هادي قصة أحكاها إمام بعد إلقاءه لدرس لاحظ من خلاله خوف المستمعين ليضحكهم
قال : كان واحد العالم نصراني في الحقيقة او وحدا خر مسكين فلاح بسييييط مسلم، أبغاو في زوج يعملوا حوار
بيناتهم بالإشارة برك ، أبدا النصراني اللول ارفع يديه في زوج للسما ، داك الفلاح مسكين حطهم في زوج في
الأرض ، جا دور النصراني تاني و ارفع الأصبع اديالو في السما ، الفلاح ارفع اصباعو في زوج ، المرة التالية
النصراني جاب حبة بيض ، الفلاح واش جاب لو ...راح جاب جاجة ، النصراني ما اقدرش ايكمل او عاد ايعيط و
ايقول غلبني هدا الفلاح غلبني ، جاو جماعة او قالو للنصراني: واش كنت حاب اتقول كي ارفعت يديك ، قال :
قلت لو شوف سبحان من رفع السموات بغير عمد او هو رد علي او قال لي شوف سبحان من مهد و سطح
الأرض ، قالو و الزاوجة قالهم : قلت لو أرواح نؤمن بالله رد علي او قال لي لن يكتمل إيمانك إلا ادا آمنت بالله
و رسوله،قالوا: و التالية قالهم قلت لو شوف سبحان من اخرج الميت من الحي او هو سكتني بالإجابة اديالو او
قال لي شوف سبحان من اخرج الحي من الميت ، راحوا للفلاح او قالوا لو كيفاش اربحتو، قالهم قال لي نهزك
للسما قلت لو أنحطك في الأرض ههههه ، قالوا و الثانية قالهم قال لي نثقب لك عينك قلت لو أنا نثقبهم لك في زوج
قالو لو و التالية قالهم قال لي شوف هادي البيضة قداش شابة، قلت لو شوف يماها قداش شابة
