كاين اللي مايستاهل حتى كلمة -سلام-...!!!

[~ مستشـآرهـ طـرزآنـ ~]

صباح الخير ياللي عندكم الصباح..ومساء الخير ياللي راكم فالعشية
وبون نوي ياللي راح ترقدو..:music_whistling:
ان شاء الله راكم قاع بخير..واللي مش عاجبو الحال يجي نجيفو هنا
:busted_red::busted_red::busted_red:

المهم..نروح للميضوع بلا مقبلات..:u_pc:

قاع الغاشي علابالو بلي كاين بزاااف أشكال تاع عباد
يعني كل واحد و عقليتو..:no_1:
نحمدو ربي كي مزالو كاين ناس زينين و هايلين..:yahoo:
ومن جهة أخرى..كاين الشينين..:glare:
وكل واحد منكم عندو حاجة يكرها في عقلية الناس
بالنسبة ليا..نكره الناس نكّارين العشرة..:sneaky2:
هاذوك اللي تعرفهم اليوم و يحكو معاك و تحسهم صح ناس ملاح
ومن غدوة..يا لطيييف..تقول مش نفسهم اللي كنت تحكي معاهم..:huh:
يتبدلو 360°..وتلقاهم بوجه وحد آخر
يزليو فيك ومايزيدوش قاع يحكيو معاك..:blink:.وكي يشوفوك يبدلو طريقهم
نتا تخدملك فالراس..تقول: وش بيهم هاذو..؟؟
كاش ماسمعو مني..كاش مادرتلهم...؟؟؟!!!!!...
تحييييير تاع الصح..مي كي تخمم فيها بيان و ترجع شوي للور
تلقى روحك نتا الغالط..:music_whistling:
بويسك نتا اللي قيمت ناس مايستاهلوش..وحكيت مع ناس مايفهموش
وعطيتلهم كثر من حقهم..:closedeyes:

علاش قد هك..!!!!!..غير حطّو رجليكم ف اللرض..:thumb_down:
والعقلية هاذي مش راح تخرجكم..:no_no:..ياك يقول المثل:
**الطيور على أشكالها تقع**



هذا مثال من الواقع حبيت نحكي عليه​

 

[HWK4ALGERIA]

شكرا على الموضوع رغم انو موضوع متعب.

 

[BARCA232]

السلام عليكم
الموضوع هذا لازمله نقاش كبير
صح تكون معاهم كيما السعل في ليلة يصبح مقلوب عليك
تنخلع تقول واش بيه
السلام ومايقولهاش
انا نقولك خير حل قرب منه وأعرف واش الموضوع
اذا حب صح ماحبش كاين الحيطان ويخبط راسه
تعرف قيمتك انت واش تسوى
بالتوفيق
​

 

[chouchita]

* ياختي عندك الحق في كل كلمة قلتيها

* مي ناس كيما هادو انا ما نكرهمش و ما نوليش نهدر معاهم

* انا نقلهم " ربي يهديكم برك " و لازمنا كامل نقولوا هكا اوكي ختي

لعزيزة

* على كل يعطيك الصحة عالموضوع اللي يعالج الواقع

* نتمنى من كل قلبي انو العقلية هادي ما نزيد نلقاها في حتى واحد

** و ربي يهدي ما خلق **

* تقبلي تحياتي


​

 

[~ مستشـآرهـ طـرزآنـ ~]

شكرا على الموضوع رغم انو موضوع متعب.

العفو خويا...مي مافهمتش (موضوع متعب)..:music_whistling:
شكرااااا على المرور​

 

[DARINE05]

والله صح قيما قلت الطيور على اشكالها تقع

وصح كاين عباد يوم تعجبيهم ومبعد صاي تصمتيلهم بلا ماتعرفي علاه

وحاطين رواحهم عباد وعندهم عقلية

والله ربي يهدي النوع هدا ويبعدنا عليهم

ومرسي على الموضوع

 

[هــــيلدا]

شفتي من اكثر العباد للي تسخطت فيهم هاذو للي راكي تحكي عليهم،، تدير فيه الخير ومرات تأثر حوايج عليك وتمدهملو،، يدير دورة يزليك طوول،،

ربي يهدي ولازم حنا نعرفو شكون نقيمو وشكون للي منديوهاش فيه
​

 

[~ مستشـآرهـ طـرزآنـ ~]

السلام عليكم

الموضوع هذا لازمله نقاش كبير
صح تكون معاهم كيما السعل في ليلة يصبح مقلوب عليك
تنخلع تقول واش بيه
السلام ومايقولهاش
انا نقولك خير حل قرب منه وأعرف واش الموضوع
اذا حب صح ماحبش كاين الحيطان ويخبط راسه
تعرف قيمتك انت واش تسوى
بالتوفيق​

