شرف طفلة بي 18 شهرا

[BOUSS]

سلام عليكم ناس اللمة ان شاء الله هذا هو المنتدي الي ابكونو فيه ناس
صافين ماشي تاع نقص ولو العبد فبه شويا ديفووات مي انحاولو قد الي
ننجمو باه انكونو فب المستوي خاوتي والله قريت اليوم واحد الخبر
ما يفرحش والجلد تاع ابنادم ايعرش منو الي هو مجموعة تاع شبان
خطفت طفلة من الكولاج عمرها 15 سنة مسكينة اغطاسبوها او زادو صوروها فلي بورطابل امبعدباعوها مليون للمجموعة اخري :busted_red: او هادا الشئ صري في الدزاير في شرق البلاد وانهار الي حكموههم شارعولهم بي 18 شهرا للولحد كلي مصري والو شغل سرقو جاجة والله عيب علي الحكام وبن راه العدل شكون الي يرجع شرف الطفلة والله نهار كل وانا نخمم في هدي الطفلة كيفاش يكون المصير انتاعها كي تكبر المهم ماشي حق
و18 شهر قدام شرف طفلة مايسوا والو لوكان جيت الحاكم والله انقصلهم
اعز ما يملكو هكدا باه بعرفو هادو الوحوش شرف الطفلة شحال يسوي
سمحولي خاوتي علي التعبير هدا التقلاق برك ايا السلام عليكم:busted_red:

 

[** غزال الصحراء **]

تمت الموافقة على الموضوع , لي عودة .

 

[** غزال الصحراء **]

يا خويا و الله القصص هاذو يحبسولي راصي واماكنش حاجة تكرهني قدهم ,صح و الله كي الطفلة تتحقر الإنسان يلقى روحو عاجز عن التعبير ... هاذو كلاب ماشي بنيادم , يعني لهاذي الدرجة الشهوة تعمي الناس , و يولي يديرو في ديكريم كيما هاذي !!

يا رب ألطف ببلادي و أستر بنات المسلمين .

 

[مفآهيمـ الخجل]

يا لطيـــــف

واش هاد العباد

و زيد حكمولهم 18 شهر برك

الدراري راهم شايفين القانون متساهل معاهم هاكا على بيها ولا واحد ما يخاف

يقولك نديرها و واش راح يصرا

18 شهر تجوز كي نهار و لا زوج

و الدولة راهي ضاربة النح ما علابالها بوالو

الله يهـــديــ
​

 

[Rochdi.dz]

هدا غير القليل

ربي يهدينا برك هدا وش نقول​

 

[يسرى 2008]

والله عندك الحق بصح متنساش عقابهم عند ربي كبير
وهي عندها تواب كبير ورحمة من عند ربي وهي الرابحة في اللخر في الدنيا

 

[mimi.dz]

سبحان الله
18 شهر في قصة كيما هاذ
ونتساءلو علاه كثرت هاذ الخدمة ؟؟
ربي يهدي
​

 

[FoFo95]

18 شهر برك لوكان جيت انا نخليهم كثر من 18 سنة هذي مش حاجة سهلةلوكان سرقة نورمال هذا شرف ضياع حياة انسانة ما عندها حتى ذنب بصح ربي يجيب حقها اجلا ام عاجلا و كما تدين تدان

 

[براءة مسروقة]

:heh:18 شهر :heh:يا حبيبي:heh::heh:

 

[docteur farah]

عجب يا ربي عجب
الله غالب بلاد ميكي
في قانون هذا يسموه جريمة
جريمة اغتصاب و الجريمة مدتها من 5 سنوات الى 20 سنة
و ساعات المؤبد لانو في الجزائر معندناش الاعدام
صافي عطولها مدة نتاع وحد داير جبحة صافي زيها زي واحد سرق ولا ضرب واحد بموس
الله غالب القانون في حالات لا يسمو علىا لجميع

 

[docteur farah]

يا لطيـــــف ​

واش هاد العباد ​

و زيد حكمولهم 18 شهر برك ​

الدراري راهم شايفين القانون متساهل معاهم هاكا على بيها ولا واحد ما يخاف ​

يقولك نديرها و واش راح يصرا ​

18 شهر تجوز كي نهار و لا زوج ​

و الدولة راهي ضاربة النح ما علابالها بوالو ​

الله يهـــديــ​

ليس القانون المتساهل معهم غاليتي
القانون نحفظه و يسمو على الجميع
و لا جريمة و لا عقوبة و لا تدابير امن الا بنص قانوني
و جريمة الاغتصاب جريمة ممنصوص عليها في قاونو العقوبات
لكن اين الذي يطبق القانون
بلاد ميكي الله غالب
كون جت القضية عندي ننسفهم اقسم بالله
و مهيش ساهلة باش تدي حكم من المحكمة برك
نورمالمون تطلع للمجلس
الله غالب واش تحبي نقولو

 

[docteur farah]

والله عندك الحق بصح متنساش عقابهم عند ربي كبير
وهي عندها تواب كبير ورحمة من عند ربي وهي الرابحة في اللخر في الدنيا

علابالي اختي
كاين جزاء الدنيا و جزاء في الاخرة
ربي ميتسامحش في جواء الاخرة
لكن لازم تكون قاعدة امرة و القاعدة الامرة فيها الضبغة القانونية
و الصبغة القانونية لازم يكون فيها جزاء يا مادي يا معنوي
الله غالب واش نقول
وجعني قلبي صح:scared:

 

[عاشقة الوحدة]

يا لطيف يا ربي

 

[ملكة زماني]

الدنيا وعارت والشرف رخص عندهم
18 شهر برك
هذا اكل على خاطر بعدنا على الدين نتاعنا

 

[مسيلية فوور]

نورمالمو اعدااااااام

 

[docteur farah]

اخي bouss
اسفة اخي تدخلاتي في موضوعك كانت اكثر من اللازم
الله غالب واجباتي حماية الشعب
و الدفاع عن القانون
لكن ليس في بلد مثل هذا
لا يوجد فيه قانون

 

[docteur farah]

نورمالمو اعدااااااام

مكانش اختي الاعدام في الجزائر
حكمها نورمالمون من 5 سنوات سجن
الى 20 سنة
حسب الصفة التقديرية للقاضي:tears:
الله غالب الاعدام مكنوش في الجزائر
كاين المؤبد بصح للي يقتل و يموت المجني عليه

 

[docteur farah]

و لا ننسى ان حكم جريمة الاغتصاب من حكم الزنا
القذف

 

[docteur farah]

الدنيا وعارت والشرف رخص عندهم
18 شهر برك
هذا اكل على خاطر بعدنا على الدين نتاعنا

عندك الحق يا اختي
قضية اغتصاب
قضية شرف
قضية عدم تطبيق الدين
الخ ....... اوف ربي يهدي

 

[sarah29]

لوكان جا لي يسرق تتطع يدو و لي يغتصب يتقطع.....
ضرك هاد لعمايل واحد مايزيد يديرهم
و انا متاكدة مئة بالمئة من كلامي
اسفة هدا مجرد راي
شكراا