يمات الصيف معا ناس اللمة

[BOUSS]

ناس اللمة سلام عليكم انهاركم زين بالصحة والهنا وان شاء الله
يمات حلوين تفوتوهم في العطلة انتاعكم واليوم راني حب انشاركم
شويا في العطلة و كل واحد يحكينا كيفاش راه يفوت انهارو
وعلبالي مرناش ساكنين في منطقة وحدة كاين الي ساكن في
الصحراء وكاين الي في التل وكاين علي طرف البحر مراناش
انعانو في الصخانة كيفكيف بصح كاين شئ واحد الي يجمعنا
الي هو النات الي هو انروحو وين انحبو ابلا ما نبوجو من
بلايصنا املا احكمو الكلافي ديفولو اكلاطو ورونا يماتكم
الزنين وين راكو تفوتوهم ملاحظة صحبات الكوزينة والميناج مكلاه
يدخلو راح يفسدونا العطلة :busted_red: بصح ما عهليش راكو الاغلبية
مرحبا بيكم :wink:وبالجميع وصحة صيفكم

 

[im£ne]

ناس اللمة سلام عليكم

وعليكم السلام و رحمة الله
ملاحظة صحبات الكوزينة والميناج مكلاه
يدخلو راح يفسدونا العطلة :busted_red:
هههههه قريب درت دومي تور:glare:
بصح ما عهليش راكو الاغلبية
مرحبا بيكم :wink:وبالجميع وصحة صيفكم

ايا راك قلتها الاغلبية راهي مقابلة الدار و القضيان :tears:
بصح خير من القراية لي نغشتنا :closedeyes:

كيفاش نفوت نهاري ؟؟
ها فطور ها ماعن ..راك عارف:music_whistling:
من بعد نحكم الميكرو مانطلقوش
الخرجة قليل وينراني نشوف برا كي دايرة:yaw:

الدار ثم الدار و vive الدار:yahoo::sheer:

 

[MR-REDOUANE]

الساعة هذي راني بين دنـــgــل و قوقل و اللمة الثالوث الخطير.... بصح راهم جايين ايام البريكولاج في الدار

 

[BOUSS]

ايا راك قلتها الاغلبية راهي مقابلة الدار و القضيان :tears:
بصح خير من القراية لي نغشتنا :closedeyes:

كيفاش نفوت نهاري ؟؟
ها فطور ها ماعن ..راك عارف:music_whistling:
من بعد نحكم الميكرو مانطلقوش
الخرجة قليل وينراني نشوف برا كي دايرة:yaw:

الدار ثم الدار و vive الدار:yahoo::sheer:

صحا صيفك ايمان وربي يعطيك الصبر في الدار ونعطيك
حل اشباب ايهنيك من الماعن كولو في الجيطابل ورموه هكذا ما تغسلو
والو وتربحب الوقت للراحة ازيادة:wink: مع الف شكر

 

[BOUSS]

الساعة هذي راني بين دنـــgــل و قوقل و اللمة الثالوث الخطير.... بصح راهم جايين ايام البريكولاج في الدار

ما تراطيهمش هكذا باه ما يكونش الديقوطاج وبصحتك الصيف:closedeyes:

 

[missa_1]

يحصراه واش نقلك الكوزينة والماعن والتسياق الله يكون معانا
وثاني فيها التقرعيج تاع اللمة بلا مننساو
وصحبنا وحبيبنا الي دايمن غالبنا الرقاد هدا منهدروش عليه حالة خاصة
تحياتي

 

[BOUSS]

يحصراه واش نقلك الكوزينة والماعن والتسياق الله يكون معانا
وثاني فيها التقرعيج تاع اللمة بلا مننساو
وصحبنا وحبيبنا الي دايمن غالبنا الرقاد هدا منهدروش عليه حالة خاصة
تحياتي

ربي يعطيك الصبر ختي ميسا الحاجة الي
نكرها كي ندخل لدار التسياق يايما يايما :busted_red: والله كورفي كبيرليكم
الله يحسن عونك اختي وربي يبدل ساعة ما خير:wink:

 

[DARINE05]

اممممممممممممممممم
واش بيهم جماعة الكوزينة قول كون تخطيك الكوزينة تضيع هههههههههههه
والله احنا من جماعة التل خسارة ياو جا العبد من اهل البحر يا حسرة عليك يا دنيا غير تشوف فيه برك ترجعلك الروح

 

[روعة الأخلاق]

السلام عليكم
غير خليها برك الصيف تاع الوقت هذا يروح في التفاهات
و يا الله على القضية تاع الدار :tears:
لي عندو بروقرام تاع صيف غير يحرقو سيرتو لبنات
انا ساي فقدت الامل نطبق واش نخططلو في الصيف
ربي يعيننا
مشكور اخي​

 

[** غزال الصحراء **]

اه لازمنا بلاج سبيسيال لناس اللمة ,,, نسموه 4algeria plage !!