وعليكم السلام
والله حاولت نفهم السبب..مي مابغاوش يفهموني
تقول راني نحكي مع حيطان..:glare:
مي درت حاجة في بالي..اللي يقيمني نحطو فوق راسي واللي مايقيمنيش
........؟؟..راك تعرف..:music_whistling:
يعطيك الصحة على مرورك يا موح
شكراااااا​

 

[Jagwar]

راكى قلتيها اختى
الطيور على أشكالها تقع
دى فوا تغيضك روحك بزاف
و مرات تقولى هكذا خير
باش نعرف مليح لعباد لى رانى مخالطهم
ياو ما يبقى فى الواد غير حجارو
حنا الرجال نقولو معريفة الرجال كنوز
و انتوما البنات واش تقولو ؟
ثانكيو أختى على الطرح
ربى يجيب لى فيه الخير











​

 

[~ مستشـآرهـ طـرزآنـ ~]

* ياختي عندك الحق في كل كلمة قلتيها ​

* مي ناس كيما هادو انا ما نكرهمش و ما نوليش نهدر معاهم​

* انا نقلهم " ربي يهديكم برك " و لازمنا كامل نقولوا هكا اوكي ختي ​

لعزيزة​

* على كل يعطيك الصحة عالموضوع اللي يعالج الواقع​

* نتمنى من كل قلبي انو العقلية هادي ما نزيد نلقاها في حتى واحد​

** و ربي يهدي ما خلق ** ​

* تقبلي تحياتي​

عجبني بزااااف كلامك حنونة..:heh:
ربي يسمع منك و يهديهم ان شاء الله
ميرسي على مرورك المميز
تقبلي أجمل تحياتي​

 

[iméne09]

مام انا نكرهم في دم يقولك لمتل ناس كما هدو حبيبهم غير في حجرهم غير ينودو ينفضوه يحبو غير مصلحتهم يمشيو بلوجوه مالا ماديرلهمش قيمة مدام مايستاهلوش ولي ينقلب عليك تهنيا منو هكدا تعرفي شكون عدوك وحبيبك
يطيك الصحة حنونة ع الطرح لهايل ​

 

[~ مستشـآرهـ طـرزآنـ ~]

والله صح قيما قلت الطيور على اشكالها تقع

وصح كاين عباد يوم تعجبيهم ومبعد صاي تصمتيلهم بلا ماتعرفي علاه

وحاطين رواحهم عباد وعندهم عقلية

والله ربي يهدي النوع هدا ويبعدنا عليهم

ومرسي على الموضوع

والله راسك يتبلوكا..:busted_red:
إلا دايرين في بالهم هاذي عقلية...راهم غالطين 100/100..:glare:
مشكووورة اختي على ردك
بارك الله فيك​

 

[~ مستشـآرهـ طـرزآنـ ~]

شفتي من اكثر العباد للي تسخطت فيهم هاذو للي راكي تحكي عليهم،، تدير فيه الخير ومرات تأثر حوايج عليك وتمدهملو،، يدير دورة يزليك طوول،،​

ربي يهدي ولازم حنا نعرفو شكون نقيمو وشكون للي منديوهاش فيه​

ان شاء الله يفهمو رواحهم برك..:no_1:
وي كيما قلتي...نقيمو الناس اللي تستاهل برك
شكرااااا للمرور
دمتي بخير​

 

[~ مستشـآرهـ طـرزآنـ ~]

راكى قلتيها اختى
الطيور على أشكالها تقع
دى فوا تغيضك روحك بزاف
و مرات تقولى هكذا خير
باش نعرف مليح لعباد لى رانى مخالطهم
ياو ما يبقى فى الواد غير حجارو
حنا الرجال نقولو معريفة الرجال كنوز
و انتوما البنات واش تقولو ؟
ثانكيو أختى على الطرح
ربى يجيب لى فيه الخير​

بارك الله فيك خويا ميسي بومب
والله كلامك صواب
والناس كيما هاذو ماغلطو في والو بويسك هاذي هي عقليتهم المذرحة
مي الغلطة فيا أنا..اللي يجي نقيمو..:wink:
نشكرك بزاااف على مشاركتك الرائعة
ربي يخليك ان شاء الله
​

 

[~ مستشـآرهـ طـرزآنـ ~]

مام انا نكرهم في دم يقولك لمتل ناس كما هدو حبيبهم غير في حجرهم غير ينودو ينفضوه يحبو غير مصلحتهم يمشيو بلوجوه مالا ماديرلهمش قيمة مدام مايستاهلوش ولي ينقلب عليك تهنيا منو هكدا تعرفي شكون عدوك وحبيبك


يطيك الصحة حنونة ع الطرح لهايل ​

الحمد لله يا ربي..:yahoo:
درك وليت نعرف بيان شكون هوما صحاباي تاع الصح
ربي يخليك على كلامك الزين
ميرسي بوكو يالحنونة
لكي كل الشكر​