ليزيميڤري و الصيف

[صفحة بيضاء]

السلام عليكم
الشايف تاع فرنسا ولا شباب تاع جزاير
ليزيميڤري مين يجو للجزائر فلصيف
تڤول الخير جا
مساكين يولوا يشتكوا الخطابة هبلونا
راهم هابلين على بناتنا
هل يا ترى شابين بزاف او الكارطة
سؤال سخيف اكيد الكارطة
مين الكارطة تهمهم كاين لي راه عنده شغل ولابأس عليه
ويروح يحوس على ايميڤرية
قبل مين يكون فلشتاء يقول منديش بنت ماشي محجبة
منديش بنت تحكم فيا
ومنبعد غي يجي الصيف يتبدل يقول ايميڤرية ولا مكاش
غي قدما تصنعلي كواغط ونطلقها
وكي يطلقها فرنسا عندها قوانين المرأة تبقا في دارها
وراجل برا والاولاد يبقو لأمهم
الراجل يخرج زيروا
ڤاع يهدروا في ايميڤريات بصح مين يشوفوهم يهبلوا
سؤال لشباب هل تفضل ايميڤرية او اجنبية
تصنعلك كواغط بما أنك مطلقها مطلقها
و واش رأيكم في ليزيميڤري
لي معجبوش موضوعي يقرا توقيعي​

 

[sahiko hamza]

احنا عندنا إيميقري بصح مربيات
مابخدموش بالقانون خلاص

مزالو معترفين بدمهم الإسلامي

شكرا لكـ
نخلي الحوار لي ناس شافت الظاهرة هاذي
​

 

[صفحة بيضاء]

احنا عندنا إيميقري بصح مربيات

مابخدموش بالقانون خلاص​

مزالو معترفين بدمهم الإسلامي​

شكرا لكـ
نخلي الحوار لي ناس شافت الظاهرة هاذي​

مشي كاع كيف كيف
اكيد كاين لي معترفين
بدينهم الاسلامي
ولكن كاين اللي راهم مخسرين​

 

[M!ss D!or]

أختي وحدة وحدة علينا راكي خلطيها ههههه :angel_not:
المهم صح عندك الحق في ليقولتيه مي ماشي كامل ليزيمقري كيما هاك
كاين بنات أقسم بالله تربية و أخلاق و حشمة خير من وحدة عايشة في بلادها زعمة بين أهلها وزيد عندك الحق كي قولتي يدوهم على جال الكواغط على خاطر لي جان تاعنا تخمامهم غير في الماديات
و كيما يقولو وين تروحي تلقاي لي فيهم و لي عليهم
و شكرا على الموضوع​

 

[صفحة بيضاء]

أختي وحدة وحدة علينا راكي خلطيها ههههه :angel_not:

المهم صح عندك الحق في ليقولتيه مي ماشي كامل ليزيمقري كيما هاك
كاين بنات أقسم بالله تربية و أخلاق و حشمة خير من وحدة عايشة في بلادها زعمة بين أهلها وزيد عندك الحق كي قولتي يدوهم على جال الكواغط على خاطر لي جان تاعنا تخمامهم غير في الماديات
و كيما يقولو وين تروحي تلقاي لي فيهم و لي عليهم

و شكرا على الموضوع​

هههههههههه حبيبتي انا مرانيش كارهتهم بصح كاين اللي ينرفزوا
وحتى انا راني باغية نكون ايميقرية
راني نحلم بيها صبح وعشية نقولها بلا حشمة
بصح مشي كاع ماشي ملاح تحياتي لكي​

 

[هند تلمسان]

لالا اختي كاين فرق بين الاميقرية والقاوية الايميقريات تاني بنات فاميليا جزايريات وكيفنا غير تبانلك هكا

 

[Sârsoùra L'mkàlChà]

واش خصهم الميقريات

والله غير تلقايها كي تجي هنا متمسكة بحجابها و دينها خير من لي في بلادها


و تاني فيهم و عليهم

كاين تاني لي لاعبينها ما ...... غير كي ولاو ميقريات

​

 

[mir@cle]

مساكين يولوا يشتكوا الخطابة هبلونا
راهم هابلين على بناتنا
هل يا ترى شابين بزاف او الكارطة
سؤال سخيف اكيد الكارطة​

