حبيت نقول كلمة برك

[sahiko hamza]

سلام عليكم ورحمة الله



تأمنوني يا خاوتي والله راني نكتب فالموضوع وعارف روحي مارحش نمدلكم حقكم




حكاية موضوعي على المنافسة لي كان ليا الشرف اني نتنافس مع عضو محترم ومن أهل معروفين بالجود والكرم





المنافسة بيناتنا كلمت بفوز عماد وخصارة sahiko


مي انا حاليا ذرك مانيش نشوف في روحي خاسر

والله نشوف في روحي رابح وبالفور



راني ربحت صوتكم وربحت معريفتكم وربي يدومهـا



ماشي ساهلة انك تكون التالي خلاص وتلحقو صوت بصوت حتان تكون حذاه ويزيد يفوتك وتزيد تلحقو وتغلبو وتخليه يأمن بلي راك غلبتو مي كثر خير لي وقف معاه وربي يخليهملو وأنتهت بفوزو عليا



حبيت نكتبلكم كلمة شكر ومش عارف كيفاه نوصلها والله








خليتوني نحبكم ذراع .. كنت داير فحسابي نجوز الوقت معاكم مي المنافسة هاذي قلبتلي الموازين وخلاتني نحبكم بالواحد لي صوت عليا ولي صوت لعماد








بارك الله فيكموتعيشو وربي يخليكم لميمتكم و يخليكم ليا بيان سير

:tears:
​

 

[بنـ MaPa ـت]

ماتبكييييش.......كل عطلة فيها خير مالا انا منن دركا ننسحب بالاك يصرالي كيفك...​

 

[روعة الأخلاق]

ســــــــلآمـ عليـــك
بصراحة انا صوت لك اخي
و هذا لأني رأيت مدى صدق مواضيعك و ردودك
و هذا لا يعني العكس بالنسبة للأخ عماد
فقط انا لا اعرفه و لم اتعامل معه
صدقني يا أخي الكريم ان اللمة فعلا ألفت بين القلوب رباط قويا جدآ
ادام الله عليك النعمــ ~
سلالآم|​

 

[touti_dz]

ربي يكون في عونك خويا

 

[Sârsoùra L'mkàlChà]

èèèy vive sahikooooooooooooooooooo lkbir te3na
والله يا خويا غير صوتتلك باسكو عندك وحد العقلية فوووووووووووووووووور
و في رايي تستاهل نتا كتر من لاخر ما علاباليش وسمو

بالصح ما عليش راك رابح محبتنا خويا
​

 

[sahiko hamza]

ماتبكييييش.......كل عطلة فيها خير مالا انا منن دركا ننسحب بالاك يصرالي كيفك...​

الخير في وجوهك والله
ههه لا لا ماتنسحبش راني راح نصوتك غي ماتخافش :wink:
الكوراج خير من الدراهم
​

 

[بنـ MaPa ـت]

الخير في وجوهك والله

ههه لا لا ماتنسحبش راني راح نصوتك غي ماتخافش :wink:
الكوراج خير من الدراهم​

كنت نقصر برك ماشي صح ننسحب المهم خويا واحد مايخسر وصحيت على التصويت مي بالاك تشونجي رايك ها​

 

[جوانا]

ماعليش خويا حنا صوتنالك و درنا لي علينا مي ربي كتبها هاك
المهم نبقو أهل في هاد المنتدى الدنيا و ما فيها
تحياتي أخي

 

[sahiko hamza]

ســــــــلآمـ عليـــك
بصراحة انا صوت لك اخي
و هذا لأني رأيت مدى صدق مواضيعك و ردودك
و هذا لا يعني العكس بالنسبة للأخ عماد
فقط انا لا اعرفه و لم اتعامل معه
صدقني يا أخي الكريم ان اللمة فعلا ألفت بين القلوب رباط قويا جدآ
ادام الله عليك النعمــ ~
سلالآم|​

أختي الكريمة صوتك لي أو لعماد
انا لي يهني هو معريفتكم ولست متشائم من الخسارة والله راني رابح وبالفوووووووووور

عموما صوتك مارحش باطل
نلقوه في مسابقات أخرى إن شاء الله :angel:
​

 

[HWK4ALGERIA]

سلام عليكم ورحمة الله​

تأمنوني يا خاوتي والله راني نكتب فالموضوع وعارف روحي مارحش نمدلكم حقكم​

حكاية موضوعي على المنافسة لي كان ليا الشرف اني نتنافس مع عضو محترم ومن أهل معروفين بالجود والكرم​

