ارواحو نحكيلكم شوي على الصيف في الصحــرىْ...

[بسومة المنتدى]

:surrender:ســـــــــــــــــــــــــــــــــــــــــــــــــــــــــــــــــــلام...على قد السخانة لي راهي عندنا..:tears:
هههههههه ولله غي نتعجبو صح ..سي vري السخانة برا 45 درجة بصح وين؟؟... تحت الظل:crying_1:
ايـــــــــــــه معناها تحت الشمس 50 :crying::crying:.....
بصح ماعلابالكمش بواحد لوبسيون عندنا في الصحرى سبيسيال..**.كليماتيزور**..:lolo:
لوكان نقولكم بلي 24 ساعة على 24 ساعة شاعلين ماتامنونيش..معناها دايرين حسابنا و كل دار على الاقل يكون عندها 4 تاع لي كليما..وحدة ليل وحدة نهار وحدة صباح بالزيادة تاع سيباراسيون..:re_gards:
بصح ولله غير رحمة ربي مالقري السخانة بصح عندنا البرود واقيلا كتر منكم:tongue_1::tongue_1:..بويسك الدار باردة تزيد تخرج في اللوطو متنحكيلكش الجمود تزيد تدخل للخدمة ديالك هاكداك..وزيد الحوانيت يعني باقي غير لا فيل نديرولها وحدة كبيـــــــــرة و السوق..هههههه...:showoff:
اما عن الخروج برا نخرجو على 7 تاع لعشيا باه نقدو صوالحنا و ندخلو على 9 ولا 10...تاع ليل..
بصح شكون تانيك...غير لي عليهم دعوة الشر و ماراحوش للتل كيفي..:crying_1::crying: راني حابة نبكي بويسك هادا اول صيف نبقا في الدار..بصح معليش عقبال للعام الجاي و تلقاوني عندكم من مـــاي:tongue_2:..
المهم انا نخليكم و نروح ندرب دورة في البلاد مع العايلة و لاكريم راكم عارفين...ايا على خير وبحرو ماتبعدوش مارانيش عندكم باه نسلكم...​

سلام.. ​

 

[alnosratv]

هههههههههههههههههههههههههههه
ضربي لكرام خيلك من التل
الصحرا ملقري فيها السخانة بصح تعجبني خير من البحر
حياتي نجمع في صور الصحرى ونشوف فيها ونتأمل في الفديو نتاع الرمال لما تتحرك
حتى حنا في التل النار ارهي شاعلة
+ الرطوبة

كراهي عندكم النت في الصحرا لا باس

 

[EL General]

معليش ، جاب ربي حنا في تبسة ، ماجينش في الصحراء

لوكان بعدنا شويا برك نكونوا في الصحراء

...
​

 

[احمد الصحراوي]

السلام عليكم
انت ياختي تقولي من الصحرة معليهش نعرف واش من بلاصة في الصحرة
انا من الصحرة والله غير رانا نعانو من السخانة والله في هد الوقت بذات
وحد الشهيلي ريح والله خوك حداك ما تشوفوش وزيد ثاني تريسيتي ناقص
خلاص كليمتزور ما يديماريش هدا الى مراحش خلاص على حساب هدرتك
انت تقول تسكني في التل
مع العلم نسكن في لمغير ولاية الوادي

 

[mizora]

راني كيفك اختي
بصح حنا عندنا الحال واسع في دار ارضي ماشي كما انتم محروقين بالسخانة

 

[بسومة المنتدى]

معليش ، جاب ربي حنا في تبسة ، ماجينش في الصحراء​

لوكان بعدنا شويا برك نكونوا في الصحراء​

...​

ايه ربي معاكم ...
ميرسي خويا على الرد..​

 

[406_nassim]

نعيش في الصحراء ونعيش وين كاين عباد ............ نقلك بلي نسا الصحراء كرماء ومشاء الله عليهم
​

 

[بسومة المنتدى]

هههههههههههههههههههههههههههه
ضربي لكرام خيلك من التل
الصحرا ملقري فيها السخانة بصح تعجبني خير من البحر
حياتي نجمع في صور الصحرى ونشوف فيها ونتأمل في الفديو نتاع الرمال لما تتحرك
حتى حنا في التل النار ارهي شاعلة
+ الرطوبة

كراهي عندكم النت في الصحرا لا باس

صح كاين بزاف لي يحبو الصحرى..امالا مرحبا بيك عندنا..بصح الرملة بعيدة علينا شوي..
و النت ولله غير مخيرة...هههههههه​

 

[بسومة المنتدى]

