شكون لييدراg طفلة و لا الطفل

[احمد الصحراوي]

السلام عليكم
موضوع اليوم شكون لييدراg طفلة ولا الطفل(يكحل) فهمونا ربي يعيشكم
الوقت لى ولينا فيه تلوم غير الشباب ..
الشباب يكحل ...الشباب يروح لليسيات.....الشباب ....الشباب...
ونسيتو لبنات تلقها تمشي في الشارع لابسة سروال مزير البوضي ما تحكيش
الشعر مطلوق وكي تلحق لمجموعة من شباب تزيد تعوج المشية مدايرة عرض
ازياء والمكياج اوووووووووو منحيلكش 2 كيلو في وجها.... الريحة على بعد 5 كم تشمها
تضلمو غير في الشباب يا وحتىالشياب ولاٌو( يكحلو) ماشفوش مساكن في وقتهم هد الشي
ولا الراجل هو لي يحشم
علبالي ردود نتع لبنات درك يلعبها كامل خطيهم الكل متحجبات قولو الصح برك .......

 

[شجـ الروح ـون]

و عليكم السلام خويا والله لا عندك الحق رانا وصلنا لوحد الوقت ربي يستر و خلاص.
شكرا على الطرح المميز.

 

[شجـ الروح ـون]

ضحكتني والله
طونوبيل خير من كل هذوا البنات انتاعك الي راهم مهبينك

هههههههههههههههههههههههههههههههه كل حاجة في بلاصتها خويا حميد ولا كيفاه.

 

[iméne09]

وعليكم السلام خو
شوف خويا عندك الحق في كلامك صح لافوت من عند الطفلة كون ماخرجتش هكداك مكانش لي يتبلاها ولا يكحللها مي تان لافوت في ليجون بارسكو مام لي راهم دايرين حجابات وراهم يكحلو فيهم ماطلقو حتى وحدة مالا بنزوج راهم يكحلو مي ماشي كامل كيفكيف مزالو كانين ولاد وبنات فاميليا
مرسي ع الطرح خو ​

 

[Ahmed Algeriano]

ايما ع التكحال و التبياض وواش راه داير
​

 

[امينة لبرايجية]

انا خاطيني ربي يبعد بلادي على بلاد هادوا لبنات
وانت يا خويا دير روحك ماتشوفش
وربي يهدي

 

["غزالة الجزائر"]

كيما قالت اختي ايمان عادو الشباب يكحلو على لي مدايرة الحجاب و لاماشي مدايرة و اذا مكحلوش يراعيو المهم لازم يديرو حاجا اذا عقبت عنديقهم طفلة
مرسي

 

[احمد الصحراوي]

نقلك حاجة و انت احكم

كنت نمشي مع واحد حبيبي
في ولاية لا داعي لذكرها
صدقني حبستنا وحدا قالت لصاحبي متتحركش منا حتى تعطيني رقمك:scared:
هو بوقوص ماشاء الله تبانلي ظرها ههههه
مي شوف النيفو وين راه....لاحشمة لاقدر
حبستنا و قالتو تمدلي نيميرو و لا .....
و واحد ميقولي هادي .........
لاخطر تشوفها وش لابسة و كفاش تمشي تقول تربي عليها الايتام
هيا مالا نقلكم عسو رواحكم يعودو يحبسوكم ف الطريق:wink:​

الزهر الى ما خطفاتوش هدا حبيبك لكان راك في مشكل
هههههههههههههه
ربي يقدر الخير برك

 

[احمد الصحراوي]

شكر لكم جميع على الردود
ربي يحفضنا ويحفض بنتنا وامة محمد (ص) جميعا

 

[فتاة حساسة]

يابابا
والله
نحن في زمن غابت عنه الاخلاق
ربي يدي ماخلق
وعجبتني هادي تاع صاحبك ياعادل
ربي يهدي

 

[souhila_95]

ربي يستر برك بصح شباب هذا الوقت ما يطلقو حتى وحدة حتى ولو كان دايرة الحجاب ربي يهدي عبادو برك واش نقولو اكثر من هاك

 

[عفاف الجزائرية]

والله وقت عجب نتاع الصح
ضركا تلقاها تقرى في السيام وعارفة الطوايش كامل
وتدراقي في الكبير ماشل في الصغير
ربي يسترنا برك
​

 

[السلطانة]

وعليكم السلام اخي
مانلعبوها ماوالو
لبنات تلقها تمشي في الشارع لابسة سروال مزير البوضي ما تحكيش
الشعر مطلوق وكي تلحق لمجموعة من شباب تزيد تعوج المشية مدايرة عرض
ازياء والمكياج اوووووووووو منحيلكش 2 كيلو في وجها.... الريحة على بعد 5 كم تشمها
عندك الحق فيما قلته............
مالا حادروا على رواحكم يامعشر الشباب
الله يستر
تقبل مروري اخي

 

[الجزائري05]

وعليك السلام خويا مي انا علابالي بحاجة بلي في زوج كي الطفلة كي الطفل يتبلاو في بعضاهم :cursing::cursing::cursing:
​

 

[نسيم الربيع]

عندك الحق خويا كي الطفل يدراقي وحده كيما راك تقول ميكونش اللوم كامل عليها وانا شخصيا يبالي بللي الطفله اللي لباسها محترم ومشيتها مريقله وخاطيها الماكياج والعطور وحاكمه عينيها واحد مايهدر معاها ولا يديرونجيها وهذا يبقى راي شخصي شكرا على الموضوع اخي...... تقبل مروري

 

[norجزائرية]

انا عمري 16 ما زلت صغيرة ياك
متحجبة او مانلبسش الكورت و لا ماكياج و لا و لا
و الله ما نكذب كاين خرين قد baba يبلاrd;
ربي يهدي

 

[بنـ MaPa ـت]

نقولك الصح لوكان نلقى واحد پاپيش شباب لابس مليح
ندراgيه مانكدبش مي ماشي نتبعو ولا نغرس عينيا فيه شكرا على الموضوع المفضح..​

 

[فراشة الايمان]

ما عرفت وش نقول ما خليتو والو
ههههههههههههههههههههه

 

[احمد الصحراوي]

شكرا جميعا على التفاعل

 

[معاك يا الخضراء]

ههههههههه ضحكتني
عمو عليك بغض البصر :closedeyes:
الا هيا فاسقة انت غض بصرك :closedeyes:
ياخي تعرفو ربي :closedeyes: مانخافوش عليكم :closedeyes:​