بكل روح رياضية هل ستغش في البكالوريا؟؟؟؟؟؟؟

[ابوندى]

الموضوع موجه لطلبة البكالوريا لمعرفة ارائهم حول مدى استعدادهم للغش في البكالوريا من عدمه



وفقكم الله فيما هو خير للبلاد والعباد​

 

[naGam]

لالا مانغشش لاني أول حاجة مانعرفش نغش وعمري ماجربت الغش انا اول ماندخل للإختبارات وجهي يولي كوليرات (الوان)كيفاه حابني نغش على الدخلة بعد يفيقوا بيا ويقولولي اخرجي برا وخمس سنيني ماتفوتيش لالالالالالالالالالا يالطيف نخدم خدمتي واللي جابها ربي مليحة
​

 

[CHOUAIB12]

ما نيش راح نقل بصح ادا لفيت ما نيش راح نقول لا لا !
الله غالب كرهت شعبتي في الجامعه :surrender:
​

 

[virus00m]

منكدبش عليكم انا منديرش الكوبيياج ولكن الا لقيت لوكازيون باه يولولي منقولش لا لا
علاه انتوما شي واحد يعطيكم العسل تقولوله لا منبغيهش هادي قاع مكانش منها
ههههههههههههههههههههههههههههههههههههههههههههههههههه

 

[هــــيلدا]

:scared::scared::scared::scared: بالاك،، وبالاك،،
تبالك فيها حاجة ساهلة،،

العام للي عقبت وحدة دايرة الكيتمان،، مع حكمتها قالتلها درتو نسمع الغنا برك، وكي دخلت طفيت الموبيل،
والموبيل كي جبداتو صح طافي،
بصح راها في 5 سنين متعقبش،،

اي حركة صغيرة يحكموها عليك تروح فيها،،
مايش الليسي للي يتساهلو معاك،، ولا الاستاذ ميعسش مليح،، عموما نتا مجربتش،،
نهار اللول راك تجرب واي نية كانت عندك تتبحر

ونزيدلك من غشنا فليس منا،، وللي خدم بعرقو ربي ميخيبوش
وربي يوفقكم كامل//
​

 

[هــــيلدا]

ما نيش راح نقل بصح ادا لفيت ما نيش راح نقول لا لا !
الله غالب كرهت شعبتي في الجامعه :surrender:
​

هههه،، تعقب حر،،

العام للي فات عقبت حرة،،
عسونا 5 أساتذة:scared: بصح هبلناهم ومكان والو:closedeyes:
ربي يوفقك،،

المهم جيبو مليح،، متديرش كيفي فرعين في الجامعة واحد فيهم ميصلح:closedeyes:
​

 

[w@hiba2010]

حذاري ادعوة راهي مزيرة
وعلى مااضن راهم اعسو 5
اساتذة في القاعة الواحدة
ويطبقو اجراءات صارمة

ربي ينجحكم كاااااااااااااااااااااااامل

اوماعليكم غير تقراو ماينفع غير الصح

 

[barca.moha]

ادا لقيت الفرصة حابتني نراطي

والله ما منها
لوكان كاين يعس غير واحد ندي معايا كوبياج ​

 

[محمد الاسعد]

من غش فقد بنى مستقبله من حرام

 

[ابوندى]

وفقكم الله فيما هو خير للبلاد والعباد

 

[mounir14]

انا اذا تفرت وما لقيت ما نتكتب خاصة في المواد الادبية رايح نقل الله غالب وربي يوفقكم وبربي ناجحين

 

[touiher]

نكوبي و ربي كبير
​

 

[**بنت الأصول**]

نكوبي و ربي كبير
​

ياو راهم يحكموك :blink:
رد بالك خويا أحفظ أحسن ليك
​

 

[الجمرة الخبيثة]

انا ضد الكوبياج .........
خاتش كون تدي الزوووووووم متقدرش تخدم تعود غير تخمم وكتا تجبدوا تتوتر
الله ماني منديش قع
والا هم جابون الحل ديك حالة وخدوخرا ههه

​

 

[MIMINA12]

و الله ما ينفع غير الصح
قرايتك و للقدام..........
انا مانيش رايحة ندير كوبياج مي اذا صحلي نهدر مع صحاباتي اللي يقراو معايا و تاني معايا فالباك يجوزو
ما نقولش لالا
مي باش تكون حاجة كبيرة و نجيب الباك على ظهر الغاشي ماشي حالة
مرة وحدة باباها جابلها المواضيع تاع الباك و اعطاتهم تاني لصحبتها و حفظوهم
مي نهار الباك مرضت و دخلت لسبيطار و الباك راح في كيل الزيت
شفتوا كيفاش ربي يخلص تم تم
ايا ميرسي عليكم اقراو مليح بلا غش
وادعولي باش نجيب الباك
و كامل اللي عندهم الباك تاني يجيبوه

 

[FATIMA2]

ادا صحتلي باش نوري ويورولي علاش لالا

ياخ حتى فالدين يقول
وتعاونوا على البر والتقوى

 

[ابوندى]

وفقكم الله فيما هو خير للبلاد والعباد

 

[بشيرز]

:scared::scared::scared::scared: بالاك،، وبالاك،،
تبالك فيها حاجة ساهلة،،

العام للي عقبت وحدة دايرة الكيتمان،، مع حكمتها قالتلها درتو نسمع الغنا برك، وكي دخلت طفيت الموبيل،
والموبيل كي جبداتو صح طافي،
بصح راها في 5 سنين متعقبش،،

اي حركة صغيرة يحكموها عليك تروح فيها،،
مايش الليسي للي يتساهلو معاك،، ولا الاستاذ ميعسش مليح،، عموما نتا مجربتش،،
نهار اللول راك تجرب واي نية كانت عندك تتبحر

ونزيدلك من غشنا فليس منا،، وللي خدم بعرقو ربي ميخيبوش
وربي يوفقكم كامل//
​

هذيك راهي في بلادكم حنا ينحيلي 5 سنين من عمري والله ما نديرلوا والوا قرعة ماء باردة نمده لجماعة الحارة يعطوه خبطات الكسرة يعقبوهالوا بالسيروم باش يتوب ويولي عبرة للأساتذة لكيفوا أوم بليس ضربات منعندي كينحي 5سنين هاذيك راهي سلاطة ههههههههههه
والله هم ليخلوكم تنقلوا ولا تحب تدي الباك 6ملاين وأنت مديه

 

[بشيرز]

و الله ما ينفع غير الصح
قرايتك و للقدام..........
انا مانيش رايحة ندير كوبياج مي اذا صحلي نهدر مع صحاباتي اللي يقراو معايا و تاني معايا فالباك يجوزو
ما نقولش لالا
مي باش تكون حاجة كبيرة و نجيب الباك على ظهر الغاشي ماشي حالة
مرة وحدة باباها جابلها المواضيع تاع الباك و اعطاتهم تاني لصحبتها و حفظوهم
مي نهار الباك مرضت و دخلت لسبيطار و الباك راح في كيل الزيت
شفتوا كيفاش ربي يخلص تم تم
ايا ميرسي عليكم اقراو مليح بلا غش
وادعولي باش نجيب الباك
و كامل اللي عندهم الباك تاني يجيبوه

هذيك راه وحدة بصح كن جيت أنا وجابولي الأسئلة والله نعقب الباك وأنا في السبيطار نقلهم جيبوني في الإسعاف بسيرومي والفرملي حذايا كندوخ ينوضني برك هههههههههه

 

[douae]

اذا لقيت الفرصة اكيييييييييييييييييد