..............مالقيتش عنوان مناسب ارواحوا واحكموا ...................

[02asma02]

السلام عليكم
اليوم عندي موضوع فيه بعض الاسئلة ممكن هذا السؤال ماكانش الي سؤلوا من قبل
وراح يتوشيكم شويا لان كنت في الكلاسة والاستاذة هي الي سألتنا هذا السؤال وشفت ان بعض الاصدقاء تأثروا بزاف حتى كاين الي بكاو على هذا الامر انا حبيت نسقسيكم ونعرف رأيكم بصراحة
الي هو هذا خاص بالاولاد يا هل ترى في يوم من الايام جا ليك باباك وضمك ليه وقالك يا وليدي انا نحبك ونخاف عليك وراني حابك تكون راجل قد المسؤولية ؟
اما بالنسبة للبنات يا هل ترى في يوم من الايام جا ليك خوك وضمك ليه وقالك يا ختي انا نحبك ونخاف عليك والى كاش مرة غلطت معاك اسمحيلي انا خوك ؟
واش رأيكم في الموضوع بكل صدق ربي يخليكم
تحياااتي
​

 

[shéryfa luna]

ميش بهاد الهدرا مي خويا توجور يحضني و يسلم عليا يقيسولو عينيه و مايمسوش شعره مني..
ربي يخليهلي ان شاءالله​

 

[chiguevara]

مشكور على طرح الموضوع
ولا مرة صراتلي لكن نتوقع كون تصرى اكيد نتاثر

 

[02asma02]

ميش بهاد الهدرا مي خويا توجور يحضني و يسلم عليا يقيسولو عينيه و مايمسوش شعره مني..
ربي يخليهلي ان شاءالله​

ربي يخليهلك ان شاء الله
​

 

[02asma02]

مشكور على طرح الموضوع
ولا مرة صراتلي لكن نتوقع كون تصرى اكيد نتاثر

ما يكون غير الخير يا ختي ان شاء الله الي راكي متمنيتها تتحقق

 

[DARINE05]

مرسي انا خويا مزال صغير بصح واش رنا نشوفو دوك ميجيش الاخ يضه ختو بلعكس يجي ديفورميلها وجها سورتو اذا كان عازب واذا كان مزوج او ميفركتش عليها خلاص

 

[02asma02]

مرسي انا خويا مزال صغير بصح واش رنا نشوفو دوك ميجيش الاخ يضه ختو بلعكس يجي ديفورميلها وجها سورتو اذا كان عازب واذا كان مزوج او ميفركتش عليها خلاص

والله يا ختي احنا ما نتمناوش هذا الشيء ان شاء الله يتصلح بصح نظن بلي هذا الامر راه سائد بزاااااف

 

[02asma02]

والله كلامك صحيح
ولعلمك ان غياب مثل هذه المظاهر عن العائلة الجزائرية
هي التي جعلتنا ناقصين حنان
وولات الطفلة تجري من وراء الولد بحثا عن الحنان في اطار مايسمى بالعلاقة
والعكس كذلك صحيح

​

أأيدك الرأي اخي الكريم
بعد الاباء عن الابناء هو الي سبب هذا الشيء
ربي يصلح الاحوال ان شاء الله
​

 

[iméne09]

:yahoo:ديما نلقى خويا معايا وينصحني ويخاف عليا وديما يعنقني ويقلشني بارسكو طفلة وحدة وجامي زعفني الحمد الله ربي يخليهولي :sheer::lolo:
مرسي اسومة ع الطرح ​

 

[azzedine02]

مشكووووووورة على الموضوع بنت ولايتي
الحاج بابا دايم يقولي كونك اسبع و كولني
و يقولي انا بابا ما دارلي و انا ما نديرلك
حتى حاجة ماهي صعيبة و حتى حاجة ماجي بالساهل

 

[asmos]

مال9ري خويا جااامي توشاني ولو بكامة ....بصح ماشفتش منو هاذ الشي ...يعني لاتي بروحو و مايش عايشلي

 

[ايمان 02]

والله نتمنى نفوت بهذا الشي ورايح نبكي بصح نحس براحة كبيرة من بعد
​

 

[السلطانة]

وعليكم السلام
اختي اسماء شكرا لكي على الموضوع الحساس
ان يضمني اخي اليه حلم بالنسبة ليا
انشالله يجي يوم ويديرها
اكيد رايحة نفرح انو عبرلي عن حبو ومعزتو ليا
تحياتي تقبلي مروري

 

[الخيزران]

على العموم الرجل الجزائري حرش وما يحبش يوري العواطف نتاعو بالتعناق والمجاملة
وبالايحاء فقط نقدر نفهم بلي خوية ومن قبلو بابا رحمة الله عليه راه قلبو ينفطر لو تصيبني حاجة
كانت تكفيني نظرة من ابي اعرف منها كل ما يريد ,ويكفي انه علمني ان يكون اخي سندي وعضدي وتاج راسي

موضوع جميل

 

[hasna.m]

ميرسى اختى

ماصراتليش بالفعل ولكن عارفة واش فى الأب والأخ تاعى
​

 

[Sârsoùra L'mkàlChà]

انا لكبيرة فالدار و خويا لي صغر مني نهار كامل ونا نضارب معاه
يعني الحنان ما عنديش ياسر ... الله غالب
​

 

[salmadz]

أنا راح نجاوب على سؤالك بسؤال
هل ياترى الطفلة راحت عنقت خوها مرة و قاتلو خويا لعزيز نحبك و نخاف عليك
هل يا ترى الولد راح لباباه مرة و قالو يا بابا نحبك و نقادرك
ماعلاباناش إذا المشكل فينا ولا فيهم
المجتمع لي عايشين فيه مافيهش هاد الحنانة سواء ملكبار و لا مالصغار
أنا كي نشوف مسلسل سوري نحب نهبل عندهم وحد الحنانة أهلين يا بي كيفك أمي تقبرني خيو
بصح شوفو المهم دوكة دورنا حنا الجيل الجديد لازم نربيو ولادنا على لحنانة و نكسرو الحاجز بينا و بين اولادنا و نكسرو تاني الحواجز بين أولادنا
مشكورين على هاد الطرح و ربي بجيب ساعة الخير

 

[Manar19]

جااااااااااااااااااااااااااااااامي

 

[نسيم الربيع]

الاغلبيه تاع الجزائريين مايشوفوش هاذ المناظر غير فالافلام واغلبية الاسر ماتسمعش بالحنان هذا وعلى هذا كيما قال الاخ الشهبندر البنات يحوسو على لحنانه البرا مع لولاد والعكس صحيح .... شكرا اختي على الموضوع الرائع

 

[نسيم الربيع]

الاغلبيه تاع الجزائريين مايشوفوش هاذ المناظر غير فالافلام واغلبية الاسر ماتسمعش بالحنان هذا وعلى هذا كيما قال الاخ الشهبندر البنات يحوسو على لحنانه البرا مع لولاد والعكس صحيح .... شكرا اختي على الموضوع الرائع