بركاي مالعبتيها افريني.........

[السلطانة]

السلام عليكم اعزائي
عندي بزاف ماهدرتش في واش راك تهدر
اليوم حبيت نهدر
تفكرت وحد لي جاست يعملوهم بنات بلادي تبلوكيت:
-تسقسيها منين شرات لبستها تقولك جابوهالي من لهيه (باباها مليونار)القش لي هنا منعرف منين:busted_red:
_ماتركبش في لي بيس تدوخ تحب الطوموبيلات(تقول عندها سائق العائلة):busted_red:
_تقولك احنا papi كي يدينا نحوسو مانروحوش ناكلو القرنينة والحرشة كيما انتم نروحو غير للبلايص الهاي :music_whistling:
_في الريسطو تاع الجامعة مسكينة تعاف تروح تتغدى على البيتزا ومشتقاتها
ياو صطوpي ياطفلة واين حاطة روحك
شوفي ماكانش كيف لي تكون:
_بسيطة
_متواضعة
_تركب في ليبيس كيما كامل الناس علاه انجيلينا جولاي
_كي تروح تحوس في الربيع ترعى كيما يرعى كامل الناس فالرجوع الى الاصل فضيلة كامل رانا ولاد دوار ونعشقو الحرشة والزرنيز وكامل لافامي تاعهم
مالا ماكنلاه تلعبيها :busted_red:اكره مااكره هادو لبنات لي يلعبوهاومديينها في رواحهم راهم شايعين نقوللهم °خليك على الارض لاتعلى كتير°
vive التواضع

احلى التحيات
مع عائشة القالمية

 

[** غزال الصحراء **]

تمت مراقبة الموضوع و إعتماده ..

 

[DARINE05]

هاي عائشة
مي كي تجي تشوفي الركبا في لبيس ميش مليحة مي لي تكون عندها يجيفا التقلاش مليح ويخرج عليها مي الطلابة
تحب تبين روحا سي تو

 

[عفاف الجزائرية]

عيشوش ما تقوليش راكي تهدري عني:scared::scared::scared:
يا اختي انا نموت على القرنينة واحنا نديروها بالبربوشة نجيبوها من البلاد نتاعنا من الارض
ونحب نطلع للجبل
ومازالني كي نطلع للجبل نلعب بالتراب ونجري
ونحشر في البيس واللي يقيسني ننوض العفرة
ومتواضعة والحمد لله
مي (مانكذبش عليك القش يجيبولي ملهيه) بصح نشري من المسيلة تاني سيرتو كي يكون الصولد نتاع الصبابط
ايام ايام ونفتح حانوت في دارنا
ربي يخليك عايشة
واش يجيك من عباد غير كيما شبعو
​

 

[imy_amani]

والله راهم بكثرة
شكرا على الموضوع
ربي يهديهم ويهدينا

 

[جوانا]

ايه حنونة واش تحبي راهم شايعات في كل بلاصة تقول نتي راهم جايين من لهيه و ما يعرفوش عاداتهم و تقاليدهم و أصلهم
ربي يهدينا كامل
تحياتي أختي

 

[مروة MARWA]

اهلا شوشو الحمد على سلامتك توحشناك
هبطي الموس ا صاحبتي بالعقل على روحك هههههههههههههه
---
يا حبيبتي هادوك صحاب papi و mami راهم كثرو ظهرلي ولات مرض يعدي لافينومان ادي
تحط في روحها pاpيشة وهي كاvية او نعرفوهم بيان لي كيما هك ربي يهيديهم ويرجعهم للطريق برك
ومرسي عليك يا عيشوش الزينة



​

 

[إشراقات]

لمحـــــــــــــــة:

تواضع تكن كالنجم لاح لناظر على صفحات الماء وهو رفيع

ولا تكن كالدخان يعلو بنفسه على طبقات الجو وهو وضيع

الله يهدي الجميع
​

 

[عبيرو]

يعطيك الصحة اختي معلابناش وين حابين يطلعو هادو
دمت متالقة

 

[im£ne]

و لا تمش في الارض الا تواضعا
فكم تحتها قوم هم منك ارفع
وان كنت في عز و جاه و منعة
فكم مات تحتها من قوم هم منك امنع

vive التواضع
اي كلمة قلتيها نيشان
ربي يخليك عيشوش
​

 

[معاك يا الخضراء]

