////// حذاري من الروgارات + أرواحو نحكيلكم على صاحبتي اللي طاحت في روقارة هههههههه

[the crazy asma]

السلام عليكم:
هاااااااااااااااو مساء الخير عليكم
ياو عليكم من قالمة هههههه تفكرت برك يامات دورية نحو الشرق ولاباتاي دالجي :tears:
المهم قالك ياسيدي رايحة نحكيلكم على صاحبتي هههههههههه نوسة
نهار الثلاثاء ياسيدي عيطتلي على 4 تاع الصباح :busted_red: قالتلي باش تديري حسابك
اليوم تروحي معايا عند الخياطة والحفافة :tears: ونزيد نفوت على حانوت تاع عمي سليم نشري سندالة:yahoo: وراكم عارفين مانقدروش نخرجو بلا ما نروحو عند جوجو وندوها معانا بالسيف :heh:
مالا كي العادة ماعيطناش لجوجو فالتيلوفون باسكو بورطابلها ديما مغلوق:glare:
رحنا ديراكت لدارهم وكي فتحتلنا لقيناها تحت الأنقاض ههههههههه
كانت تمسح فالخزانة وتطبg فالقش
حتى راب عليها كلشي ههههههه
طبعا حوالي نص ساعة وحنا نضحكو ومبعد عاوناها
هيا خرجنا ورحنا عند الخياطة ساعة وحنا مدايرين لاشان غير باش نهدرو معاها برك فمابالك تخيطلنا:surrender:
خرجنا من عندها نشوفو فالشجرة زوج :u_pc:
المهم وحنا ماشيين بدات نوسة تحكيلنا على وحد المسلسل تركي
وجوجو تقولها أخطيني من جد المسلسلات رايحة تمرضينا بيهم:closedeyes:
وفجأة سمعنا كلمة
آآآآآآآآآ
درياف
ههههههههههههه
مالقينا غير نوسة فالروgارة لتحت ههههههههه
وحد المنظر واش نقولكم
حبيت نضحك وحشمت باسكو وسط الطريق
لمزية الروgارة ماكانتش عميقة بزاف
وكانت شايحة هههههههههههه مافيهاش المياه العذبة هههههههه
ولات جوجو تقولها نوسة آكي صافا
وهي من لتحت تقولها كيفاش نقول النجدة ولا هالب مي
وعلاش ماختارعوش كلمة بالدارجة تعني النجدة
ههههههه هي بين الأرض والسما وهي مدايرتلنا مجمع لغوي
واخيرا جاءت القوات المنقذة وجبدو الآنسة نوسة ههههههههههه من الروgارة
أنا حرت في جوجو كيفاه ماضحكتش بالعكس وجها صفر وتخلعت تقول هي اللي طاحت أنا والله بردت قلبي
الله غالب جاتني فجأة هههههههه
ياجماعة أتولهو من الروقارات
ممكن في أي وقت يطيحو بيكم كيما نوسة
والحمد لله صحبتي جاتها سالامات
مي ممكن مرة خلاف تجي في روقارة عميقة ولا فيها الماه العذبة الصافية هههههه
وشكرا​

 

[حفيد هواري بومدين]

وافقت على الموضوع

حزاري تم حزاري من الفلفل الاحمر مرة جاية يديرلك انفيكسيون

 

[سلافة.]

هههههه والله يا حنونة راكم شلة مهبولة انا من عندي كون طاحت صاحبتي كون تمرغت بالضحك والله في المواقف هاذو مانحكم روحي نبد قلبي وهاذي نوسة ...وين راحو عينيها في قطوشتها ... هههه اي قوليلها المرة الجاية تخزر مليح مع الطريق واني علابالي وين كان عقلها كي كانت ماشية اييييه اي ماكانتش معاكم اي كانت تخمم في حاجة اخرى وتبلق طاحت

سالي عليها وقوليلها نوسة تاع اللمة الي تسال عليك


هيا بالسلامة وتهلاو في روحكم

مشكورة حنونة

ننتظر جديدك
.
.
.
.
​

 

[محبة بلحاج]

ههههههههههههههه مزية كان الروقار ناشف راهي سلكت​

 

[Jagwar]

لوكان جيت فى بلاصتك و الله رانى ميت من الضحك ههههه
نموت على الحوايج و الطوايش هاذى هههه بصح ماشى كى يصراو معايا
آيا مرسى عليك اختى و ربى يبعد علينا الروقارات .






