اللي يبغي يمنشر في الدولة راها الدعوة عامة...

[BARCA232]

السلام عليكم ورحمة الله تعالى وبركاته
واش راكم لاباس مستعدين للمنشار يالله نبدأ على بركة الله
والله وحد الظاهرة كاينة كامل في ولايتنا
وهي البني تاع فرنسا والبني تاع الجزائر
واش الفرق بيناتهم
كاين وحد البني عندنا في سعيدة نسموه بيت الgاوري والله راه من 1830
قديم بزااااااف والله تدخله تبقى بلا راس تقول راك في بلاد اخرى
واش حبيت نقول ليكم على البني تاع الجزائر
النهار الأول والله يبنيلك قصر
كل شيء بالرخام والزاج بلاك في الامارات وماكانش وعرام تاع دراهم ميزانية كبيرة
وعملية مناقصات المهم حاجة كبيرة وعلى آخرته كي تجي كشافة العيوب الامطار الله يبارك كل شيء ينفضح
ونزيدكم شركة تعاونية الحبوب العام اللي فات خدمت فيها مدة 03أشهر وفي مرة عرضني كبير العمال
قالي محمد أرواح ولدي نوريك الgاوري واش يخدم
والله تكذب تقول هاذو في 1954
كانو يخدمو هكذا مالا اليومواش يخدمو ربي يجيب الخير
واحنا الجزائري واش يدير؟؟؟؟!!!!
واش رايكم في بلادنا غير الخدع؟
ولا ماكانش الكفاءات اللي تخدم؟
أليكم النقاش والمنشار لكن حذاري في رقابة من الدولة على الموضوع.
الموضوع حساس لايحجزو على الموضوع ونباصي انا
يالله على بركة الله.
​

 

[dana1993]

ههه السلام عليكم صح كاين بنايات تاع فرنسا خلاتهم الله يبارك هايلين مي حنا هنا تلقا السيمي بيريمي و المقاول يخدم بيها فمثلا كيما التيكنيك لي نقرا فيه من الضربة الاولى تاع الزلزال تشققو لحيوط مزية ضربات خفاف اوترما مانيش هنا لوكان جات ضربة قاوية غير شوي راه طاح بيسك بناء منقول+الجامعة الجديدة لي راهم يبنيو فيها مازال متفتحتش حتى لورا باك 2011 باه تتفتح رسميا ديجا بلوك واحد طاح كي راحت لجنة المراقبة لقاو بلي السيما بيريمي عد المقاول والحمد لله كي طاح ضرك ماشي حتا كي يطيح على الطلاب
ربي يصلح لحوال ان شاء الله بارك الله فيك اخي

 

[رفيق الخير]

فكرتني عندنا هنا عمارة أسمها عمارة الديكة..... نتاع فرانساااااااا ياااااه وقتاش التبناو

صدقني تتعودلهم السبيغة تقول تبناو البارح .... والله راسك يحبس.....

خاطي كيما نتاع هنا ..... سلعت لبالاد ماتخرجش لبلاد حبيبي....هههه عام منفوتوش نحبو التجديييييييد ههههه

مشكور على الموضوووووووع​

 

[sisou023]

أه عندك الصححححححححححححححححححححح

 

[BARCA232]

أه عندك الصححححححححححححححححححححح

هذا ماعندك ولاخفتي من الدولة لاعليك راهي كاينة الحصانة عندي منشري على حسابي ولابوك مقاول
ههههههههه
شكرا لك
​

 

[chamse121919]

de a jusqu' z welo ma yaslah

 

[CHAGRA2007]

الدولة اللي راك عايش فيها هي اللي راك تقول عليها وان تو ثري فيفا لالجيري
كون واقعي مع روحك حبيبي ومن بعد سبها
راهي تقلك هذا لقماش عجبك إدي ما عجبكش خلي
وحنا نحبوها بقماشها الراشي
المهم راني عايش وخلاص
عيبك على ذراعك ودير دار طلعها لروحك
ياما ناس ما تكلوش على الدولة وطلعوا قصور
نحبك لالجيري بخنونتك
أيا تهلا في روحك وبركاونا من المواضيع الجايحة
ربي يهدينا
الرجاء من الإشراف غلق الموضوع
​

