تعيشوا أدخلوا و فهموني واش راه صاري ...

[khadija1805]

السلام عليكم يا اعضاء اللمة

إن شاء الله تكون بخير



و الله على حسب ماراني نشوف كاينا واحد الظاهرة اللي حبتستلي مخي و عدت مانقدرش نتخيل لبنات كيفاش راهم يفكروا ( حاشا البعض مارانيش نعمم على لبنات كامل)

و الظاهرة هادي هي :

كل يوم و خاصة فالمدارس نشوف طفل يضرب في طفلة و هي ساكتا و عاجبها لحال و تقولك نورمال صديقي و يضربني كيما يحب

عجبا :scared:

و الله حاجا تحط العقل بالكف

الحاجا اللي حبيت نفهمها واش هو غرض هاد البنات كيما يخلو اصدقاءهم يضربوهم
زعما ناقصين ضرب فالديار ولا واش

المرأة من المفروض تحوس تكون عندها شخصية و ماتخليش الراجل يضربها بصح هاد البنات راهم يخموا بالعكس
تعجبهم رحهم كيما يضربوهم اصدقاءهم

انتظر تفاعلكم ​

 

[* أميرة الأحلام *]

اختاه والله غير عندك الحق في هدرتك ويرجع هذا التصرف الى انهم لم يعطوا احترام لانفسهم لهذا لايحترمهم الغير
واصلا طريقة مداخصة الضرب طريقة غير محترمة سواء من بنت الى بنت او ولد الى البنت
يجب ان يعطي شخصية لنفسه لكي يحترمه كل من حوله
نقول ربي يهدي كاين بنات تعجبهم وكاين بنات مازال يهز في يده توضعه عند حده ​

 

[khadija1805]

اختاه والله غير عندك الحق في هدرتك ويرجع هذا التصرف الى انهم لم يعطوا احترام لانفسهم لهذا لايحترمهم الغير

واصلا طريقة مداخصة الضرب طريقة غير محترمة سواء من بنت الى بنت او ولد الى البنت
يجب ان يعطي شخصية لنفسه لكي يحترمه كل من حوله

نقول ربي يهدي كاين بنات تعجبهم وكاين بنات مازال يهز في يده توضعه عند حده ​

آمين يا رب العالمين ربي يهدي ماخلق

مشكورة اختي على المرور ​

 

[sam11]

اختاه والله غير عندك الحق في هدرتك ويرجع هذا التصرف الى انهم لم يعطوا احترام لانفسهم لهذا لايحترمهم الغير
واصلا طريقة مداخصة الضرب طريقة غير محترمة سواء من بنت الى بنت او ولد الى البنت
يجب ان يعطي شخصية لنفسه لكي يحترمه كل من حوله
نقول ربي يهدي كاين بنات تعجبهم وكاين بنات مازال يهز في يده توضعه عند حده ​

وانا معاك اختي في كل كلمة

صح الظاهرة هادي كترت بزاف

 

[etoo14]

ربي يهدي ما خلق و انا واحد من الناس والله مام تقيسني وما نوسلش باش نظربها نسكت ونمشي ونقول خلي راني ظالم مام انا مادرت والو وبربي انشاء الله ما ندير والو وخليها علي انا ومشكورة اختي على الموضوع القيم وربي يهدي ما خلق​

 

[salma2010]

بصراحة اول مرة اسمع بهذه الظاهرة!

 

[* تسنيم *]

يه يا ختي هذا قليل عندهم هذي هي تربية واذا لقاوك خاطيك لحوايج هاذو يقولو عليك معقدة
ربي يهدينا ويهديهم

 

[قالمية ونصف]

هههههههههه
موضوعك قمة رانا نشوفو فيها جهار فالنهار الضاهرة دي مي دور طورت ولاو في زوج يضربوا
حرب فالطريق وانتي سيبورتي لي تحبي

 

[la_safa]

انا ما زال ما شفتهاش مي هادا يرجع لكرامة البنت كيفاه تسمح بهاد الشئ والله غريب
​

 

[khadija1805]

مشكورين على المرور و ربي يهدي بناتنا للطريق المستقيم ان شاء الله​

 

[MSANTAH 48]

علابالكي المسنطح ديما يقول
قاضبها وحدي دارب الناس بطالو
ما خصني بشاشرة ما خصني بشيرات
تحيا المسنطح وحدو

 

[نسيم الربيع]

ختي هذو بنات مشي متربيات الطفل كي يلقى ميقولش لالا حاشا البعض منيش نعمم مي الديفو فالطفله اللي تخليه يتوشيها نورمالمو حتى المصافحه متقبلهاش على روحها وينيا الضرب راح نفهمك ونقول بالمختصر المفيد في زوج كلمات هذي قلة تربيه مارسي ختي ... سلالام

 

[NICHA03]

و الله يا اختي هما يعجبهم الحال كي يضربوهم انا الحند الله واحد محط يدوا عليا و انا منويلش روحي باش يجيو الذراري من و منا و يضربوني

 

[hard_way1990]

بصراحة اول مرة اسمع بهذه الظاهرة!

ههههههههههههه والله مام أنا ههههه ..
لله في خلقه شؤون وربي يهدي ما خلق ..
​

 

[يسرى 2008]

والله عندك الحق
بصح حبيت نقلك حاجا
انا في الليكول نقرا مع طفل
هدا من طفلة للاختها
ويشتي يضرب البنات عندو كاريزما للضرب النسائي
ربي يستر

 

[mimi75]

السلام عليكم و رحمة الله و بركاته شكرا لكي يا اختي على طرحكي لهدا الموضوع هده الظاهرة اشاهدها عدة مرات حتى ان هناك زميلة لي كان صديقها يضربها حاولت ان اعرف سبب سكوتها و هي تضرب و لمادا بقيت معه قالت لي بانها تحبه ههههههههههههه و لكن الحب يكمن بالاحترام وليس بهده الطريقة المريبة لقد لاحظت بان السبب يكمن في شخصية النساء فهناك بعض الفتيات التي تتير غيرة الطرف الاخر و هدا ما يدفع هدا الاخير الى الضرب و هناك اسباب اخرى تافهة ولا داعي لدكرها كل ما احاول ان اقوله ان على النساء اجتناب الفاحشة و صيانة انفسهم و احترام كرامتهم و شرفهم ولا يدفعنا بانفسهم الى الدل و المهزلة الله يهدينا و يهديهم

 

[biya]

والله هذي اول مرة نسمع بيها ، مي هادو معندهمش دم فيقلبهم والا موتى يمشوا

ربي يهدي ما خلق ، اييييييه عيش تشوف

 

[sami19280]

والله كي ندخل هنا في هاذ القسم تقول راني نشوف في افلاااااااام هندية رومنسيةةةةةةةةةةة

هههههههه

 

[ميوسة]

ختي هاذ الظاهره شحااااااااااال شفتها في سويامي

و فالبرا تاني

ما عندي ما نقول هاذ البنات ما عندهمش كرامه

 

[lespoire]

رانا وصلنا لوقت ربي يسقم لحوال هذا ماكان