​

 

[the crazy asma]

وافقت على الموضوع

حزاري تم حزاري من الفلفل الاحمر مرة جاية يديرلك انفيكسيون

إيييييه شكرا فلانيتو
ربي يخليك كي أكسيبثيت الموضوعيتو:yahoo:
الفلفل الأحمر في خاطر عمو صايفي
يعني ناكلو مرة فالفال:closedeyes:
​

 

[حنان13]

ههههههههههههههههه لوكان كنت معاها لوكان محكمتش قااع روحي من الضحك الحمد الله اللي ماكانتش غامقة
​

 

[the crazy asma]

هههههه والله يا حنونة راكم شلة مهبولة انا من عندي كون طاحت صاحبتي كون تمرغت بالضحك والله في المواقف هاذو مانحكم روحي نبد قلبي وهاذي نوسة ...وين راحو عينيها في قطوشتها ... هههه اي قوليلها المرة الجاية تخزر مليح مع الطريق واني علابالي وين كان عقلها كي كانت ماشية اييييه اي ماكانتش معاكم اي كانت تخمم في حاجة اخرى وتبلق طاحت ​

سالي عليها وقوليلها نوسة تاع اللمة الي تسال عليك ​

هيا بالسلامة وتهلاو في روحكم ​

مشكورة حنونة ​

ننتظر جديدك
.
.
.
.​

نوسة راها كانت مبرونشية مع المسلسلات التركية
حتى لقات روحها بح ههههه
واش نقولك يا سلافة ختي
ضحكت ضحك جامي خلق الدموع ماحبسوش
يبلغ سولك يا نوسة اللمة يبلغ
ربي يخليك
شكرا​

 

[the crazy asma]

ههههههههههههههه مزية كان الروقار ناشف راهي سلكت​

والله كون جات معمرة بالماء
هههههههههههههه كون خرجت كي الجاجة المريشة
كرا محبة بلحاج ختي
بي يبعد عليك الروgاراة يارب هههههه​

 

[said prince of p]

يتولهو من المياه العذبة برك ههههههههه يعودو يعوموا فيها

 

[the crazy asma]

لوكان جيت فى بلاصتك و الله رانى ميت من الضحك ههههه

نموت على الحوايج و الطوايش هاذى هههه بصح ماشى كى يصراو معايا
آيا مرسى عليك اختى و ربى يبعد علينا الروقارات .​

أنا لليوم كل مانتفكرها تخلى عليا بالضحك
يحكمني الفورير ارواح وفكها
آمين يارب والله وليت نخاف منهم
ميرسي خالي بومبة على مرورك
شكرا​

 

[the crazy asma]

هههههههههههههههههههههههههههه

مسكينة صح ... ايا جات سلمات .. سلامة راسك يا نوسة

بالصح عينيها وين كانو يلعبو ... رسمي كانت تقرعج على الغاشي هي هي هي

♥☺♥

والله يا التقرعيج خدمتها راها بلماجيستار والدكتوراه في علم التقرعيج
بالصح هذاك النهار كانت مبرونشيا مع حكاية المسلسل
حكاتلنا من الحلقة 1 حتى لآخر لقطة شافتها ههههههه وكملت لحكاية فالروقارة
شكرا خويا ILYASS BOJAعلى مرورك ربي يخللللللك​

ههههههههههههههههه لوكان كنت معاها لوكان محكمتش قااع روحي من الضحك الحمد الله اللي ماكانتش غامقة​

ههههههههههههه ياخي حالة والله موقف من لكبار:no_1:
كون جات غميقة كون داوها باربياس
مشكورة حنووووونة
​

يتولهو من المياه العذبة برك ههههههههه يعودو يعوموا فيها

ههههههه هذيك هي ياخويا المياه العذبة ماكانش خسارة هههه
شكرا جزيلا لك​

 

