماجينيو


ايماجيني تلقى ناس برا زوج كلمات تاع هدرة برا ميجملوهاش ... ويجو للمنتديات يولي لسانهم طويل و وما يتحكموش .... ايماجيني

ايماجيني تلقى بنات برا ... ميهدرو مع حتى واحد و ما يقيمو حتى واحد ولا عبينها سيريوز ... وتلقاهم مع الميكرو ... السترجيل و طوالت اللسان ... ايماجيني

ايماجيني ... تجاوب طفلة يحطوك تاع بنات ... تجاوب واحد يحطوك تاع ولايات ... ايماجيني


ايماجيني نطلقلكم لحية ونديرلكم بسودو تاع دين ... ونبدا نقلكم واش تديرو وماتديروش ... ونا كي نطفي الميكرو .. الصلاة ومانصليهاش و الدين ومانتبعوش ... ايماجيني


ايماجيني نكون عبد فارغ ومخي حابس ... ومانلقى مندير ندورها تحيا فلسطين وتحيا غزة ولازم نجاهدو ونسب الغاشي ونقلكم تبعيين للصهيون ... ونا ظلي نخاف منو و من حوشنا مخرجتش


ايماجيني تتخلعو بزاف من البسودوات والتصاور وتامنو صح ... نديرلكم علام دزاير .. ونا كون نصيب نبيع لوطن ... نديرلكم تصويرة اسمر باش كامل لبنات يبعثولي ونديرلكم بسودو تاع اسلام باش كامل تحطوني مفتي ونا اقل من او تساوي 0 .... ايماجين

ايماجيني نكون طفلة .... نظال نبعث للذراري فلي ميساج وندخل معاهم في سكايب ونحوس على عريس الغفلة ولا على وقت نعقبو ... واللي ميعجبنيش نسبو ونوعد ناس ونطيح في حب ناس ومن بعد نخليهم ونقول يستاهلو ... وكامل الرجال منافقين .... ايماجين


ايماجيني ... نكون طفلة ... وندير بسودو تاع حب وقلوب ونهدر على مواضيع تاع عذاب ... ونا قلبي اكحل و خداعة ومنافقة و الشيطان موقفش قدام العابي و مكيداتي ... ونتوما مكومش فايقين بيا وكل مرة نحكيلكم على طفل نقوللكم راه بروفوكاني تامنوني وتسبوه



ايماجيني محمد هذا انسان عادي و صريح و الناس المرضى كي ماتلقى بيها وين تدير عليه جمعيات .... ايماجيني



ايماجيني كل واحد فينا يحكم قدرو و ما يهدرش على لخرين و مايدخلش في امور متعنيهش .... ايماجيني


ايماجين تعرف بالي الحقيقة مشي شرط تقولها وماشي شرط تدخل لمواضيع الناس وتمد رايك ..واللي يقلك علاه تقولو هذيك هي الحقيقة وما يغيضكش الحال .... ونا نقلك الحقيقة احكمها عندك و قولها لصاحبك كي يحتاجك ... ايماجين



ايماجيني ... تحكي على السياسة ميفهموهاش ... تحكي على الدين جاهلين فيه ... تحكي على الحب تلقاهم ماجربوهش ... تحكي على الميكروات ... يوجعولهم ريسانهم .... ندوروها كامل العاب واللي يلحق لخمسة يزلق صاحبو على قشرة بنان ... يخي صوق يخي ....





​

 

[امورة المنتدى]

... تحكي على السياسة ميفهموهاش ... تحكي على الدين جاهلين فيه ... تحكي على الحب تلقاهم ماجربوهش ... تحكي على الميكروات ... يوجعولهم ريسانهم .... ندوروها كامل العاب واللي يلحق لخمسة يزلق صاحبو على قشرة بنان ... يخي صوق يخي ....