ههههههههههههههههههههههههههههه
هههههههههههههههههههههههههههههههه
هههههههههههههههههههههههههههه
يا مصيبة وشي هادا بهدلتينا :surrender:
وش تحبي عقلية الذراري الصغار
نعرف شوي عباد يديروها زعمة زعمة يحلبو :closedeyes:
راكي صحيتي عيشوش​

 

[BARCA232]

صحيتي عايشة جبتيها في السيبلة
راهم دايريين حالة
​

 

[سماح الجزائريه]

والله يا اختى عندك الحق راهم كثرو ياسر او لازم يجيهم النهار على خاطر الى تتكبر ماهيش مليحه علاها ايجي النهار اتو تتندم على الى تعمل فيه ربي يهديهم برك وتقبلي مروري​

 

[nina bonoise]

انا كلش كلش نورمال
مي غير القش ملهيه ههههههههه تجيبهولي خالتي
بصح وشي هي القرنينة و الزرنيز هذو معرفتهمش

 

[soussou_yebda]

شاوالا انا لوكان وحدة تقولي بابيها داها تحوس وتبدا تعوج في روحها نرنكها هادي عقلية تاع دراري ماشي حالة والله لي تلقايها انا و انا عرفيها زيروووووووووووووو

لي تضربلك فالسيستام ختي ديريلها ليكيدايشن ههههههه​

 

[fufa22]

بدلتي اسمك وما قلتيليش
LoL
البنات لي راكي تحكي عليهم ؟؟
ما يطولوش ويتجبد بيهم البساط
نهار تلقايها تقلب في الشيوفون على حساب ستة
​

 

[السلطانة]

احم احم

عيشة راكي عدتي و العود أحمد​

راكي دورتي لقصعة جهة لبنات ظرك هههه

لبنات هادو راهم كا سبيسيال و تاكدي يا عيشوش انو الي تقول هكا و لا تدير
نبصملك بالعشرة انها مشتاقة و عاية ميزيرية الا وحدا ولا زوج الي باينين صح مرفهين
يااااااااو حطو رجليكم فالارض
قالك
تواضع للناس يرفعوك
مكانش قد المتواضع البسيط
اللي يحب الناس و الناس تحبو
اما اللي حاط روحو ف السما و يشوف لتحت يشوف الناس صغار خلاااااااص
نقلو
احنا تاني كي تكون ف السما رانا نشوفو فيك قد النملة​

اليووم راني اون فورم
عجبتني الحكمة نتيعك
شكرا على المرور

 

[السلطانة]

هاي عائشة
مي كي تجي تشوفي الركبا في لبيس ميش مليحة مي لي تكون عندها يجيفا التقلاش مليح ويخرج عليها مي الطلابة
تحب تبين روحا سي تو

هاي حنونة
والله يخليوك داهشة فيهم
صحيتي على المرور

 

[السلطانة]

عيشوش ما تقوليش راكي تهدري عني:scared::scared::scared:

يا اختي انا نموت على القرنينة واحنا نديروها بالبربوشة نجيبوها من البلاد نتاعنا من الارض
ونحب نطلع للجبل
ومازالني كي نطلع للجبل نلعب بالتراب ونجري
ونحشر في البيس واللي يقيسني ننوض العفرة
ومتواضعة والحمد لله
مي (مانكذبش عليك القش يجيبولي ملهيه) بصح نشري من المسيلة تاني سيرتو كي يكون الصولد نتاع الصبابط
ايام ايام ونفتح حانوت في دارنا
ربي يخليك عايشة
واش يجيك من عباد غير كيما شبعو​

ياو راكي كي حالتي
كي نشوف الطبيعة نهرج خخخخ
:yahoo:الحمد لله يعيش التواضع
صحيتي حبوبة على المرور الطيب
اسعدني كثيرا تحياتي

 

[N@riM@N]

ووواه ياعيشه درتيها بيا وعدتي شرطيه وخليتيني فتشوميج هههه
شانقلك في هاد لكاليتي تاع لبنات ياو راهم منتشرين كثر من دبان
معرفتش علااه شايفيين رواحهم ومطلعين gراداتهم؟ولي تعرفيها
تلقايها مgاجيا فليسي ولا عمرها مطلعت عامها سنينها اكل وهي فرطرباج
ربي يخلق مايشاء ويهدي مايشاء.....ســــــــلاامووووو​