اول مقابلة لبنات اللمة -سجلو اسماءكم ^_^

[sandoussa3000]

مساء الخير عليكم

ان شا الله راكم كامل بخير



اليوم حابة نقوللكم فكرتي لي عندي بزاف وانا نخمم فيها
ان شا الله برك تعجبكم



هاذ الموضوع للبنات برك

حابة نتلاقاو بنت اللمة في كل ولاية
يعني كيما اختكم سندس من باتنة تتلاقا مع اخواتها الي في اللمة هنا في باتنة
واكيد كي توافقو انتوما عالفكرة
وماذابينا في كل ولاية يصرا هاذ الشي
يعني ماذابينا ماتبقاش معرفتنا منحصرة هنا برك
حابين نتلاقاو في الواقع ويكون بينا اخوة حقيقية مش مجرد تعارف نت اوكي







علابالي طولت في الهدرة وش حتديرو استحملوني وخلاص اختكم سندس ثرثارة مس مش ديما :001_wub:من الآخر يسعدنا جدا ان ننظم لقاء جماعى يضم كل عضوات اللمة الجزائرية الباتنيات ههه والي من الولايات الأخرى ماناش حننسواهم اكيد نعييطولهم ونحكيو معاهم كامل وش رايكم؟:angel_not: ..


ان شا الله تجيو كامل يابنات باتنة عندكو تخليوني وحدي ونجيفكم اكيد ..


نحكي درك عالمقابلة وين حتكون ..




ماذابيا نتلاقاو في مسجد اول نوفمبر يوم الجمعة بعد الصلاة في الصف رقم 5 بعدها نحضرو مع بعض دورة لتحفيظ القرآن ونتفاهمو وين حنتلاقاو اليوم الي بعدو والي ماقدرتش تجي نعيطلوها ماكانش مشكل

يعني يوم السبت بإذن الله
..
رح يكون غداء جماعي
كل وحدة فينا تجيب معاها اكلة
والي ماقدرتش ماكانش مشكل


اكيد رح يكون لقاء رائع جدا ..





يابنات كل وحدة مقررة تجي ان شا الله تكتب اسمها هنا ونبعثلها رسالة فيها رقمي وايمايلي ونتقاهمو اكثر اوكي::


​

سجلو اسمائكم هنا اوكي

1- سندس





2- توأمي الغالية صفية الروح بالهاتف هههه



3-كملو اساميكم حبيباتي هنا




وانا ان شاء الله باذن الله ..

نتلاقاو ويكون بينا ملح وطماطم ههههههه ..
انا حنجيبلكم محاجب ورقاق (مسمن) ​

والبنات من الولايات الأخرى يبعثولي ارقامهم ونعيطولهم ان شا الله ونحكيو معاهم كامل ​

​

​

ان شاء الله يكون يوم رااااااااائع بانتظاركم جميعا ..














​

 

[Sârsoùra L'mkàlChà]

خساااااارة

لوكان غير جيت ساكنة في باتنة

بالصح الله غالب

انا جامي تلاقيت بواحد ولا وحدة من المنتدى

تلقايهم في نفس لبلاد لي ساكنة فيها

بالصح الصدفة ما جمعتناش




و نشالله تقضو اوقات ممتعة مع بعضاكم

و سلاااام لكل بنات المة الغاليين
​

 

[ISMA.dz]

دوماج فكرة شابة والله تمنيت نتلاقا بوحدة من أعضاء اللمة مي عجبتني فكرة تتلاقاو في الجامع الرنديفو تماك هههههههههههه رايحين تصلو ولا تتلاقاو؟
غير ن9صر حنونة ربي يهنيكم انشالله

 

[كبرياء دمعة]

دوماج فكرة شابة والله تمنيت نتلاقا بوحدة من أعضاء اللمة مي عجبتني فكرة تتلاقاو في الجامع الرنديفو تماك هههههههههههه رايحين تصلو ولا تتلاقاو؟
غير ن9صر حنونة ربي يهنيكم انشالله

اسكتى اسكتى رانى جارتك لباطيما ديالنا قدام الباطيما ديالكم
و حتى دورك ماشفتكش ههههههههه

 

[ISMA.dz]

اسكتى اسكتى رانى جارتك لباطيما ديالنا قدام الباطيما ديالكم
و حتى دورك ماشفتكش ههههههههه

صح والله عندك الحق شفتي المكتوب وبالاك دايما نتلاقاو بصح مانعرفوش بعضانا هههههههه

 

[MARIA_4algeria]

خسارة انا ماشي من باتنة
اتمنى لكم لقاء سعيد ومرح​

 

[كبرياء دمعة]

صح والله عندك الحق شفتي المكتوب وبالاك دايما نتلاقاو بصح مانعرفوش بعضانا هههههههه

هههههههه هادى سووووور نكونوا شفنا بعضانا
مصح ربى يجيب وحدة ما تعرف لوخرة هههههه

 

[ISMA.dz]