هادي المخيرة هههههههههه صحيت خويا على الموضوع

 

[السلطانة]

مانيماجينيش خير

 

[خادم الاسلام]

السلام عليكم هههههه كتابة بالهندية صح اخي الكريم النفاق من أرذل الصفات لدى البشر عفانا الله واياكم

 

[Moha le sage]

السلام عليكم هههههه كتابة بالهندية صح اخي الكريم النفاق من أرذل الصفات لدى البشر عفانا الله واياكم

ان شاء الله نكونو من الصالحين انا وانت و كل من يقرا هاذ الموضوع

 

[مروة MARWA]

هادي هي الهدرة لي تبرد على لاقلب
صحيت خويا موح راي وصلت الفكرة
بارك اله فيك وجعلك وفي داااائم للمة
​

 

[العنابية]

:confused1:ايماجيني كل واحد فينا يحكم قدرو و ما يهدرش على لخرين و مايدخلش في امور متعنيهش .... ايماجيني
يعطيك الصحة خويا موح وعندك الحق في كل كلمة كتبتها

 

[هــــيلدا]

دوك نيماجيني ونقولك

 

[beautiful -soul]

..ربي يهدينا ..
​

 

[hala.21]

ايماجيني محمد هذا انسان عادي و صريح و الناس المرضى كي ماتلقى بيها وين تدير عليه جمعيات .... ايماجيني

واش نقلك خويا محمد هذو هما ناس لمريضة لكنت صريح وتعطيهلو في وجو تولي قبيح وممنكش ولعطيته نصيحة رجعهالك فضيحة وكل كلمة قلتها وسيرا جبدتها عندك حق وانا معك في اي حرف قلتو
نية راحت ومنافقين كترو
ربي يستر هذا مكان

 

[AnGeL*dZ]

ايماجيني نطلقلكم لحية ونديرلكم بسودو تاع دين ... ونبدا نقلكم واش تديرو وماتديروش ... ونا كي نطفي الميكرو .. الصلاة ومانصليهاش و الدين ومانتبعوش ... ايماجيني

كآينة منها بزاف
ايماجيني كل واحد يحكم قدرو ومايهدرش على لخرين ومايدخلش في امور ماتعنيهش .....ايماجيني
هاذي بلاك مستحيل تصرا
ربي يهدينا هاذو وش نقولوا
ربي يخليك خويا
​

 

[josefcom]

تحب تفهم دوخ مالا ما تفهمش خير
وربي يهدينا أجمعين
موضوعك فور والله بردلي على قلبي شكرا خويا
​

 

[مهديmido]

خويا موح ليكذب راهوو يكذب على روحو
و لي اينافق راهوو اينافق في روحو
و ربي يهدي عبادو ان شاء الله

 

[** غزال الصحراء **]

555555

زلقة فوق قشرة بنان لخونا موح

لي عودة في الموضوع , و راني قريت منو شويا و باين كل بعد (( إيماجيني )) رصاصة لكاش واحد

Peace .

 

[9takoua9]

ايييييييييييييييي وي
ايماجينيو كان ما دخلتش للموضوع وما قريتوش
​

 

[nassim007]

وصل الميساج خويا ماوح
يعطيك الصحااااااااااااااااا

 

[Fethi.dz]

ايماجيني و تخيل معاية ... بعد هذا الموضوع نقلكــ باركــ الله فيكــ ... سور تدوخ و تقلي علاش انا نسنى شكرا و لا باركــ الله فيكــ !

------------

في هذا الجيل نقلكـ حاجة مهما هدرت و فهمته و تعاملت معاه بإحترام و تقدير يجي يوم يعفسكــ ... المشكل مش قدامكــ يعفسكـ ... لا يعفسكـ من وراء ادات تكون الحاجز بينكـ و بينه الذي يحميه !

امالة انا نقلكــ ... لازم الميكرو يطوروه شوية و يحطو فيه عصة و لا كاش حاجة رزينة .. باش اللي يغلط نسربيوه ثوث سويت ..


و ربي يصلح بال الجميع //

 

[jiji 94]

مشكور اخي محمد علي الموضوع
بارك الله فيكــ
واصل تميزك​

 

[حسام فنال]

السلام عليكم هههههه كتابة بالهندية صح اخي الكريم النفاق من أرذل الصفات لدى البشر عفانا الله واياكم

يخا عبادددددددددددددددددددددددددد

 

[ج.محمد الصالح]

ايماجيني تحب وحده ..... في اللمة وتلقاها مع واحد صاحبك في اللمة

.........................................

نقطة وارجع الى السطر

صعيبه دنيا خويا
​