ـــــــــ الطمينة على طريقة الرجاصيين ــــــــــ

[عاشقة رجاص]

السلام عليكم ورحمة الله وبركاته:
مساء الخير عليكم حبيباتي :luve_1:
إن شاء الله تكونو بخير
والله لاحظت اختلاف التسمية في مناطق الجزائر فيما يخص الطمينة
واليوم حبيت نقدملكم طريقة تحضير الطمينة عندنا
في رجاص ولاية ميلة
أولا/ المقادير:
غرس
250 غ زبدة أو مارغارين
سميد حرش
ثآنيا/ طريقة التحضير:
لازم في البداية ننقيو الغرس من هذوك الشوائب اللي فيها مثل أجزاء من العلف /لعضم تاعها أو شوائب اخرى
ومبعد نعجنوها بشوية ماء زهر ولا ماء ورد نخلوها تتنسم بهذاك الماء تاع الزهر ولا تاع الورد
وفي نفس الوقت نحطو السميد لحرش فالغربال باش ننحيو منو السميد الرقيق على خاطر نحتاجو غير الخشين
ونحطوه في مقلاة أو طاجين حسب الكمية فوق نار هادئة

ونحركو بالملعقة حتى يولي لونو ذهبي
يعني تقريبا هكذا

نذوبو الزبدة أو المارغارين ونخلطو معاها الغرس والسميد ونعجنوهم مليح مع بعض
كي تتأكدي باللي الخليط أصبح متماسك
شكلي قرصة كيما تاع الكسرة وحاولي تطرحيها شوية حتى يصبح سمكها حوال 1.5 سم
خليها تبرد شوية ومبعد قسميها بسكين إلى قطع كبيرة أو صغيرة حسب الذوق

توضع في صحون وتقدم مع الحليب أو القهوة او المشروبات
وبصحتكم يا لفحلاااااااااات:blush:​

 

[مفآهيمـ الخجل]

هاايلة

يعطيك الصحة حنونة
​

 

[محمد.م]

إمممممممممممممممممممممممممم

لذيذة

امتى العزيمة

أنا جاهز

أكل الجزائريين لايقاوم

ياحسرتي عليك يا محمد.م

مستني عاشقة رجاص يحن قلبها عليك وتعزمك

بارك الله فيك

ويسلمو ايديك يارب

 

[عاشقة رجاص]

هاايلة ​

يعطيك الصحة حنونة ​

السلام عليكمـ
بآرك الله فيك ختي مفآهيمـ الخجل
ربي يخليك
شكرا جزيلا​

 

[عاشقة رجاص]

إمممممممممممممممممممممممممم

لذيذة

امتى العزيمة

أنا جاهز

أكل الجزائريين لايقاوم

ياحسرتي عليك يا محمد.م

مستني عاشقة رجاص يحن قلبها عليك وتعزمك

بارك الله فيك

ويسلمو ايديك يارب

أهلا بيك أخي محمد
والله شرفت الموضوع كعادتك اخي الكريم
الدار دارك أخي مرحبا بيك في كل وقت
وبارك الله فيك على مرورك الطيب​

 

[ibtesem]

بارك الله فيك

 

[AnGeL*dZ]

راكي فحالتي يالالة هههههههههههه
يعطيك الصحــــــــــــــة

​

 

[عاشقة رجاص]

بارك الله فيك

وفيك بارك الرحمن اختي ابتسام
ربي يخليك شكـــــــــرآ​

 

[عاشقة رجاص]

راكي فحالتي يالالة هههههههههههه

يعطيك الصحــــــــــــــة ​

هــــــــــــــــاو لازم يا كوكي:yahoo:
رآكي تعرفي الصيف تربص مطولـ فالكوزينة
ربي يعيشيك كوثر
شكرا​

 

[سماح الجزائريه]

اممممممم هدى انا نحبها ياسر او ديما نعملها اصلا نحن في شرق الجزائر /تبسه / نسموها الرفيس / اما الطمينه او الى نعملوه للنوافس اى للمراءة الى انجبت جديدةنسموها المسخن وهو بخلط القمح المحمص المرحي مع العسل والزبده اشكرك على المعلومه ​

 

[the crazy asma]