السلام عليكم
انت ياختي تقولي من الصحرة معليهش نعرف واش من بلاصة في الصحرة
انا من الصحرة والله غير رانا نعانو من السخانة والله في هد الوقت بذات
وحد الشهيلي ريح والله خوك حداك ما تشوفوش وزيد ثاني تريسيتي ناقص
خلاص كليمتزور ما يديماريش هدا الى مراحش خلاص على حساب هدرتك
انت تقول تسكني في التل
مع العلم نسكن في لمغير ولاية الوادي

ههههههههه صح ياخويا راك تعاني على حساب هدرتك...انا من بشار و التريسينتي ولله غير مليحة ملي بدا الصيف ما تقطعتش علينا..​

 

[بسومة المنتدى]

راني كيفك اختي
بصح حنا عندنا الحال واسع في دار ارضي ماشي كما انتم محروقين بالسخانة

ايـــــــــــــه واش حبيتي نديرو..هادي يقولولها الصحرى..​

 

[بسومة المنتدى]

نعيش في الصحراء ونعيش وين كاين عباد ............ نقلك بلي نسا الصحراء كرماء ومشاء الله عليهم ​

الله يسلمك خويا نسيم..​

 

[chiguevara]

ههههه وش هذا راكي حكيتي مليح
مي انا نسكن في الصحراء لكن الكليماتيزور ما نشعلوهش طول النهار طبيعة منازلنا تلائم السخانة حنا صحيح عندنا البرود في الدار هي ك تخرج البر يا حفيظ يا ستار بصح نقول الحمد لله السخانة في كامل الولايات لكن حنا عندنا الجفاف منحسوش بالرطوبة انا لي ما نقدرلهاش الرطوبة + السخانة
يعطيك الصحة على الموضوع ملاقاة الخير

 

[Houda Chaouienne DZ]

و عليكم و السلام
مالا راكم خير مننا .. حنا ثاني قاتلتنا السخانة
بصح الحمد لله عندنا كليماتيزور نديروع ساعة ساعة
بصح كيما تعرفي مش ديما .. و ساعات يروح تريسيتي
المهم .. الحمد لله رانا في نعمة
شكرا على الموضوع و اتمتعي مليح بلا كرام
​

 

[H@teM]

السخانة بصح نستحمدوا ربي
على كل حال
​

 

[بسومة المنتدى]

ههههه وش هذا راكي حكيتي مليح
مي انا نسكن في الصحراء لكن الكليماتيزور ما نشعلوهش طول النهار طبيعة منازلنا تلائم السخانة حنا صحيح عندنا البرود في الدار هي ك تخرج البر يا حفيظ يا ستار بصح نقول الحمد لله السخانة في كامل الولايات لكن حنا عندنا الجفاف منحسوش بالرطوبة انا لي ما نقدرلهاش الرطوبة + السخانة
يعطيك الصحة على الموضوع ملاقاة الخير

ايــــــــــه ياسيدي طبيعة منازلكم كيفاش هادي حنا نعرفو غير ديار نورمال و لا الباطيمات
و تموت لوكان تبقى بلا كليما..على كل حال الحمد لله

​

 

[بسومة المنتدى]

السخانة بصح نستحمدوا ربي

على كل حال ​

ايه علينا غير بحمد الله..​

 

[chiguevara]

ايــــــــــه ياسيدي طبيعة منازلكم كيفاش هادي حنا نعرفو غير ديار نورمال و لا الباطيمات
و تموت لوكان تبقى بلا كليما..على كل حال الحمد لله

​

ههههه لا لا تختلف على تاع الشمال الحجارة المستعملة في البناء و طريقة البناء مثال الاسطح
اما الباطيمات ربي يعين لكن البيوت التقليدية عندنا رحمة

 

[H@teM]

ايه علينا غير بحمد الله..​

الشمكل كرهنا من الدار
تجي تخرج البرا تشعل _o:
​

 

[بسومة المنتدى]

و عليكم و السلام

مالا راكم خير مننا .. حنا ثاني قاتلتنا السخانة
بصح الحمد لله عندنا كليماتيزور نديروع ساعة ساعة
بصح كيما تعرفي مش ديما .. و ساعات يروح تريسيتي
المهم .. الحمد لله رانا في نعمة
شكرا على الموضوع و اتمتعي مليح بلا كرام​

وشراكي ختي هودا نشالله بخير و ماتخليش السخانة تأثر عليك بزاف..
حنا هاد لعام دارو فينا بليزير ملي دخل الصيف مقطعوش علينا التريسيتي..​

 

[alnosratv]

في هذا الوقت قاع رانا صحرا عباد وجماد