الاستاد.. كي كان........ و كي ولا .......................

[ملاك السلام]

كل مرة وين تلقيها مرات الاساتذة و مرات التلاميذ و نرات الاباء
وانا نتهم الادارة خطرات يكونوا كلوشارة في مؤسسة دايرين كي الملايكة معناها ما عندو حتى فرصة للطوايش​

 

[حنان13]

انا نقولك الصراحة كاين اساتدة اللي في حصتهم ما تسمع النفس ما يخرجس

وكاين اللي حصتهم قاع ضحك ولعب المدنب هو الاستاد اللي رخفلهم السبتة
​

 

[iméne09]

ههههههههههههههههههه تفكرت الاستاد لي يقرينا رانا مشيبينو لمسكين يدل يزقي واحد مراه حاسبو كل واحد وين راه وساعتو تجوز فور جالامي قرينا ديما قصرات بكري صح كان للستاد عندو قيمة كون يجوز على واحد برا التلميد يحشم ويحبط راسو مي دوكة مكانش ني حشمة ني تربية ولى الاستاد هو لي يخاف من طالب غير باش مايضربوش ولا يخلط فيه ويهدر معاه بلعقل يعني الاستاد هو لي يقادر التلميد بارسكو تقلبت الحالة وخصو يحل فمو ولا يهدر بارسكو يغلط يخلصها برا وهنا لوبروف هو فوتيف كون ماطلقلهمش لحبال وماخلاهومش يداسروه ما يقللش من احترامو وقيمتو مي كون ورالهم العين الحمرا والله مايصرا هكدا في بلادنا لكبير يخاف من صغير ياخي حالة وصلنا ليها ومزال الخير لقدام ووتان ومراهيش من والدين بارسكو مساكن هوما تاني راهم يعانو من لومام بروبلام يعني لولد غير يكبر شوية يبدا بتفرعين ديالو ويبدا يعلي صوتو عليه ومايقبلش يمشو عليه الكلة يعني غير رايو لي يديرو هدي هي العقلية على هداك مانستناو من هدا الجيل والو حتى تقافة ومراهيش من وجهو
يعطيك الصحة حنونة ع االطرح الهايل ​

 

[نور الصباح الجزائرية]

ماشي المشكل فى الاستاذ الجيل هو الى تحلب رانى نشوفهم نفس الاساتذة قراونى و كنا نقدروهم لدرجة التقديس و ضرك الدرارى مهمش قاع دايرينلهم حساب الا من رحمة ربك

 

[وهج الصحراء]

عندك الحق بصح الاستاذ هولي لي زصل روحوا لهذا الشيئ

 

[نبض الحياة]

اولا يعطيك الصحة على الموضوع :yahoo:
حقيقة درك مابقا تعليم في بلادنا :closedeyes:
بصح من ناحيتي
الاستاذ المشغب اللي يخافو منه التلاميذ نكرهه :busted_red:
على خاطرش الحصة تسماط عنده :tears:
مي الاستاذ اللي يضحك مع تلاميذه ماشي لدرجة يسوطوه :music_whistling:
لالالا :no_no:
يكون الضحك عند حده وانا هاد هو الاستاذ اللي نبغيه :like_1:
ايا سلامو :yaw:
​

 

[@@simo@@]

ايه ولا الاستاذ معندو لا احترام لاوالو

ربي يتسر هذا ماكان​

 

[nissa m620]

المسؤول الاول والاخير في حالة التدهور المدرسي هم الاولياء خاطر كون يربو ولادهم ما يضطرش الاستاذ باش يضرب واللا يتناقش مع التلميذ لي جاي يقرا يقرا ولي ماشي حاب يقرا ما يجيش من الخطرة لولة هاذي القاعدة لو كان جاو الاولياء مقرينها لولادهم مانوصلوش لهذا الشي وحتى طبيعة الاولياء والاساتذة تبدلت على بكري باش ما نرجعوشي كلش للتلميذ
​