السلام عليكم
الخونية راهي تخمم على الفتيل شكون يعاونها
بدات الاتصالات وروشارش
الخونية= الو رمانة راكي بخير
رمانة= بخير الخونية شابغيتي
الخونية=جيبي السواوير والقصعة وارواحي تفتلي معايا الطعام
رمانة = والله يا الخونية لراني مدقدقة عرس معمر راه قريب
الخونية= يعيتي علاه راكي ديري هاك لعود انت قلتيلي نعاوك علاه يا رمانة بلعت الباب في وجهي
رمانة= يا الخونية وانا علاه الوقت ما والمنيش
الخونية= ماعليه يا رمانة بالبراكة على معمر
رمانة= يسلمك يا الخونية
الخونية عيطت لجارتها
الخونية= الو مسعودة راكي بخير
مسعودة=اهلا الخونية بخير وانت
الخونية= والله يامسعودة راني مشطونة
مسعودة = علاه يا الخونية غير الخير
الخونية = يامسعودة عرس خيرة بنتي راه قريب وماصتش لي تعاوني
في الفتيل
مسعودة = عيب عليك يا الخونية وانا شا راني ندير لعود حنا خيات واع واع
الخونية = ربي يسترك يا مسعودة كنت نقول انت العودة بصح راني جبرتك وقت:surrender: الشدة:tears:
مسعودة = لعود حنا حباب في الفرح والقرح:wink:
الخونية = والله ماجبرت شا نقولك يامسعودة غير ربي يسلم فمك ويبعد همك
مسعودة = امين وينت معولة يا الخونية
الخونية = غدوة ان شاء الله على الفجر
مسعودة = على الله على الفجر نعقب ليك
كوبات الخونية ياهاه يا خيرة ارواحي قابليني
خيرة = اه ياما خير ان شاء الله
الخونية = راهي جاية مسعودة غدوة تفتل معايا
خيرة = يا ما لعود قلتي رمانة جي تعاونا:mellow:
الخونية = ستوتة تاع رمانة قالت راني مدقدقة وعرس معمر قريب عجوزة النار
خيرة = ماعليه يا ما خلينا منها
الخونية = بصح نشدهالها
الكادنة
تقول نضربها بقبضة حديد نقسملها راسها:busted_red:مش مولات كلمة
خيرة = يا ماخليك منها مش باغية عرسي يفوت بالمشاكل:tears:. ياما نوجد القصع وسواوير
الخونية = هيه يابنتي وجدي كلشي باه غدوة يجي كلشي ساهل
خيرة = ما شكون نعرضوهم في العرس:sheer:
الخونية = صبري نجبر عقلي:schmoll: فطيمة وبنتها لويزة ومرت المقاري وصابرية ومها العلجية
نورس بنت العيادي ياودي يابنتي راهم بزاف خلي بعد الفتيل نجبرهم
خيرة ميتة بالسعادة:heh:
مع تحيات راما كاتبة والحوار:u_pc:
