عاجل ارجوا المساعدة

[shosho.21]

انا انتقلت للسنة الثانية ثانوي ولكن بقي التوجيه فقد خيروني بين علوم تجريبية و بين تسير و اقتصاد فاحترت و لم اعرف مادا افعل مع العلم انني متوسطة يعني ماش فوووووور بزاف فارجوكم ارجوا المساعدة

 

[n@tcho]

salut ma soeur regarde lakan haba trohi science lazem tkoni bien en sceience physique et mathe et bien sure tasiier waiktisad lazem tkoni forte sirtou fe math et a la fine chofi niveau dyalek et 3lamache takedri et bon courage


t as soeur nariman​

 

[naGam]

اختي اذا انتي متوسطة روحي تسيير واقتصاد احسنلك باه من بعد ماتحصليش لانوا تسيير اسهل شعبة ونسبة النجاح فيها في لباك ديما80بالمئة من نجاح البكالوريا لشعبة التسيير وربي يوفقك
​

 

[nassim007]

كيما قاتلك ايمان الهاني ادا راكي متوسطة ديري تسيير

و ربي يكون معااااك

 

[Hero-Sheima]

انا اظن انك تروحي علوم تجربيبة الا كنتي فور في العلوم و متوسطة في الرياضيات و الفيزياء

علوم تجريبية ماشي صعيبة بزاف اكي تسلكي راسك فيها,

وتسيير لازمك تكوني فور في محاسبة هادي هي المادة الصعيبة و ثاني تكوني تحفضي بظاف لانه فيها مادة القانون

ومواد اخرى تستاهل الحفظ ,

الا كنتي ضعيفة في العلوم و الفيزيا نقترح لك تروحي تسيير لانها خالية من هادو 2 مواد

شوفي واش يناسبك اختي

 

[D-tech]

هي هذه مشكلة حذاري منها
سوء الاختيار وسوء القرار يعني وضع حد ومنعرج لمستقبلكم
أنتي أدرى بنفسك وأنتي صرحتي بها مستوي متوسط ماذا يعني انكي لستي أهل للعلوم التجربية
سهلة شوفي الخيار الأقل صعوبة وراه فيه خيار التسير
شوفي وربي يوفقك
وعلمي أن بعد سنتين إن شاء الله البكلوريا
خمي مليح وربي يوفقك

 

[lalakarimanouri]

اليك الرابط https://www.4algeria.com/forum/t/195087

 

[شهد.]

اختي إذا راك يمتوسطة ديري تسير واقتصاد
بسك العلوم تجريبية صعيبة شوية ولازم تكوني مليحة في الرياضيات والفزياء و العلوم
خممي مليح مع روحك
​

 

[lalakarimanouri]

التسيير كيما قالت الخت فيها الحفاظة قانون و اقتصاد بزاف و المحاسبة مش صعيبة بزاف لي يحاول يفهمها تجيه سهلة خاصة اذا طحتي في بروف مليح المات ساهلة

 

[im£ne]

شوفي حبيبة ادا راكي تقولي راكي متوسطة
لازملك تروحي تسيير خير ما تتغبني مع العلوم التجريبية
راهي شوية صعيبة

تسيير راهي اسهل شعبة

 

[MiSs Sisi StyLe]

علوم تجريبية احسن

 

[همسة الجزائر]

مالازم حتى واحد يدبر عليك

روحي شوفي المواد الاساسية في التسيير والاقتصاد


والمواد الاساسية في العلوم


وشوفي المواد اللي راكي تفهميهم


وخيري حسب قناعتك


والله تندمي ومبعد لوكان ماتعرفيش تخيري


انا الحمد لله علوم تجريبية ولكن مادة العلوم نفهمها والفيزيا والماث تاني


نتمنى ادا خيرتي يكون رايك فالصواب نهار الباك ماتندميش

نعرف بزاف بنات دبرو عليهم وندمو

خمي مليح​

 

[نجـStarــمة]

أنا من رايي تروحي علوم تجريبية احسن وأريح ومباعد في الجامعة راح تصيبي روحك وتلقاي بزاف شعب ممكن تعمليهم...
وبرك ننصحك مدام متوسطة تبذلي جهدك وتقرا يديما سيرتو فالعلوم والرياضيات والفيزياء راهم الاساس كيما تعرفي
وما تبخليش روحك في أي معلومات زايدة راح تفيدك بزاااااف وان شاء الله تتوفقي أنا راني علوم تجريبية وراني الحمد لله
بالتوفيق والنجاح لك
دمتي بود...
لك مني ارق واطيب سلام.

نجمة الفؤاد **







​

 

[AMET ALAHE]

السلام عليكم
شوفي يا اختي لكان تروحي للإقتصاد راكي رايحة تهبلي مع الحسابات ولازم تكوني شاطرة بزاف في الرياضيات
بصح ا لعلوم شوشة شوية الرياضيات صعيبة بصح ماشي بزاف والعلوم لازم تكوني بمستوى لا بأس به يعني يمكنك تكوين مستواك في العام القادم لا يوجد شيء صعب حتى في التسيير يمكنك ان تبني نفسك و تصبحي متمكنة في الحساب والرياضيات وذلك بالتمرن والمداومة عليه
وفي النهاية أنصحك بأن تأخذي بعين الإعتبار مستواك في المواد الأساسية لكل شعبة و في قدراتك
اتمنى لك التوفيق ومستقبل واضح وناجح
تقبلي مروري
​

 

[اسماء1989]

شوفي اختي اذا راكي تميلي للمواد الادبية وراكي لا باس فيها روحي تسيير تلقاي روحك