حبيت يا ناس نحكيلكم قصيتي قصية قصية واحد البنادم عقلو طار طيراتو ريم من الريام وحد البنية بنت أصل وفصل وناسها من لكبار تاه المسكين وبقالو على اللهبال شوية وقلبها ما حن عليه يا حضار داير كي الحبس حجرة فوق ختها مبنية يمشي حفيان وطريقو معمرة شوك ومسمار مايلحق ليه فارس الفرسان في نهار وعشية يبات ويظال يخمم قلبو محتار شيخوا عليه ديرو مزية كي دير باه يلحق لكحت لشفار ما فاد فية طب ولا رقي الولية نار العشق تاكل فيه راقد على لجمار يا رب سلكوا من هذا البلية طول الليل قلبو تبان تشعل فيه النار بصح نقولك لسمعت بلي كاين في حبك ندية نقولك بالسلامة هذا عندي عار أنا حب عذراوي ونحبك لي ويبقى حبك في قلبي ولي حب يصير راه صار نحبك قد ما حب قيس ليلى وزيدي شوية ونختملك بنموت عليك وراضي باه حكمت لقدار