 

[BARCA232]

de a jusqu' z welo ma yaslah

والله منك صح
كل شيء مايصلح رانا غير في المهرس
ربي يجيب الخير
شكرا لك
​

 

[BOUSS]

يعطيك الصحة محمد علي الموضوع انفكرك حاجة برك اهنا القاوري كي يعمل
يتقن الخدمة انتاعو وعندو الرقابة الي تتحمل المسؤلية اولازم يكون كاليفي
في المهنة انتاعو وعندو الضمانات في الخدمة الي يخدمها اي يغلط ايخلص
راني في المهنة امعاهم نعرف قيمتهم

 

[The.Legend]

ان شــاء الله ربي يكتبلي نهرب من هاذي لبلاد حتى عبادها ربي يستر ​

 

[BARCA232]

الدولة اللي راك عايش فيها هي اللي راك تقول عليها وان تو ثري فيفا لالجيري
كون واقعي مع روحك حبيبي ومن بعد سبها
راهي تقلك هذا لقماش عجبك إدي ما عجبكش خلي
وحنا نحبوها بقماشها الراشي
المهم راني عايش وخلاص
عيبك على ذراعك ودير دار طلعها لروحك
ياما ناس ما تكلوش على الدولة وطلعوا قصور
نحبك لالجيري بخنونتك
أيا تهلا في روحك وبركاونا من المواضيع الجايحة
ربي يهدينا
الرجاء من الإشراف غلق الموضوع
​

وعليكم السلام ورحمة الله تعالى وبركاته اما بعد خويا لازملك تعاود تقرى الموضوع من جديد
مع كل احتراميلك
اظن مافهمتش
انا راني نحكي على الفرق بين البني تاع فرانسا اللي خلوها والبني تاعنا
واش خويا ماراكش تشوف وماراكش تقرى الجرنان كل يوم تلقى كوارث في البناء
الاسمنت المسلح مغشوش
وكذلك مكتب الدراسات متآزر معهم في هاته المصيبة
الا انه أخي بحكم المنطقة التي تعيش فيها لايوجد بنايات خاصة بفرنسا
واما عن كلمة الجزائر فهي كلمة غنية عن التعريف وأعرفها اخي جيدا
وأظن ان من يعرف كلمة وان تو ثري فيفا لاجيري
هو اللي يكون سباق للعمل على الحفاظ عليها والرقي بها
ويجيبليها المباني غير الشابة
واحسن تشييد
ويقوم بنائها من منطلق أنه هو من يسكن فيها
في ميزك ماهو الفرقمابين بناء المقاولين لمساكنهمالخاصة ومساكن الدولة
ولك الحرية في أبداء رأيك اخي وأنا احترمه
شكرا لك
وأجمل التحيات اخي
​

 

[BARCA232]

ان شــاء الله ربي يكتبلي نهرب من هاذي لبلاد حتى عبادها ربي يستر ​

لالا أخي وين تهرب
واش لازملنا احنا التجديد والعمل على الترقيع
واش رايك
شكرا لك
بارك الله فيك
​

 

[BARCA232]

يعطيك الصحة محمد علي الموضوع انفكرك حاجة برك اهنا القاوري كي يعمل
يتقن الخدمة انتاعو وعندو الرقابة الي تتحمل المسؤلية اولازم يكون كاليفي
في المهنة انتاعو وعندو الضمانات في الخدمة الي يخدمها اي يغلط ايخلص
راني في المهنة امعاهم نعرف قيمتهم

وعليكم السلام اخي بوس
ربي يبارك فيك
والله هما عندهمغير الرقابة تاع الضمير والمسؤول
احنا عندنا رقابة تاع ربي هو اللي عنده الخلاص تاع الصح
والله الحمد لله راك معاهم اخي خبر الناس اللي ماتفهمش الى أي درجة يتقنو عملهم
علاه كل شيء مسقم عندهم
والله ولاغلطةكل شيء يعملولوا ألف حساب
بارك الله فيك اخي
تسعدني ردودك
بارك الله فيك
​

