لأني جربتها و لقيتها ساهلة خلاص
فكرت اني نعرض عليك سيدتي هاد الطريقة السهلة و الجميلة جدا لتحضير بربوشة الغيبة
للتنبيه فقط : تحتاج الطبخة لسيدتان
نخليكم مع المقادير :
المقادير :
اولا المرق:
و طبعا نحتاج شوية راس الحانوت و فلفل احمر و ملح و الزيت يعني الحوايج اللي لازمة في المرقة
2 بقرات و يفضل ان يكونا ذكرين يعني عجل باسكو لحم العجل ساهل الطياب نتاعو 2 قطع جمبو تمنشير 250 غرام نتع سكر باسكو قالك العجل كي يتذبح يهبطلو السكر 5 اكياس بربوشة واجدة و اللي تتباع في المحلات او السوبر ماركات يفضل نوعية سيم *رطل من الكوسة او القرعة الخضراء مقطعة كل واحدة على اربعة طوليا
*3 إلى 4 بصل
* الحُمُص
* فلفل اسود
* قرفة اعواد.
* ملعقة صغيرة من الكمون
مقادير الكسكس:
* الكسكس الذي يُحضر عادة في البيت
* الماء لتبليله
* الزبدة السمن لدهنه
و الملح
كما نحتاج لقدر خاص لتفويره
طريقة التحضير :
انبهك سيدتي انو الطبخة نتاعنا تكون في يومين و اليوم الثالث تكون الطبخة نتاعنا واجدة و تقدري تقدميها للضيوف نتاوعك
اولا :
نقطعوا العجل اللي ما يحبش يموت تقطيعة شينة نتع الصح
كما هو موضح في الصورة
قالك كي يطيح العجل يكثروا الجزارة ....
و هنا انصحك سيدتي بإتباع طريقة خاصة في الذبح
لازم في اليوم اللي تكوني راح تذبحي فيه العجولة الزوج تبين لهم انك ماراحش تذبحيهم
يعني عملية الذبح لازم تجي على غرة
لأنو طريقة الذبح تأثر و بتأثير كبير على طعم المرق نتاعك
بلاك سيدتي العجل يشوف السكين اللي راح تذبحي بيه
نبداوا بالنيف نتاعو نحشوه هو الأول قبل ما نذبحوه
و من بعد تقطعيهم الى طراف صغار كما في الصورة
تحطيهم على النار يغلوا شوية و تذوب الشحمة اللي فيهم
هكدا باش يبقى غير اللحم وحدوا
و في هاد الوقت السيدة الأخرى تروح توجد البربوشة يعني قبل ما تتفور لازم نعاود نفتلها
نفتحها
نزيدلها شوية دقيق ارطب هكدا باه يولوا حباب البربوشة نتاعك خشينة شوية لأنو الأغلبية يفضلوا الخشينة على الرقيقة
او مكان الدقيق تستعملي الفرينة
و من بعد ما نعاود نفتلها نحطها تفور على نار هادية
السيدة اللي راهي مع المرق :
نقولك سيدتي انتي هي الكل في الكل امالا تهلاي في الطبخة و بلاك عليها لأنو المرقة ادا نجحت تنجح الطبخة ككل
و ادا جات مالحة .... باينة الطبخة تجي باينة بلي انتي اللي درتيها ماشي اللي فتلت البربوشة
و صدقيني انتي الوحيدة اللي تعرف ذوق الطبخة كيفاه راح يكون
اما السيدة اللي فتلت البربوشة فهي اللي راح تقدم الطبخة في الأخير
لكنها لا تعلم ماذا سيكون ردة فعل المشاهدين الكرام
اذن : ادا جات الطبخة مالحة ولا مسوس شوية ما تلوموش اللي فتلت البربوشة
و باقي الطريقة اللي حب يكمل الطبخة يتصل بالسيدة رزقي على الخاص تزيد تفهمك اكثر
ان شاء الله تكون عجبتكم الطبخة
فقط تأكدي سيدتي ادا حضرت الطبخة طبخة جيدا راه يكبر شأنك بينك و بين ناسك و حبابك و راح يحطوك نتي هيا التوب و انتي هي نتع الطبخات
نجي الآن لليوم الثالث باه نشوف طبختنا
.
.
.
.
.
.
..
.
.
.
.
.
.
..
.
.
.
.
.
.
..
نعم سيدتي .. نعم
لا تتعجبي
فعلا هادي هي النتيجة
و هادا هو السر في هاد الطبخة
لأنك ما تقدريش تتوقعي كيفاه تكون النتيجة النهائية
و هنا يكمن الإسم الحقيقي لهذه الطبخة
الغيبة
يعني نتيجتها هي من الغيب و لا يمكن التنبأ بها
اسمحولي دركا نرجع الماعن نتع رشيدة جارتنا
و نولي نرد عليك في حال اي استفسار
نشكركم على حسن الإصغاء و المتابعة
الى حلقة اخرى من مسلسل : العجل في الكوزينة
لأنو في طبخات بزاف يصلحوا بالعجل ماشي غير البربوشة
سلام .................