هههههههه هادى سووووور نكونوا شفنا بعضانا
مصح ربى يجيب وحدة ما تعرف لوخرة هههههه

مالا كي تلقاي وحدة مزعوقة هذيك هي انا:001_wub:

 

[كبرياء دمعة]

مالا كي تلقاي وحدة مزعوقة هذيك هي انا:001_wub:

هههههههه كاين بزاف مزعوقات فى الرغاية كيفاش راح نعرف انا ههههههه
بلعطى بلعطى راكى تنحى فى لعين ياك هههههههه
​

 

[كبرياء دمعة]

اه صح ربى يهنيكم و ديرو لقاء شباب​

 

[بنـ MaPa ـت]

انا تلاقيت غي مع nessrina وهي عضوة هنا معانا مي للاسف راني بعيييدة عليكم......ربي يدوم لمحبة بيناتنا مرسي..​

 

[نرجس هبةالرحمان]

الله غالب مانيش باتنية

 

[فراشة المنتدى]

سلامـ
ولله غير فكرة شابة انو نتلاقاو
بصح للاسف انا معسكرية ماشي من باتنة

دوماج ياك
معليش
نشكرك على الفكرة الحلوة والطرح الرائع
​

 

[sandoussa3000]

خساااااارة​

لوكان غير جيت ساكنة في باتنة​

بالصح الله غالب​

انا جامي تلاقيت بواحد ولا وحدة من المنتدى​

تلقايهم في نفس لبلاد لي ساكنة فيها​

بالصح الصدفة ما جمعتناش​

و نشالله تقضو اوقات ممتعة مع بعضاكم​

و سلاااام لكل بنات المة الغاليين​

الله يسلمك اختي الحبيبة

ماعليش ان شا الله كي نتلاقاو نبعثولكم صور تاع الغدا هنا هههههه لأننا مانقدروش نحطو صورنا اكيد
مي اكيد رح تشوفو اثار لمتنا هههه :angel_not:

واذا حبيتي نحكيو معاك تيليفون اختي الحبيبة

 

[sandoussa3000]

دوماج فكرة شابة والله تمنيت نتلاقا بوحدة من أعضاء اللمة مي عجبتني فكرة تتلاقاو في الجامع الرنديفو تماك هههههههههههه رايحين تصلو ولا تتلاقاو؟
غير ن9صر حنونة ربي يهنيكم انشالله

ياخاه اخاه درك نجيفك:cursing: ه راني نتمسخر حبوبتي
لالا اكيد مش رح نقعدو نحكو بزاف رح نتعرفو برك على بعد الصلاة اكيد وقت بين الصلاة والدورة الي عال 14.30 وكي نصلو العصر تماك مع بعض نخرجو ونحكيو ونتفاهمو وين نتلاقاو وين انسب بلاصة نتلاقاو فيها
تمنيت لو كنتي هنا معانا
مي ماعليش ان شا الله فرصة اخرى غاليتي
سعيدة بمرورك :001_wub:

 

[sandoussa3000]

اسكتى اسكتى رانى جارتك لباطيما ديالنا قدام الباطيما ديالكم
و حتى دورك ماشفتكش ههههههههه

ياو اشومي عليكم هههه
انا عندي صاحبتي برا باتنة وراني عن قريب نزورها بإذن الله
شيء محزن تكونو قدام بعضاكم وماتتلاقاوش :crying:
ان شا الله تتلاقاو عن قريب
ربي يدوم اخوّتنا برك

 

[هــــيلدا]

سندوووووووووووسة تي باتنية ومتهدريش
علاش
وين كنتي هدا

يا حبوبة مام انا باتنية والعضوات للي هنا باتنيات كامل نعرفهم ونصهم تلاقيت معاهم
منهم koukou2 ، معاك يالخضراء = ريمة هادي حبيبتي وتاني lalakarimanouri، ونور اليقين

مممممم
اصبري نزيد نتفكر
المهم أغلبية الأعضاء الباتنيين نعرفهم ومنهم حتا لولاد الباتنيين
المهم أنا مشغولة ضرك
غدوا نشالله نرجع ونخليلك بياناتي
وأكيد راح نعاونك في اللقاء
​

 

[sandoussa3000]

خسارة انا ماشي من باتنة


اتمنى لكم لقاء سعيد ومرح​

ماعليش غاليتي
تمينت لو كنتي معانا
سعيدة بمرورك
ربي يسعدك

 

[sandoussa3000]

اه صح ربى يهنيكم و ديرو لقاء شباب​

شكرا غاليتي كبرياء دمعة
تمنيت فعلا لو كنتو معانا
سعيدة بمرورك
ان شا الله تتلاقاو تما انتوما ثاني وتحولنا على لقائكم :001_wub:

 

[sandoussa3000]

انا تلاقيت غي مع nessrina وهي عضوة هنا معانا مي للاسف راني بعيييدة عليكم......ربي يدوم لمحبة بيناتنا مرسي..​

اااااميييييين غاليتي
سعيدة بمرورك

ان شا الله نتلاقاو في فرصة اخرى
ربي يسعدك انتي واختي Nessrina