احم بسم الله نبدا الميضوع
واش بيها الدنيا ولات كحلة و الروج فيها صومبل حطونا في الظلمة و لعبونا افون صونطر
الميضوع عبارة على محطات من الواقع المعيشي تاع الشعب الجزائري
مخلطة مع شوي كلمات تاع راp
لابروميار فاز هي واش صرا في لبريمار لولاد الصغار مع النوفال بروغرام
شرجاولهم الكرطابل بلكتاب ولكراس وعلى لخر خلاص خرجوهم فرغانين الراس
عقبوهم على سكانير من سيزيام حتى للباك غسلولهم السارفو من لبريمار حتى للفاك
وزيد جابولهم ليباري تاع الشوماج و ليوم يطيشوا فيهم ورا لبحر
دارولهم فوباراج يقتلوا فيه ولاد الشعب ذبحوهم تحت الظلمة خلي النار تتشعل
سي طروطار كيفاه لاجيتتيس اليوم ولات تزطل
الناس قلبوهم ديكوباي يسوقوا فيهم لبغال كيف ليكوبوي :glare:
مالا باي باي بلادي فيلامان وريح برك راك ف le temps des phénoménes
فينومان فليجون لي كلاهم لحرق وفكل بلاصة كتر وزاد ظهر السراق
ولحراق راهو يريسكي فلبحر فوق حطبة و الناس كلها عاصية وتحوس غير على التوبة
جامي تتربى مع سيستام تاع الفتنة و الرشوة
فينومان في كل بلاصة مام حتى في الدين يعطيك نصيحة وهو يدير في التوهيديت
فينومان تاع الجيران ليعادوا يخونوا في بعضاهم و فينومان في الاباء لهيك مع ولادهم
فينومان حتى لمدارس تاع لقراية والتعليم لولاد الصغار كلاولهم حقهم المعلمين
فينومان تاع لميار لي عادت تلهف مع جماعتها قالوا الكرسي راو يبدل
هاذي غير البارح سمعتها
فينومان في الاسرة بين الراجل والزوجة نتاعو و لولاد راهم البرى يتشراو و يتباعو
فينومان راهو في القلب من داخل والصحبة تتبنى على المادة وتفض على الباطل
فينومان ديvلوبات وتمشي كي الفيريs وتتوسع في لبلاد مع الكيف والكنابيس
حتى ليفي اليوم عادوا مايحشموش عادوا يدراgيو صومبيتي ومن ربي مايخافوش
ياك راني نحكي واش كاين غلقوا المساجد ولاو يفتحوا غير في التبارن
جيب البيرة نانبورتيو منها بزاف وكتر الكيف نحي المحنة والزعاف
المصاحف و الكتب ماكان لاه ندخلوها على خاطر الشعب كون يثقف راهو يخليها
هادا واش راهو صاري في هاد الزمان
كتر البيزار وكتر معاه الفينومان
ايه كيما قال كمال مسعودي
الناس زهات بكري وكي فاقت رمات لمحارم .
السيجي بروشان ان شاء الله
العقار لادروg & الكيف و الزطلة