 

[CHAGRA2007]

وعليكم السلام ورحمة الله تعالى وبركاته اما بعد خويا لازملك تعاود تقرى الموضوع من جديد
مع كل احتراميلك
اظن مافهمتش
انا راني نحكي على الفرق بين البني تاع فرانسا اللي خلوها والبني تاعنا
واش خويا ماراكش تشوف وماراكش تقرى الجرنان كل يوم تلقى كوارث في البناء
الاسمنت المسلح مغشوش
وكذلك مكتب الدراسات متآزر معهم في هاته المصيبة
الا انه أخي بحكم المنطقة التي تعيش فيها لايوجد بنايات خاصة بفرنسا
واما عن كلمة الجزائر فهي كلمة غنية عن التعريف وأعرفها اخي جيدا
وأظن ان من يعرف كلمة وان تو ثري فيفا لاجيري
هو اللي يكون سباق للعمل على الحفاظ عليها والرقي بها
ويجيبليها المباني غير الشابة
واحسن تشييد
ويقوم بنائها من منطلق أنه هو من يسكن فيها
في ميزك ماهو الفرقمابين بناء المقاولين لمساكنهمالخاصة ومساكن الدولة
ولك الحرية في أبداء رأيك اخي وأنا احترمه
شكرا لك
وأجمل التحيات اخي
​

العفو أخي عندك حق سمحلي كنت قلق شوي
ربي يحفضك خويا لعزيز

 

[Klach]

المشكل ماشي ما عندناش كفاءات
الجزاير عندها مواهب الله يبارك
المشكل المواهب هادي ما يدعموهاش
و لي ما عندهم حتى معنى و داخلين غير للسرقة و الغس يدعموهم
بلاد الله غالب
مشكوووووووووور​

 

[** غزال الصحراء **]

يعطيك الصحة محمد علي الموضوع انفكرك حاجة برك اهنا القاوري كي يعمل
يتقن الخدمة انتاعو وعندو الرقابة الي تتحمل المسؤلية اولازم يكون كاليفي
في المهنة انتاعو وعندو الضمانات في الخدمة الي يخدمها اي يغلط ايخلص
راني في المهنة امعاهم نعرف قيمتهم

كلامك ذهب
شكرا محمد .

 

[DARINE05]

ايييييييييييييه يا خويا محمد احنا يعطوه 5ملاير يخدم بهم يخدم ب1والباقي في الجيب واش تحب السرقة دايرة حاية

 

[ماكانش]

أنا راني معمر خويا لعزيز
وكيلهم ربي​

 

[Elif DZ]

يييه واش تقعد تقول كون تبقى تتبع فيهم تموت بالحمصة و هو ما تغير والوا

رانا في الجمهورية الجزائرية الديمقراطية الشعبية
لازمهم يتحملوا هههههههههه
​

 

[BARCA232]

ههه السلام عليكم صح كاين بنايات تاع فرنسا خلاتهم الله يبارك هايلين مي حنا هنا تلقا السيمي بيريمي و المقاول يخدم بيها فمثلا كيما التيكنيك لي نقرا فيه من الضربة الاولى تاع الزلزال تشققو لحيوط مزية ضربات خفاف اوترما مانيش هنا لوكان جات ضربة قاوية غير شوي راه طاح بيسك بناء منقول+الجامعة الجديدة لي راهم يبنيو فيها مازال متفتحتش حتى لورا باك 2011 باه تتفتح رسميا ديجا بلوك واحد طاح كي راحت لجنة المراقبة لقاو بلي السيما بيريمي عد المقاول والحمد لله كي طاح ضرك ماشي حتا كي يطيح على الطلاب
ربي يصلح لحوال ان شاء الله بارك الله فيك اخي

السلام عليكم اختي دانا والله مالقيت واش نزيد على كلامط
ربي يبارك فيك
وين رانا حنا وين راهم هوما
بارك الله فيك
​