قتلني الدمار

[رموش الحب]

سلااااااااااام

كيراكم خاوتي انشالله تكونو كامل لاباس واش عامل فيكم الصيف و السخانة؟؟؟؟


انا قتلني الدمااااااااااااار :busted_red::busted_red::busted_red:راني رح نهبل
النتائج تاع الباك 2010 قلبولي راسي

راني مازلت مشوكية و الله تقلبت الموازين نجحو ناس ميعرفوش واش معناها الدالة و مش فاهمين فيها والو و اللي يستاهلو قااااااااع هبطو في المعدل

يا خاوتي والله ليلة الباك ديال العلوم جاتني وحدة معريفة رح تجوز الباك سثساتني كيفماه نفرقو بين الميتو كندري و الصانعة الخضراء و طلبت مني نكتبلها تصريف الافعال و قواعد حساب المساحات المربع و الدائرة و ...........و....وهي عام كامل تتمصخر و تلعب

وعام كامل مجبتش المعدل و في الباك التجريبي عندها 9

انا تشوكيت قلتلها نشالله تنجحي قلت نطلعلها المورال و نهار طلعو النتائج لقيتها جايبة 14

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يا خاوتي و الله قريب و قلت معليش رحت نباركلها قلتلها انشالله ميدسين قالتلي الميدسين اللي يعملو الغاشي كامل انا منعملوش

ولات تشوف للناس بنص عين :surrender::surrender::surrender:ربي يصبرني و الله كرهت

11 سنة و انا قاتلة روحي بالقراية و منرقدش الليل باه نجيب الباك ب 14 و يا عالم نلحق عليها و لالا و في الاخير يديها واحد راقد :tears::tears:

جاتني في بالي نبطل و منجوزش العام الجاي لباك كي رخس

واش رايكم ؟؟؟؟؟؟

ملاحظة راني نقرا ثاني ثانوي

 

[** غزال الصحراء **]

تمت مراقبة الموضوع و إعتماده //

 

[** غزال الصحراء **]

معليش , المهم أنتي فوتي باك عام الجاي , و جيبي كيفها و لا أكثر //

ما تغيضش كي يديها واحد , مي تغيض كي ما يديهاش , مهما كان السبب راقد و لا نايض و لا راقد
الإنسان يبغي الخير لخوه الإنسان

باك السنة نحولنا فيه جزء من البرنامج , بسبب الإضرابات و اللي دا الفرصة و دا معدل مليح بصحتو

السلام عليكم .

 

[programmeur]

واش نقولك
جيت نصبرك صبت روحي نصبر في نفسي
غيل سكتي برك الله يهدي ماخلق

بصح كيما قال غزال مبروك عليها

وعندها الحق تتشرط وتقول مانديرش ميدسين
لخاطرش جابت الباك ب 14

 

[DARINE05]

واش تحبي يا اختي ربي يكون معاك هذي هي الحاجة لي تغيض صح

 

[Cow-boy]

مبروك عليها يا اختي ما ترجعيش للور
فكري درك واش رايحة ديري و عاودي وان شاء الله تديه
كيما داتو صاحبتك
​

 

[رموش الحب]

معليش , المهم أنتي فوتي باك عام الجاي , و جيبي كيفها و لا أكثر //

ما تغيضش كي يديها واحد , مي تغيض كي ما يديهاش , مهما كان السبب راقد و لا نايض و لا راقد
الإنسان يبغي الخير لخوه الإنسان

باك السنة نحولنا فيه جزء من البرنامج , بسبب الإضرابات و اللي دا الفرصة و دا معدل مليح بصحتو

السلام عليكم .

بصحتكم خويا و الله اللي يستاهل ميغيضش و الله نفرحلو

بصح تغيض واحد متعبش و ميفهمش فيها والو و يجيبها

شكرا على المرور عندك حق تغيض كي منديهاش
​

 

[رموش الحب]

واش نقولك
جيت نصبرك صبت روحي نصبر في نفسي
غيل سكتي برك الله يهدي ماخلق

بصح كيما قال غزال مبروك عليها

وعندها الحق تتشرط وتقول مانديرش ميدسين
لخاطرش جابت الباك ب 14

• عندك حق عندها الحق تتشرط
• شكرا ع المرور

 

[رموش الحب]

واش تحبي يا اختي ربي يكون معاك هذي هي الحاجة لي تغيض صح

كل واحد و زهرو

مرسي اختي​

 

[رموش الحب]

مبروك عليها يا اختي ما ترجعيش للور
فكري درك واش رايحة ديري و عاودي وان شاء الله تديه
كيما داتو صاحبتك ​

هههههههه حرام عليك خويا

انا نقرا سنة ثانية ثانوي و معدلي 16.35

شكرا على المرور​

 

[نسيم الربيع]

