ياخي غاشي راشي يا....

[zooro]

سلام عليكم

صباح مساء النور عليكم كامل واش راكم لباس

اليوم حبيت نحكيلكم على قليه تاع dz غاشي راشي ياك منيش غالط

يا خاوتي واش رايكم في هاد الغاشي درك تصيبو لابس الشيفون و الا سراول تاوع دركا موسخ من نهارو لول و مقطع و ماشي مداير قيمه لروحو و يزيد يلتى بالناس و قاعد غير لاتي بالناس

واش بيه هاداك يلبس هكدا و اش بيها هاديك مدايره كل هاد الشيء في روحها

هاداك علاه يمشي كيما هكدا هاديك علاه تشري في هادي

المهم جيت نفهم لقيت انو هاد الشيء غير عندنا حنا برك لوكان نروحو لؤروبا منلقو حتا واحد لاتي بلاخر كي يشوفك خير منو يحاول لكل جهدو باه يولي خير منك ماشي يبقى يهدر فيك


مي عندنا هنا في dzعقليه مفرينيا غاشي راشي الله غالب



المهم نخليلكم تكملو شويا في هاد العقليات تاع dz

قرعجو مليح راني معاكم
​

 

[abdodido]

خلعتني حاط كاش واحد غشك في ميزا ولا كاش سلعا ........الخ كنت رايح نقلك وشكون نعاونك فيه

مي الله غالب واش رايح دير لازم الواحد يغير المنكر ولو بابسط شي وربي يكون في عونك وشكرا على الموضوع

 

[406_nassim]

خلعتني بزاف

 

[DARINE05]

صح غاشي راشي اوغنها الطالياني مرسي زورو موضوعك هايل كي العادة

 

[مغرورة بأنوثـتي]

الله غالب
هادا فاش فالحين

يعطيك الصحة خو

 

[حسان2010]

غاشي راشي بلااك اديباصي
اعطيها بلاشي ونقلك شاقالي راصي صحيبي​

 

[soussoubatna]

هادي هي ميزة الجزائري اللي تخلنا واحد ماهو كيفنا عقليةdz4

 

[soussoubatna]

هادي هي ميزة الجزائري اللي تخلينا واحد ماهو كيفنا عقليةdz4

 

[amouna.dz]

موضوعك قمة خويا زورو يعطيك الصحة
غاشي راشي يلتا غير بالناس وما يدنقش لروحو خلاص يفحال غير في الناس وعيوبهم وينسى روحو وعيوبو
ربي يهدينا اجمعين و يثبت علينا الدين هذا ماكان
بارك الله فيك
​

 

[mimi.dz]

هاذ هي بلادنا وهذا هو شعبنا
ترسخت فيه هاذ العقلية وعاد من المستحيل انو تتغيّر
والمشكل لكبير انو رجع كل انسان مقيّم روحو فوق اللازم
ويشوف غير عيب غيرو وناسي روحو
ربي يهدينا
​

 

[iméne09]

يقولك لمتل الجمل ينسى حدبتو ويتفكر حدبة ناس يعني ملتي غير في تقطاع الغاشي وينسى عيوبو بورتون تلقاهم من ساسو لراسو معمر بلعيوب مي هو يضيع وقتو في غيرو طبيعة خاسرة لاصقة فيهم هدا في واش شاطرين ربي يهديهم
يعطيك الصحة خو ع الطرح لهايل​

 

[sami19280]

الستشغيل بالناس حقيقة تصرف ماشي مليح كل واحد مسؤول على روحو

 

[بوعكـاز]

ربي يهدي برك
يعطيك الصحة خويا زورو الفارس المغوار

 

[السلطانة]

وعليكم السلام زورو واين كنت ضارب الطلسة
ياو الجزايري يضحك على الناس ويعلق حتى بقى هو اللخر في لعرب

 

[N@riM@N]

واش تحب هاد هي عقلية العربي بصفه عامه
dz بصفه خااااااصه
تااااالمو ربي يهدي​

 

[abdou23]

ياو كون نحكيو عليهم نوليو راشيين كيفهم خليك منهم يا راجل

 

[الخيزران]

هذا ما حلبت
ارث موروث

 

[zooro]

بارك الله فيكم كامل

نورتولي موضوعي

الله غالب مقدرتش نرد عليكم كل واحد وحدو باسكو راني غير ندخل من السيبار


اليوم نخلصو النت و نديرلكم حاله في هاد المنتدى مواضيع و ردود

و هادا واش لازم في هاد السخانه

سلالالالالالالالالام
​

 

[Ŝĥåĥĭйëž Ïķřăмơǖ]

hadi hia 3akliyat dz
merci sujet foooor​

 

[شتوان]

هداك واش كاين في راسو ايعاند
ياك قلت غاشي راشي
يعطيك الصحا على هدا الموضوع