عاونوني انا اختكم تابع

[homework]

الخطبة تبوزة كيما موالفة جاو دار هم عندنا بعد ماكان احلل مي اليوم بريزاني صباح على
9.30 عيطلي قالي سمحيلي سمحيلي منقدرش انكمل معلبليش واش بيا ،الدنيا دارة بيا مرنيش عارفت من الصباح وانا حاكمتني القنطة مقدرتش نبكي خوفت من دارنا مي قلبي راح يحبس عل وجه ربي عاونوني دارنا قالولي تتقلقي على واحد كيما هذاك مانيش حاب نبكي قدامهم مي راسي راح يترتق و قلبي راح يحبس مشي على جالو مي على زهري تالمو ناس املاح ليجي يعفس عليا راني حاب انموت ونتهنا

 

[nawal 88]

شدي في ربي أختي خلاك ضركا خير ما يديك ومن بعد شهر ولا شهرين يطلقك

 

[AGENT007]

لا أظن أنك تعلمي أفضل من الخالق عز وجل و هذه قسم ونصيب عسى الله شايف فيها خير
لا تيأسي من رحمة الله والله لا يرجعوا...

 

[رانيا ميسي]

هادو هوما واش راح يجيك منهم
شدي في ربي ولي دايرها ربي مرحبا بها متقلقيش روحك حنونتي

 

[مروة MARWA]

يا ختي لعزيزة هادي ماشافش فيها ربي خير
لي جابو يجيب غيرو ماتقلقيش روحك راكي تجيبيها غير في روحك
وربي يقدم لي فيه الخير
​

 

[منالM]

(عسى ان تكرهو شيئا وهو خير لكم)
ماتقلقيش روحك اختي وكل حاجة بالمكتوب ان شاء الله يجيك واحد خير منو​

 

[im£ne]

الحمد لله على كل حال
(عسى ان تكرهو شيئا وهو خير لكم)
لعله خير !

 

[منايا الجنة]

الشدة في ربي اختي انتي ماديري والو في بالك كلشي بالمكتوب وربي ان شاء الله يجيب وليد لحلال اللي تستاهليه

 

[مصطفى-]

وعسى أن تكرهوا شيئا وهو خير لكم ...............
ختي كل شيؤ بالمكتوب وكوني متهنية إذا هو مكتوبك.
راح تديه تديه وإذا مش مكتوبك كوني هانية.
كيما راح تديريي محال تديه..
لذلك بالاك ربي ..
كاتبلك حاجة.
خير..
ديري.
ربي.
في. بالك...
وإن شاء الله خير ​

 

[Elif DZ]

أختي كل شيء بالمكتوب
و تفارقتو بالمعروف الآن خير ما بقتلكـ في الطلاق لا قدر الله
و أكيد هناك من يستاهلكـ
و شوفي الخلل وين اختي
​

 

[homework]

شكرا انكم حسيت بيا لأنوا ميحس بالجمرة غير ليعافس عليه قلبي نار شاعل فيه حشمة انقابل دارنا الزين و لقراية و شطرة ورقد زهري في الزواج
صدقوني وين انروح للعرس نروح بالخطاب و لا في الخدمة ليخدموا معايا قاع خطبوني الخاوتهم و يجيوايشوفوني و يقبلوا كي نوصلو لرسمي يجوا لدار اروحوا مايوليوش اوكان ماجاوش انقول مكتوب ربي نرض به راني مومنة مي كي تصرالي هكذا تعقدة منكذبش اعليكم

 

[somiasahraoia]

كل شي قسمة ونصيب وتوكلي على الله

 

[moni92]

وعسى ان تكرهو شيئا وهو خير لكم
اكيد راه فيه الخير في فك الخطبة وممكن اذا كملتو راح تكون تعاسة ماشي سعادة وربي راه شايفلك سعادتك في جهة اخرى ماشي عندو وحاجة اخرى ابكي وفرغي قلبك وما دخلكش في داركم لانك اذا ما بكيتيش راح تحصل حوايج تضرك في جسمك ابكي حنونة وربي يفرج