النسا فالصيف "الحقي الحقي الحمام "

[امورة المنتدى]

السلام عليكم خاوتي لعزاز نشالله برك ماتوحشتونيش :glare:

**في هادا الميضوع من قبل حبيت ندعي لسندرين وكامل اللي راهم يجوزوا البيام ربي ينجحهم قولوا اميييييييييين**

ندخلوا فالميضوع

احم الصيف

شهر التفلاس شهر لعراس وشهر السخانة والعرق والعيا والتعب راكو تعرفوا ماإلى ذلك

ايا الصيف تشوف زحف كاسح للنسا باتجاه الحمامات

اللي يشوفهم يقول ناقصهم لادوش فالدار

هاذي بختة عيطت لمسعودة قال ألو يامسعودة اجي نروحو للحمام ننحوا على الخاطر

ايا يروحوا للحمام يضربوا فيها شي 5 /4 /سوايع

وضاربين الدنيا بكوتبيي هاني دوشت هاني خلصت هاني جوزت نهار نروح ضرك للدار

بصح ماخمموش بزااااااااف احم (عندهم قط مربع في عقلهم)

الحمام المخلط قادرين (سمحولي على التعبير) يحطوا فيه كاميرات غدوا من ذاك المستورة تلقا روحها فاليوتوب تدور

ولا بلا مانحكي على العفن المعفن "التخلاط *التلباز*طيش من *ارمي لهيه*ابزق من *لوح لهيه*


ربي يعافينا شر الحمام

تقريييبا النسا اكل يروحولوا ومايخافوش

انا منحب نروح للحمام ماوالو هاوليك البحر زوج خطوات توصل هاخاوتي لاه حتى تباصي روحك

ونحب نوصي خياتي هنايا من الحمام

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


1/شكون فيكم اللي تروح للحمام بصراحة؟

**اموورة الزينونة**

نتمنى عجبكم ميضوعي

 

[هــــيلدا]

الحمام مهوش نتاع صيف،،

اخاه السخانة ويزيدو يرحو للحمام//

انا من رواد الحمامات هههه،، بصح مايش كامل،،

كان واحد قدامنا،، وفيه مرا شريرة،، الغلطة بحقها،، ونا ثاني نبكر في الصباح ديما نلقا روحي وحدي ولا مع كاش مرة،،

منحبش نلقا الغاشي،، بصح في الشتاء برك،، مي في الصيف،،مهياش طوول

 

[BARCA232]

السلام عليكم
صح ميضوعك شباب
وياحيه على الحمام ارواحي عند الرجال وشوفي العجب
بصح الاحمام في الصيف
أعلاه راك مدود
شكرا لك
​

 

[سجل أنا جزائري]

وقيلا راني غالط في لادراس :music_whistling:
​

 

[programmeur]

السلام عليكم
راني جيت غيل باش نضرب طلة صبتكم تتكلمو على النساء عرفت بلي الأمر خاطيني
أيا تهلاو في رويحاتكم و حرزو تنساو الكياسة باش تحكو بعضكم البعض
وردو بالكم ترمو الصابون في الطريق تعشي كاش وحدة فيكم مرمية في السبيطار ههههههههههه سلام

 

[Rosa2]

~ . اولا مشكووورة على الميضوع
~ . ثانيا ربي يوفق اللي راهم يفوتوا في bem

* ثالثا انا وحدة مالناس اللي ما تروحش للحمامات
وراكي قلتي علاش

​