هههههههههههه
صح عندك الحق في الملاحظة...بالصح جوابك مش دائما صح
كاين ايميقريات ماشاء الله عليهم.....وزيد عقليتهم تكون أحسن، لخطراش كانو عايشين في أوربا .. لانميمة ولا قيل ولاقال ولا حقد، ولا سحر ولا عين ولا حسد ...الخ
​

سؤا ل لشباب هل تفضل ايميڤرية او اجنبية
تصنعلك كواغط بما أنك مطلقها مطلقها
و واش رأيكم في ليزيميڤري
لي معجبوش موضوعي يقرا توقيعي​

ليزيميقري هم ناس مثلنا مثلهم
مش جايين من الفضاء مثلا هههههههههه
وأكيد الواحد مايرضاش يتزوج بوحدة فقط على جال الأقامة
​

لي معجبوش موضوعي يقرا توقيعي​

ماقريتش توقيعك لخطراش عجبني موضوعك
مشكوووورة
​

 

[M!ss D!or]

هههههههههه حبيبتي انا مرانيش كارهتهم بصح كاين اللي ينرفزوا

وحتى انا راني باغية نكون ايميقرية
راني نحلم بيها صبح وعشية نقولها بلا حشمة

بصح مشي كاع ماشي ملاح تحياتي لكي​

صح والله كاين بنات ياااالطيف وهداك النوع sur زلقو من الجبل لـــ paris
ولا تلقايهم ماعندهمش شخصية يأثر فيهم كلش
و إن شاء الله تجي و تشوفي بعينيك​

 

[Dr.CrAzY]

كيف كيف....
ودي فوا الرحمة فليميـڤرية

​

 

[بنـ MaPa ـت]

ميقرية ولا بنات هاد الزمان.....ماراكمش شايفين واش راهو صاير عندنا مانحكيش خير سورتو فالصيف كامل نهبطو للدزاير حتى الطيارة وماحبتش طيح بينا باش تهنينا....مرسي تحياتي..​

 

[Sârsoùra L'mkàlChà]

ميقرية ولا بنات هاد الزمان.....ماراكمش شايفين واش راهو صاير عندنا مانحكيش خير سورتو فالصيف كامل نهبطو للدزاير حتى الطيارة وماحبتش طيح بينا باش تهنينا....مرسي تحياتي..​

علاه نتي ميقرية سوندرين ؟؟؟؟
​

 

[SOUHA]

les imgri yajiw hna yal3bouha 3alina houma lahih 3ychin taht sbat yajiw hna yakhl3ouna za3ma
ba chifoun ta3houm

 

[M!ss D!or]

les imgri yajiw hna yal3bouha 3alina houma lahih 3ychin taht sbat yajiw hna yakhl3ouna za3ma
ba chifoun ta3houm

hmy:
:confused1:
قولي حاشة البعض (صوابع يديك مارهومش كامل كيف كيف OK)​

 

[صفحة بيضاء]

مروركم اسعدني مشكورين فردا فردا
وانا رأيي الشخصي مشي كاع كيفكيف
انا تاني عندي لافامي ايميقيريين وتقريبا كاع ملاح
وانا تاني راني قريب نكون ايميقرية
ان شاء الله هدا حلم اليقظة ههههه
​

 

[soussou_yebda]

كاين اميقريات ماشاء الله انا ختي الحمدلله قاضبة دينها وحجابها الشرعي ماشي حجاب لامود تاع لي رانا حنا فالبلاد نديروه وبناتها صغارات حافظين قرأن ولله الحمد

بصح كاين شي وحدين قاتلهم الزمان تما داخلين عليها غي لي بات ويجو هنا يفريمو على ولاد البلاد سيرتو ليجان تاوعنا منكدبش عليكم يشفوني مين يشوف روحه قاع النهار وهو قادب حيط ويجو الزماقرة فالصيف لافريم ولواطة عليها ليجان تاوعنا راهم هابلين باش يروحو والله غير يكذبو عليكم زيرو فالزيرو

 

[صفحة بيضاء]

مالكم راكم حاسبين راني ضدهم
انا منكرهمش بصح كاين
بعضهم حاسبين رواحم غي هما ولا مكاش
وشفتهم بعيني يهدروا ويقولوا هبلونا
كاين متحجبات يصلوا وكاين لي هبلوا​