نحي الخمار وتصوري للبطاقة البيومترية

[امورة المنتدى]

السلام عليكم خاوتي

راني حايرة في الجديد

قالك النسا لازم يتصوروا بلا خيمار فالدوائر لبطاقات التعريف البيومترية ولا منعرف الحية كيسموها

قالك لازم الملامح واضحة منها الرأس والاذنان

حمبوكم واش رايكم في بلاد الدزاير

ماتطوروش ماتطوروش كي تطوروا قالك نحي الخيمار وتصوري

هابلادي توم وجيري

هايقولك نحي الحجاب ومايحشمش

واشرااااااااااااااااااااايكم؟؟؟؟؟؟

 

[adnandz]

زعما اللي يديرو الحجاب زعما حجاب نتاع دين
اللهم طولك يا روح

 

[امورة المنتدى]

زعما اللي يديرو الحجاب زعما حجاب نتاع دين
اللهم طولك يا روح

علاه وش خصوا الحجاب كاين وكاين ماتجمعش

 

[BARCA232]

هاذي حاجة التالية
عادي في البلاد واين المشكل
وقلتيلي صغيرة ................
​

 

[adnandz]

يا ودي نتوما تشوفو غير لهاد الصوالح الصغار شوفو للكبائر العظمى
باش توريني ودنيك وين راه المشكل

 

[nassim007]

wino l mochkil

 

[Bob Marley]

به ايبانو مليح
​

 

[joubrane]

هذي هي بلادي
​

 

[بنـ MaPa ـت]

awah nsiti el permier tani ya3ni kach wahda dir 3djar ykoulha kach poulicer nahi el 3djar bach nchouf hahahaha...yatik saha Merci​

 

[loca]

هههههههههه مليح لي جات غي في خمار ههههههههه

 

[صفحة بيضاء]

اول شي نبارك للجزائرين على الهوية الجديدة والله حنا اللي بقينا روطار كاع داروا هوية صغيرة وشابة وحنا بقينا فلهوية كبيرة وخضرة من بعيد تبان تقول بسبور مساكين الرجال في اجلها ولاو يرفدو حقائب فليد ويشروا ملابس فيها جيب دخلها فلجيب تبقا تبان كبيرة بزاااف ها بن عمي وبالنسبة للخيمار تقلعيه وتتصوري معندي ما نقول حسبي الله ونعم الوكيل كأنو ميعرفوكش الا اذا شافو شعرك ​

 

[AnGeL*dZ]

انا ماني فاهمة والو
في لخورطي تآعهم


​

 

[kaissoum_elsaker]

هذه حاجة عادية بالنسبة للواقع الي رانا فيه ولا راني غالط

بإستثناء الشريفات العفيفات

شكرا على الموضوع
وش يقول رئيسنا زرهوني قول وي

 

[احساس طفلة]

اختي هادي كانت بكري دوكا ماشكيتش تبقا :glare:

​

 

[nina bonoise]

meme الباسبور و البرمي لازم تنحي الخمار

 

[mir@cle]

ههههههههههههههه
- نزع الحجاب وحلق اللحية في الصور الشمسية
- ألغاء حكم الأعدام ومخالفة الشرع الأسلامي

كل هذا تمرروا الحكومة مادام الشعب تايه في كرة القدم ومشغول بسب المصريين

ومنا حتى يخلاص المونديال ترجعنا حكومتنا للجاهلية

​

 

[صفية الروح]

مش رايحين نعرفو ا خير من الحكومة
وقرات اليوم فالجرائد انه سيتم توظيف النساء لهذا الغرض

 

[Rosa2]

ومن بعد
ما كانش اللي راهي دايرة خيمار تاع الصح
دروك
+
هاد القرار امني
راكي عارفة
التزوير و صحابه شا دايرين فالجزاير
​

 

[احساس طفلة]

مش رايحين نعرفو ا خير من الحكومة
وقرات اليوم فالجرائد انه سيتم توظيف النساء لهذا الغرض

سمحيلي بصح قرار كيما هدا 9راف معندهمش الحق :thumbdown:

 

[الجمرة الخبيثة]

هههههههههه
جديدة هاذي واش نديروا ربي خير

​