كي ما بغيتش نركب قالي مش متربيه......

[♥مـِنتهِــِے ﭐلرِقِـہْ]

كي ما ركبتيش مش متربيه

السلام عليكم


عندي مده صرالي موقف و بقا في بالي

كنت نقرا و راجعا للدار

و انا نمشي نمشي حتى بقا يعاكسني واحد عنده 407

كي هبلني رفدتلو حجره خخخ باه يخاف على سيارتو هههه

خاف عليها و هرب و كي راح قالي تفو مشي متربيه

مع العلم اني لبسي محترم يعني ضرك ولاو يخلطو بززاااف

و كي قالي مشي متربيه بلاك عندو نكون متربيه و في قمة الاخلاق كو ركبت


عيش تشوووف

 

[M!ss_f@ti]

هههههههههههـ منتهى الرقهـ .... بصآح تلحق لـ الصح ... منتهى الخشونة
نستعرف بيكـ .... ربي علآبآلو بيكـ مآشآء الله وهو يعرف ولآ يقعد كيف كيف
شفتي الزمآن هذآ " سآيسني ولآ نطيح "

ربي يهدي الخلق ..... تقبلي مروري .​

 

[naim_biskra]

واش راه صاري في هذي الدنيا (راسك يبلوكي )ربي يجيب الخير

 

[WiNssE]

هههههه خلعتيه بهاديك الحجرة

 

[اشتك اشتك]

يا اختي واش راح نقلك

هاد الدنتا راهي سايي ولاة تمشي مارش اريار

مالى ياك يقولو

الا كثرة الاديان استحفض على دينك

و انتي الله يبارك عليك

كملي على هاد الطريق لي راكي تمشي فيه

راكي في الطريق الصحيح ان شاء الله

اشتك يحييك
​

 

[** غزال الصحراء **]

و عليكم السلام

و الله عندك الحق , كون غير ريبتيلو الباربريز فوق راصو باش يتربى

و يعرف بلي ماشي قاع البنات كيف كيف

أنا و الله اني حاير في الظاهرة هاذي تاع اركبي اركبي حاسبينها سايبة !!

+ ما يحشمش الطونوبيل تاعو يعرفوها الناس و لافامي تاعو و صحابو

ما يقولش بالاك يشوفوني من بعيد و نتحرق

الواحد بلا طونوبيل و يحشم يدير لعفايس هاذو و لا يا بلوطو قد الطامة

ربي يلطف و خلاص , و على تاع مش متربية قوليلي كون جات لي مش متربية هاكا

كون غير جاو قاع لبنات مش متربيات .

 

[HWK4ALGERIA]

يا اختي واش راح نقلك ​

هاد الدنتا راهي سايي ولاة تمشي مارش اريار​

مالى ياك يقولو ​

الا كثرة الاديان استحفض على دينك​

و انتي الله يبارك عليك ​

كملي على هاد الطريق لي راكي تمشي فيه​

راكي في الطريق الصحيح ان شاء الله​

اشتك يحييك​

يعطيك الصحة، وانا انقولك حاجة، راهي جاتك اخفيفة في كلمة "ماشي متربية" رغم اني متاكد بللي راه قالك كلمة اكبر من هاذي المهم رانا عارفين بللي هو اللي ماراهوش متربي مام هو عارف روحو واش يسوى، ياريت كيما قال غزال الصحراء ايكونو كل البنات في تربيتك اللي وصفها كلب الشوارع مول 407 بللي ماهيش تربية واحنا بصفتنا ولاد فاميليات ونعتبر رواحنا متربيين نقدرو انميزو بين المتربية والمتربي والعكس بالعكس، ربي يسترك اختي وواصلي في مشيتك هاذي وماتفشليش لأنها ماهيش حاجة ساهلة على الطفلة في الوقت هذا باش اتحافظ على روحها في وسط الذيابة وكلاب الشوارع، وجزيل الشكر على الموضوع الذي هو موضوع عام أكثر منه موضوع خاص.
(الزهر كان راكب 407 ماش ياريس:thumbup

 

[sahiko hamza]

يحسابو لبنات كامل كيف كيف
مي عودي ديما أرفدي معاك حبة تاع بيض وين يقلقك واحد أعطيه ديركت
اوموا ماتضريه ما والو
مي نشعتها أكبر منهــا ههه

صحيتي وربي يوفقكـ
​

 

[منايا الجنة]

اختي عملتي مليح كي ماركبتيش وماديريهاش في بالك كي قالك ماشي متربية انتي اخلاقك عاليا و راكي متربية عليه. عجبتني كي رفدتي عليه الحجرة نستعرف بيك

 

[FaRiD_M77]

هههههههههه الله يبارك عليك اختي ربي يسترك على واش درتي
بالتوفيق وربي يهدي ما خلق
​

 

[حورية الجزائر]

متربية ونص و25


هو الي مش متربي

ونقولك هاديك الحجرة كون مديتيهالو فالراس ههههههههه

ربي يسترك ويحفظك ختي
​

 

[M!ss D!or]

​

**************************************
اختي اخلاقك عالية فلا تتركي الذئاب البشرية تنفث سهامها لتدخل الشك و الريبة
تحياتي
*******************
​

هيا بالذات :thumbup1:​

 

[نبضة قلب]

لا حول و لا قوة الا بالله العلي العظيم
ربي يسترنا

 

[touti_dz]

نستعرف بيك يا اختي
درتي مليح كي ما ركبتيش
واذا نتي ما ركبتيش وقالك مش متربية مالا اذا ركبتي واش يقول

 

[Fethi.dz]

المرة الجاية ارفدي بلوكـــة ... ،،، و افدخيه بيهــا ...

،،، بلاكــ ساعيتهــا ... ،،، تلحقو التربية //

(( ربي يحميكــ ))

،، و ربي يهدي مثل هذي الناس ،،

 

[BARCA232]

هذا هو حال الذئاب البشرية
بالتوفيق
ربي يحفظ بنات المسلمين

​

 

[AGENT007]

الله غالب هذا المجتمع ولى متوحش
احمدي ربي كي راح و ماكانش مدروقي و رجع
ننصحك لوجه الله دايما ارفدي معاك حتي موس نتاع حفافة

 

[Manar19]

اكيد راح يقولك هك....بويسك كلى تبهديلة قد السما....ربي يهدي ماخلق

 

[أية2009]

يحسابو الخضرة كامل حشيش
معندك حاجة ختي هو يقول واش يحب المهم تكوني تمشي في طريق صحيح

 

[messikimo]

hhhhhhhhhhhhhhhhhhhhhh
nesta3ref bik​