و اللي خاطينا يعينا

شكرا بوووص .

 

[BOUSS]

اممممممممممممممممم
واش بيهم جماعة الكوزينة قول كون تخطيك الكوزينة تضيع هههههههههههه
والله احنا من جماعة التل خسارة ياو جا العبد من اهل البحر يا حسرة عليك يا دنيا غير تشوف فيه برك ترجعلك الروح

حشا ما قلت والو عليكم راه عاجبني الحال بزاف:tears: الما اصحاب التل ربي
يعطيكم الصبر لناس الي تعشق البحر مع الف شكر وبصحتك العطلة:wink:

 

[كلي امال]

انا مازال ما ديت العطلة
مازلت مع القراية و التمرميد

 

[BOUSS]

السلام عليكم

غير خليها برك الصيف تاع الوقت هذا يروح في التفاهات
و يا الله على القضية تاع الدار :tears:
لي عندو بروقرام تاع صيف غير يحرقو سيرتو لبنات
انا ساي فقدت الامل نطبق واش نخططلو في الصيف
ربي يعيننا

مشكور اخي​

روعة راه ضهرلي بلي المورال راه طايحلك ما تفقديش
الامل ربي يجيب ساعة الخير ان شاء الله او كيما يقويو كل عطلة
فيها خير ان شاء الله تحياتي لكي :wink:

 

[BOUSS]

اه لازمنا بلاج سبيسيال لناس اللمة ,,, نسموه 4algeria plage !!

و اللي خاطينا يعينا

شكرا بوووص .

اه خويا الغزال هدي فكرة امليحة انا نسميه اللمة بلاج والي خاطيه
العومان ما يقربش بصحتك الصيف :wink:

 

[BOUSS]

انا مازال ما ديت العطلة
مازلت مع القراية و التمرميد

يا امال قالو ناس ازمان الشغل المليح يبطي ونتي راكي فيه
ما تتقلقيش وبصحتك الصيف :wink:

 

[THE GNAWIE]

والله انا نفضل لقراية
على العطلة
فالصيف غير الميناج
ما كان حبابات ماكان هدات تاع الليسي
ما كان gصرة
والله نكره حياتي
راو مصبرني غير المونديال
ايا بون فاكونص ليكم كامل
سلام​

 

[BOUSS]

والله انا نفضل لقراية

على العطلة
فالصيف غير الميناج
ما كان حبابات ماكان هدات تاع الليسي
ما كان gصرة
والله نكره حياتي
راو مصبرني غير المونديال
ايا بون فاكونص ليكم كامل

سلام​

مسكينة والله شفتيني ربي يعطيك الصبر ختي
وحاولي ديري بروقرام تقتلي فيه الوقت ويروحلك الديقوطاج
ايا تهلاي في روحك وبصحتك الصيف :wink:

 

[كلي امال]

يا امال قالو ناس ازمان الشغل المليح يبطي ونتي راكي فيه
ما تتقلقيش وبصحتك الصيف :wink:

ميرسي خويا بوص
طلعتلي المورال مزال 15 يوم نكمل قرايتي
و الصيف كامل نعقبو رقاد

 

[BOUSS]

ميرسي خويا بوص
طلعتلي المورال مزال 15 يوم نكمل قرايتي
و الصيف كامل نعقبو رقاد

لالالالالالالالالالالا مكاش منها:busted_red: هدا ماشي حق انا مازلت نخدم حي
31 جويلية اومبعد البروقرام يتبدل :wink: نقصر بيرك تهلاي في روحك
وبروفيتي قد الي عطالك قلبك:glare:

 

[** غزال الصحراء **]

اه خويا الغزال هدي فكرة امليحة انا نسميه اللمة بلاج والي خاطيه
العومان ما يقربش بصحتك الصيف :wink:

صافي أنا ما نقربش :surrender:

الله يصلمك , و Bon صيف إن شاء الله (= ..