حكايتي 3 .... الشلفي02 و الكوزينة

[الشلفي02]

السلام عليكم
اليوم راني جيت باه نحكيلكم على قصتي مع الكوزينة " عندها قاوي شوية "
راكم تعرفو بلي لي جان كي يغيبو تاع الدار غاع يديرو الفريت " باطاطة مقلية "
وحد النهار أمي راحت ضيفة عند جدي و كان فات على العيد الكبير
أية قعدت في الدار أنا وخواتي لي كبار علية " يسمة خواتي الصغار ماهمش هنة "
أية زعمة أنا خوية لي زايد عليه موالفين زعمة حنة أنقومو بالدار
قالي " يا الشلفي واش أنديرو اليوم
زعمة قاعد أنخمم " هية باينة فريت " : قتلو فريت
قالي و شكون لي يقلي .. قتلو أنا
أية راح يشوف في الفريجيدار البيض
كي حلو شاف اللحم مازال كاين " رحمة ربي "
جاعندي قالي واش رايك لوكان أنبدلو الميني اليوم
قتلو واش أنديرو ... قالي أنديرو كاش حاجة باللحم ... قتلو : وعلاه راه كاين اللحم
قالي هاو رانا أنزعقو
زعمة أنا واعر قتلو : أندير الزيتون باللحم ... و أنزيدو الفريت " شاهية ماقويناش الفريت "
بدينت أنطيب زعمة في الزيتون و هو يقلي .
ذاك الزيتون لي راه حاصي كي دار طاب .. المهم خبلتها
نهار لي كملنا جا وقت الماكلة " العشة "
علابالكم بلي لي ذاق هذاك الزيتون سراتلو format erreur :music_whistling:
بيتهم بالجوع كثر خير خوية كان طيب شوية باطاطة
و هذاك اللحم بالتيمم وماطابش حتى عاودتلو في المقلة
انشاء الله تعجبكم
المهم دوك راني نعرف أنطيب خيرمن واحد شيرات
سلامي ​

 

[HWK4ALGERIA]

الحمد لله انا نعرف انطيب من بكري، وزدت درت فيها ديبلوم وذرك راني ديبلومي طبخ الجماعات (2500) شخص.

 

[السلطانة]

وعليكم السلام
هههههه واش هادا يالشلفي
خليتوها
باين حرقت الماكلة قر برك
خوك مسكين تشوكا

 

[الشلفي02]

الله يبارك خوية
ماعليش أنجي نتعلم عندك في هذا الصيف
شكرا على المرور

 

[حسان2010]

ااااااااااااااااايا بيان كي سلكتوها هاديك لعشوه وكان شريتو فيها كاسكروط خير
ماتعبتو رواحكم انا نعرف نطيب براس قهوه برررررررررررررك​

 

[الشلفي02]

وعليكم السلام
هههههه واش هادا يالشلفي
خليتوها
باين حرقت الماكلة قر برك
خوك مسكين تشوكا

هههههههههه
و الله ماحرقتها
شاهية لي عارف كي دارت طابت ههههههههه
بالباركة عليك

 

[الشلفي02]

ااااااااااااااااايا بيان كي سلكتوها هاديك لعشوه وكان شريتو فيها كاسكروط خير


ماتعبتو رواحكم انا نعرف نطيب براس قهوه برررررررررررررك​

عندك الصح
بصح لوكان ديرها في كوان
كي تكون عندك كاش وليمة قلي أنجي نخلعهم شوية
هههههههههههههههه
شكرا على المرور

 

[bachir23]

mlihhhhhhhhhhhhhhhhhhhhh

 

[DARINE05]

ههههههههههههههههههههه
يا شلفي حكايتك كامل فور

 

[الشلفي02]

ههههههههههههههههههههه
يا شلفي حكايتك كامل فور

ههههههههههه
الله يسلمك
راكي باغية التوقيع تاعي وقيل ههههههههههههههه
شكرا على المرور

 

[rima29]

اناتاني ما نعرفش نطيب نعرف غير نقلي​

 

[azzedine02]

ههههههههههه راك داير حالة شريكي

 

[HWK4ALGERIA]

الله يبارك خوية
ماعليش أنجي نتعلم عندك في هذا الصيف
شكرا على المرور

معليش، ريزارفي في كار عيشوش، وارواح تتعلم عندي، باه انولو طباخين اللمة.
شكرا.

 

[MARIA_4algeria]

ههههههههه المهم المحاولة
شكرا لكـ​

 

[Sârsoùra L'mkàlChà]

يــــــااو على الاقل نتا جربت
راك خير مني
ههههههه
​

 

[الشلفي02]

ههههههههههه راك داير حالة شريكي

ههههههههههههههه طيحت عليك السوق
واقيل قارع للألبوم تاعي
ههههههههههههه
شكرا على المرور

 

[الشلفي02]

يــــــااو على الاقل نتا جربت

راك خير مني
ههههههه​

تاخذي رايي ماتسييش لاقيباش راكي رايحة أديري كاريثة
هههههههههههه
مانيش خير منك
لاقيباش راني شاد يدي برك
شكرا على المرور

 

[الشلفي02]

معليش، ريزارفي في كار عيشوش، وارواح تتعلم عندي، باه انولو طباخين اللمة.
شكرا.

فكرتني بعيشوش
ههههههههههههههههههه
راني أنجي انشاء الله
ها مبعد نتلاقاو في المنام ونديرو فيهة قصرة
واش أنقولك شريكي
شكرا على المرور

 

[الشلفي02]

ههههههههه المهم المحاولة


شكرا لكـ​

هههههههههههههههه أوخارج مجال التغطية
شكرا على المرور

 

[الشلفي02]

اناتاني ما نعرفش نطيب نعرف غير نقلي​

لالا أنا نعرف أنطيب
ههههههههههه
شكرا على المرور