[BeSt GlAdiAtOr]

هههههههه
ياخي مهابل ياخي
درتو مغامرات
ونتوما
علاه راييحن للخياطة وعند عمكم سليم أصلاً





المهم وش نقولك كيماماتتش نوسة هدي
وكي م تغاشيتيش من الخلعة


ومصطلح النجد بالدارجة هو
واقواق​

 

[معاك يا الخضراء]

هههههههه تجيكم فالصبر انتوما هيا كانت تحت تاثير الصدمة راهي ما حست بوالو:glare:
كون جيت انا مستحيل ما نضحكش
والله ياو تعود ماما غير نديرها سرك :mellow:
اما الروقارات انا نشتيهم :scared::scared:
نحيكلك علاه :music_whistling:
يا حبيبتي // حبيبي السابق تلاقيتو بسبب الروقار :blink::luve_2:
درانا لاصقة في دارهم و تبوشا الروقار تاع الكرطي
بابا ماكانش كاين :no_1:
جا على 8 يصوني :blush::sheer: قالي معليش نشوف الروقار تاع داركم خاطر او مبوشي و فاض عندنا يوءبرني شو كان مزوء :shay:
رمرومة مالفة الضحكة ماكنش مع الجيران:shiny:
جا هو قتلو طبعا طبعا كان تحب نجي نعاونك :music_whistling::music_whistling: ههههههه
فكرتيني فواحد الايام راني ميتة ضحك:schmoll:​

 

[عاشقة رجاص]

السلام عليكم
واش راكي أسوم
واش حوالك سمسومتي
ههههههههه نوسة يانوسة
كل مرة تديرلي خلعة ملكبار:glare:
مرة تكسرت فالبازار وبعثولنا أومبيلونص:yahoo: ومرة طاحت عليها طوبة فالليسي :heh:
وهاذ المرة طاحت فالروgارة:surrender:
أنا ماجانيش ضحك كي طاحت
بالعكس والله تخلعت وقلبي حبس
سيرتو كي سكت حسها
قلت كانش ما صرالها
والله كي نتفكرها هههههه ياخي حالة ياخي
​

 

[حورية الجزائر]

هههههههههه

مسكينة


وانا نقرا فالموضوع ديالك تفكرت سلاحف النينجا هههههههههه معلاباليش علاه

 

[عاشقة رجاص]

هههههههه تجيكم فالصبر انتوما هيا كانت تحت تاثير الصدمة راهي ما حست بوالو:glare:

كون جيت انا مستحيل ما نضحكش
والله ياو تعود ماما غير نديرها سرك :mellow:
اما الروقارات انا نشتيهم :scared::scared:
نحيكلك علاه :music_whistling:
يا حبيبتي // حبيبي السابق تلاقيتو بسبب الروقار :blink::luve_2:
درانا لاصقة في دارهم و تبوشا الروقار تاع الكرطي
بابا ماكانش كاين :no_1:
جا على 8 يصوني :blush::sheer: قالي معليش نشوف الروقار تاع داركم خاطر او مبوشي و فاض عندنا يوءبرني شو كان مزوء :shay:
رمرومة مالفة الضحكة ماكنش مع الجيران:shiny:
جا هو قتلو طبعا طبعا كان تحب نجي نعاونك :music_whistling::music_whistling: ههههههه

فكرتيني فواحد الايام راني ميتة ضحك:schmoll:​

ههه يارمروم والله غير ضحكتيني من قلبي
ونعم الصدف :yahoo:​

 

[نبض الحياة]

هههههههههههههههه
والله لا قتلتيني بالضحك
الحمد لله اللي جات سلامات
مرسي على الموضوع
​

 

[معاك يا الخضراء]

ههه يارمروم والله غير ضحكتيني من قلبي


ونعم الصدف :yahoo:​

هههههه هجورة شفتي هاديك الصدفة :no_1::no_1:​

 

[عاشقة رجاص]

هههههه هجورة شفتي هاديك الصدفة :no_1::no_1:​

والله يا رمرومتي صدفة ولا خليني :yahoo:
هههههه الروقار تبوشا يخي حالة
ربي يكثر من الصدف:tears:​