سلامو عليكمو جوجو
الله الله على طمينتك بنينة بشهادة أسماء اللي مايعجبها والو هههههههههههه
هاو واين راكي متي؟ ولا خطفوك؟
عاش من سمع خبارك يا الزينة​

 

[Moha le sage]

الطمينة و الله غير نموت عليها .. و اذا كاينة حاجة نحبها في الماكلة اكيد هي

التصويرة تاعك صغيرة هههههههه ديريلنا تصويرة كبيرة باش ناكل بعينيا

يعطيك الصحة يا الرجاصية


​

 

[la_fleur_de_joie]

يا ختي سمحيلي بصح هذا لغرس معرفتوش واش هو معندوش سمية وحدوخرة؟؟

 

[faloussa]

امممممممممممم هايلة والله غير سخفتينى يعطيك الصحة اختىى

 

[the crazy asma]

يا ختي سمحيلي بصح هذا لغرس معرفتوش واش هو معندوش سمية وحدوخرة؟؟

الغرس هو شغل والله مالقيت كيفاه نوصفو
هو تمر مرحي يتباع في اكياس سبيسيال ولا علب مانعرف إذا فهمتيني ختي​

 

[AnGeL*dZ]

يا ختي سمحيلي بصح هذا لغرس معرفتوش واش هو معندوش سمية وحدوخرة؟؟

رحت شفتو في الغلاف كاتبين عجين التمور هذا هو الغرس
​

 

[عاشقة رجاص]

سلامو عليكمو جوجو

الله الله على طمينتك بنينة بشهادة أسماء اللي مايعجبها والو هههههههههههه
هاو واين راكي متي؟ ولا خطفوك؟

عاش من سمع خبارك يا الزينة​

وعليكم السلام أسومتي الغالية
والله يا الزينة ربي يخليك حشمتيني:heh:
اللي يسمعك يصدق يقول هذي ماعرف وين راحت:closedeyes:أنا راني قريب نذير الجذور فالدار :glare: الحيطان كرهو مني
نتيا اللي غبرتي يا أسوم من عرس لعرس حقا خلصو لعراس تاعك ولا مازالو؟:music_whistling:​

 

[عاشقة رجاص]

اممممممم هدى انا نحبها ياسر او ديما نعملها اصلا نحن في شرق الجزائر /تبسه / نسموها الرفيس / اما الطمينه او الى نعملوه للنوافس اى للمراءة الى انجبت جديدةنسموها المسخن وهو بخلط القمح المحمص المرحي مع العسل والزبده اشكرك على المعلومه ​

صح أختي سماح كاين إختلاف فالأسماء بزاف
مثلا حنا في ميلة وهي فالشرق الجزائري أيضا
الرفيس عندنا شيء آخر هو يشبه قليلا في شكله الكسكس
مع إضافة السكر gلاص والعسل والمكسرات
أما المسخن يسمى عندنا بسيسة ويوجد نوع منه يسمى الزرير
بارك الله فيك أختي الغالية سماح شكرا جزيلا​

 

[اميرة المنتدى]

صح أختي سماح كاين إختلاف فالأسماء بزاف

مثلا حنا في ميلة وهي فالشرق الجزائري أيضا
الرفيس عندنا شيء آخر هو يشبه قليلا في شكله الكسكس
مع إضافة السكر gلاص والعسل والمكسرات
أما المسخن يسمى عندنا بسيسة ويوجد نوع منه يسمى الزرير

بارك الله فيك أختي الغالية سماح شكرا جزيلا​

بارك الله فيك عاشقة رجاص على الطمينة اما نحن نسموها المعكرة
سبحان الله اليوم عملتها وغيرت شكلها الى القلوب ان شاء الله رايحة تشوفى الصورة فى موضوع مجرب

 

[عاشقة رجاص]

الطمينة و الله غير نموت عليها .. و اذا كاينة حاجة نحبها في الماكلة اكيد هي ​

التصويرة تاعك صغيرة هههههههه ديريلنا تصويرة كبيرة باش ناكل بعينيا ​

يعطيك الصحة يا الرجاصية ​

والله ياخويا محمد الطمينة عندها شارم سبيسيال
مام انا نموت عليها
هههههههه إن شاء الله كي يخدمولي بلاصة لاكارط ميموار فلينيتي باسكو راهي فاسدة نحط فوطوات كبار
بارك الله فيك خويا محمد
والله فرحني مرورك
​