لالا نتيا جوزي الباك تاعك عادي وان شاء الله تديه والباك راهم بزاف اللي يدوه زهر وكاين اللي قبل الباك يقولك المهم نطلع عامي كي 10 كي 18 وكي نلحق للباك نجيب اكبر معدل نقدرلو وبلاك هاذ الطفله تاني هكا ومنعرف مارسي ختي ... سلالام

 

[رموش الحب]

لالا نتيا جوزي الباك تاعك عادي وان شاء الله تديه والباك راهم بزاف اللي يدوه زهر وكاين اللي قبل الباك يقولك المهم نطلع عامي كي 10 كي 18 وكي نلحق للباك نجيب اكبر معدل نقدرلو وبلاك هاذ الطفله تاني هكا ومنعرف مارسي ختي ... سلالام

siiiii

عندك حق بصح خرجت بحكمة القراية بلا زهر متوصلش يعني اللي يتعب ما يربحش بلا ما يكون عندو زهر

مرسي اختي

 

[Cow-boy]

هههههههه حرام عليك خويا

انا نقرا سنة ثانية ثانوي و معدلي 16.35

شكرا على المرور​

ربي ينجحك ان شاء الله

العفو
​

 

[رموش الحب]

ربي ينجحك ان شاء الله ​

العفو ​

ان شاء الله​

 

[rofaida_c.k.o.a]

انا نقلك ختي زيدي عقبي ولازم تكون عندك الثقة في النفس

ختي عقبت ثلث سنين والرابع داتو وراهي في الفريق الوطني

وعندها قرايتها فا المعهد مراقبة النوعية وراه دات الباك

والحمد لله على كل حال راهي حامدة ربي مي نتي لازم تعقبي ولازم ماتحبسيهش

 

[رموش الحب]

انا نقلك ختي زيدي عقبي ولازم تكون عندك الثقة في النفس

ختي عقبت ثلث سنين والرابع داتو وراهي في الفريق الوطني

وعندها قرايتها فا المعهد مراقبة النوعية وراه دات الباك

والحمد لله على كل حال راهي حامدة ربي مي نتي لازم تعقبي ولازم ماتحبسيهش

لالا خويا قلت راني نقرا ثاني تانوي يعني العام الجاي باك و النجاح ضامناتو نحكي على المعدل

ربي يبارك بصح واش تعمل اختك في الفريق الوطني ؟ههههههه

مرسي خويا فرحني ردك

 

[Realo]

جاتني في بالي نبطل و منجوزش العام الجاي لباك كي رخس

والله جيت نرد .. قريتها ما نتزوجش من بعد لقيت منجوزش

خطرة اخرى اكتبي ما نعقبش ما نقراش المهم خطيك من كلمة منجوزش وما نتزوجش
راهي الناس عندها حساسية من هد الكلمة .

روحي ربي يسترك دنيا واخرة وتجيبي الباك ب 18 ان شاء الله

 

[Rosa2]

حتى انا عندي الباك العام الجاي
ربي يوفقنا و يوفق كل اللي غادي يفوتوه
كي سمعت بالنتائج هاد العام
عرفت باللي كــآين ناس ادتاه زهر
وكاين ناس قرات و تعبت و فـ التالية
يا اداته بالنتيجة اللي ماكانتش تستنى فيها
يا ما ادتاهش اصلا
و كاين اللي قراو و اداوه و استاهلوه
~ على العموم
مبرووووكـ على صحبتك
و عقوبا للناس اللي ما توفقتش فيه
~ مشكوووورة خيتو
موفقة
​

 

[رموش الحب]

والله جيت نرد .. قريتها ما نتزوجش من بعد لقيت منجوزش

خطرة اخرى اكتبي ما نعقبش ما نقراش المهم خطيك من كلمة منجوزش وما نتزوجش
راهي الناس عندها حساسية من هد الكلمة .

روحي ربي يسترك دنيا واخرة وتجيبي الباك ب 18 ان شاء الله

ههههههههههههه

انا تاني عندي حساسية من الكلمة و معاتش نستعملها

ان شاء الله ربي يعيشك​

 

[رموش الحب]

حتى انا عندي الباك العام الجاي

ربي يوفقنا و يوفق كل اللي غادي يفوتوه
كي سمعت بالنتائج هاد العام
عرفت باللي كــآين ناس ادتاه زهر
وكاين ناس قرات و تعبت و فـ التالية
يا اداته بالنتيجة اللي ماكانتش تستنى فيها
يا ما ادتاهش اصلا
و كاين اللي قراو و اداوه و استاهلوه
~ على العموم
مبرووووكـ على صحبتك
و عقوبا للناس اللي ما توفقتش فيه
~ مشكوووورة خيتو
موفقة ​

ربي يوفقك و يوفقنا
انشالله نفرحو كامل العام الجاي​