المنافسة بيناتنا كلمت بفوز عماد وخصارة sahiko​

مي انا حاليا ذرك مانيش نشوف في روحي خاسر​

والله نشوف في روحي رابح وبالفور​

راني ربحت صوتكم وربحت معريفتكم وربي يدومهـا​

ماشي ساهلة انك تكون التالي خلاص وتلحقو صوت بصوت حتان تكون حذاه ويزيد يفوتك وتزيد تلحقو وتغلبو وتخليه يأمن بلي راك غلبتو مي كثر خير لي وقف معاه وربي يخليهملو وأنتهت بفوزو عليا​

حبيت نكتبلكم كلمة شكر ومش عارف كيفاه نوصلها والله​

خليتوني نحبكم ذراع .. كنت داير فحسابي نجوز الوقت معاكم مي المنافسة هاذي قلبتلي الموازين وخلاتني نحبكم بالواحد لي صوت عليا ولي صوت لعماد​

بارك الله فيكموتعيشو وربي يخليكم لميمتكم و يخليكم ليا بيان سير

:tears:​

ربي يفقك في حياتك اليومية ان شاء الله.
شكرا.

 

[aMiNa-K]

السلام عليكم

نورمال يا خو هدي هي المنافسة فيها الرابح و فيها الخاسر :wink: .. و المهم راك ربحت اصوات
و نحييك على روحك الرياضية

و الصح الصح ضحكني المنافس ديالك ..كان رابح في الاصوات بصح كان خايف تغلبو و يخسر :heh: .. و لحقني تنبيه من الادارة بلي راني نجمعلك اصوات :glare: .. و يادرا شكون هدا اللي شكى بيا :music_whistling: هههههه

و انا وحدة صوتلك من اجوبتك عالاسئلة :closedeyes: .. كنت دايرة في بالي تربح .. البارح لعشية قبل مانخرج من اللمة كنت انت رابحو بفارق صوت واحد :like_1: .. مي معليش هدي هي المنافسة

و اسمحلي ادا هبلتك بالاسئلة :yaw:​

 

[H@teM]

الله غالب اسايكوا
اك شفت وش درت
​

 

[amira_algeria]

انشاء الله الخطرة الجاية تفوز نتا

 

[sahiko hamza]

ربي يكون في عونك خويا

آمين خويا تعيش
​

 

[sahiko hamza]

èèèy vive sahikooooooooooooooooooo lkbir te3na
والله يا خويا غير صوتتلك باسكو عندك وحد العقلية فوووووووووووووووووور
و في رايي تستاهل نتا كتر من لاخر ما علاباليش وسمو

بالصح ما عليش راك رابح محبتنا خويا
​

والله هاذي لي قلتها انا
ميرسي كتير :tears:
​

 

[sahiko hamza]

كنت نقصر برك ماشي صح ننسحب المهم خويا واحد مايخسر وصحيت على التصويت مي بالاك تشونجي رايك ها​

ههه
ماتخافيش ربي معاك ديما :wink:
​

 

[sahiko hamza]

ماعليش خويا حنا صوتنالك و درنا لي علينا مي ربي كتبها هاك
المهم نبقو أهل في هاد المنتدى الدنيا و ما فيها
تحياتي أخي

بارك الله فيك أختي جوانا
بيان سير أهل للممات بإذن الله :wink:
​

 

[sahiko hamza]

ربي يفقك في حياتك اليومية ان شاء الله.
شكرا.

الف شكر حبيبي
ميرسي بارك الله فيكـ :yahoo:
​

 

[إحســاس بــراءة]

ماعليش خويا هادي مسابقة فيها رابح وخاسر
كيما قلت نتا ماشي المهم تربح المهم انك تكسب ناس
هادي هي
ربي يوفقك مرة اخرى ان شاء الله

 

[sahiko hamza]

السلام عليكم

نورمال يا خو هدي هي المنافسة فيها الرابح و فيها الخاسر :wink: .. و المهم راك ربحت اصوات
و نحييك على روحك الرياضية

و الصح الصح ضحكني المنافس ديالك ..كان رابح في الاصوات بصح كان خايف تغلبو و يخسر :heh: .. و لحقني تنبيه من الادارة بلي راني نجمعلك اصوات :glare: .. و يادرا شكون هدا اللي شكى بيا :music_whistling: هههههه

و انا وحدة صوتلك من اجوبتك عالاسئلة :closedeyes: .. كنت دايرة في بالي تربح .. البارح لعشية قبل مانخرج من اللمة كنت انت رابحو بفارق صوت واحد :like_1: .. مي معليش هدي هي المنافسة

و اسمحلي ادا هبلتك بالاسئلة :yaw:​

تأمنيني ماكنتش داير فحسابي بلي كاين أعضاء راهم يخبطو فالطابلة عليا
ولي هاذي تزيدني فالكوراج باه نقعد معاكم
أسمحيلي على لحشومة لي جاتك بسبتي
اما عن الأسئلة والله تمتعت بيهـا :wink:
​