واش هد الشي

[رضوة الجزائرية]

الحمد لله على كل نعم الله
بصح لازم المحافظة عليها ولا لا ؟ اليوم موضوعي على الدراري الصغار وماماتهم في ديار الناس
استغربت على هد الشي في داهم ما يدير والو لخطرش يماه تضربو
واه بصح في ديار الناس يكون جن الله يستر
يكسر ويضرب باب وكسر لوكي ويكوب لاتاي على الطابي ويماه تشوف كيلي ماكين والو سبحان الله
ومولات الدار تتحرق على سوالحا وتمنى غير وقتاش تروح
وتقول ياسلام على حوايجي ربي يحفظ الباقي
​

 

[ماكانش]

تبالي هاذي راجعة لقلة التربية ختي​

 

[محاربة صحراء]

والله عندك الحق اختي راسي حبس منهم

 

[فراشة الايمان]

الله غالب قتلونا ما خلاوش فينا ....

 

[Klach]

هادي يسموها قلة الادب تع الام
​

 

[مسيلية فوور]

انا نشوف لوكان جا متربي ميتلاح لا في الدار ولا حتى عند الناس وهذا يرجع للأم اللي لازم عليها تربي ولادها
ويعطيك الصحة
​

 

[sam11]

عندك الحق راجع لقلة االتربية

كيما قولو طيش وربي يعيش

هدا هو المنطق درك النساء ما عندهمش وقت

باه يربيو ولادهم ما بين دارو ودرا وبرا كل يوم يخرجو

 

[lalochka]

انا والله مانحشم تماك تنود هي ووليدها نود ندرب

 

[amina 94]

هادي ماهيش الغلطة نتاع الطفل الله غالب هو صغير مي الغلطة نتاع امو

 

[ثامري سياف]

هههههههههه تقول ذيق روحك ههههههه

 

[dana1993]

هههههه و تزيد تقولك مازالو صغير آواه لازم التربية من الصغر

 

[برق الضلام]

الاطفال احباب الله والتربيه لها دور شكرا
برق الضلام

 

[zaki85]

جميع الاطفال الصغار هكذا

 

[MAN1850]

اذا كان مزال عمرو اقل من 5 سنين معنتها ما تقدرش يماه عليه ...
و مش شرط تقولوو عليه ناقص تربية المسكين ...
راهو bibi حتى و لو كان ينتضرب راح ينسى ...

​

 

[βïģ βôşş]

قلة التربية دليل على انو والديهم ماهومش متربيين

 

[said prince of p]

اماتهم ماهيش مربية وراجلها اداها من ماعلاباليش واين من دوار ولا ماعلاباليش
ماتفهم والللللوااااا بارسكوا الام ربات ولادها على هادي التربية بارسكوا الولاد يخررجوا على ماتهم ووباباهم.
................................................................................................................

 

[القلب الابيض]

الطفل مازالو صغير مايعرفش هو في بالو حاجة نورمال و نورمالمو الام هي لي ماتخليهش يدير هكدا و تربيه باش يحترم ديور الناس شكرا على الموضوع