حتى لقبورة وفيهم معريفة ...يا سبحان الله ...

[ماكانش]

السلام عليكم ورحمة الله وبركاته
واش راكم خاوتي لاباس بخير الحمد لله
والله ياخاوتي يحير الواحد في هاد لعباد وهاد المجتمع وهاد العقلية
قبيل الظهر رحنا دفنا أم واحد صاحبنا ربي يرحمها ...
والمقبرة تاعنا فيها 3 بلايص
البلاصة الأولى لقديمة فرغت وماولاوش يدفنو فيها ماكانش بلايص
والزوج لخرين نورمال ...
المقبرة تعمرت بالموتى وحنانا ماعلاباناش ... المهم ماشي موضوعنا ...
المهم دفناها وروحنان وحنا مروحين فتنا على المقبرة لقديمة لقينا واحد يدفنو فيه فيها ...
ماعلاباليش تبالي كانو مخبينلو بلاصةن ولا شافوهالو معريفةن لاخاطر هاد لبلاصة شابة ومليحة ...
فقلت لصاحبي حتى الموت ولقبورة وفيهم معريفة ...
وبقيت متعجب سبحان الله
حتى الموت وفيه المعريفة في هاد لبلاد
ربي جيب الخير برك
وكيلهم ربي ...​

 

[kojak]

بلاك المقبرة التانية هديك لبلاصة فيها لكليماتيزار وباردة
+*+*+*+*+
يالطيف وقت مقلوب ربي يسترنا
​

 

[نورالدين 100]

يا خويا في هاذ بلاد توقع كل شي قولي برك واش من وجه يقابلو بيه ربي نهار القيامة
الله يهدي ما خلق
والله يرحم جميع الموتى

​

 

[ماكانش]

بلاك المقبرة التانية هديك لبلاصة فيها لكليماتيزار وباردة

+*+*+*+*+
يالطيف وقت مقلوب ربي يسترنا​

شفت خويا لعزيز
هادا راهو رايح يقابل ربي ويقابلو بالمعريفة
وكيلهم ربي​

 

[ماكانش]

يا خويا في هاذ بلاد توقع كل شي قولي برك واش من وجه يقابلو بيه ربي نهار القيامة
الله يهدي ما خلق
والله يرحم جميع الموتى

سبحان الله خويا
راك تشوف​

 

[406_nassim]

ههههههههههههههههههههه انا قتلكم بلي الجزائر مشي جزائر بلاد مكي والله خلاص شعب هبل يا للاسف هبلنا قع

مهم ربي يجيب الخير يا ربي


يا ربي زنزال 10 فاصل
​

 

[the_end]

سبحان الله عجب
الله يهديهم
والله يرحم جميع الاموات
تحياتي

 

[سمكة البحر]

سبحان الله

 

[ماكانش]

ههههههههههههههههههههه انا قتلكم بلي الجزائر مشي جزائر بلاد مكي والله خلاص شعب هبل يا للاسف هبلنا قع ​

مهم ربي يجيب الخير يا ربي ​

يا ربي زنزال 10 فاصل ​

ههههههههههه
يالطييف
بعيد الشر هههههههههه
10 مايبقا والو ههههههههههه​

 

[FØùfà Bïô]

والله غير تحير

وربي يرحم أم صآآآحبك
​

 

[AHLEM1992]

ربي يرحم ام صاحبك و ربي يرزق عائلتها الصبر ،،
نرجعو للموضوع و الله هادي من زمان كاينة و الناس في الدزاير تمشي بالمعريفة في كل حاجة
ولينا في عصر كل واحد ياكل خوه ،، ربي يسترنا و يهدينا و يجيب كل ما فيه خير لينا
،،
تشكر اخي على هدا الموضوع ،،

 

[شجـ الروح ـون]

ماعلاباليش تبالي كانو مخبينلو بلاصةن ولا شافوهالو معريفةن لاخاطر هاد لبلاصة شابة ومليحة ...

​

وعليك السلام خويا
ربي يرحم هاد الوالدة ويصبر اهلها وولادها ان شاء الله
عجبتني كانو مخبيينلو بلاصة
شغل ضربو الطالع اللي راح يموت
ولا البلاصة شابة ومليحة
تقول رايح يصيف فيها
ولا البلاصة هديك تدي طول للجنة
ياناس اخرتها شبر تحت لرض ولا اكثر شوي
وما ينفعو حتا شيء من غير فعالو
ربي يرحم الموتى ويغفرلهم
ويهدينا الكل ان شاء الله
ويثبتنا على طريقو
امين يارب
​

 

[ايناسو]

و الله حيرة حتى لقبورة عادت فيهم المعريفة ربي يستر

 

[ماكانش]

والله غير تحير ​

وربي يرحم أم صآآآحبك ​

امين ختي
بارك الله فيك​

 

[رموش الحب]

ربي يرحمها و يوسع عليها

​

 

[TAREK DZ]

كيما دير تحير مع ناس هاذي لوكان يحطوه في قبر من ذهب من باعد مع ربي كيفاش وزاد كمل عليها بالمعرفة قبل ما يموت جهنم ديراكت ربي يهدي هذوما ناس
​

 

[جوانا]

ربي يرحم والدة صديقك ان شاء الله
بصح ما نحكموش على الناس بلا ما نعرفو كل واحد و مشاكلو و ضروفو بلاك سبحان الله هاد الشخص قبل لا يموت قاللهم دفنوني في ديك البلاصة
الله يرحم جميع الموتى ان شاء الله
تحياتي

 

[يسرى 2008]

والله عندك حق
يالطيف حتى القبورة
انا جاني الموقف هدا
ربي يهدي مشكور على الموضوع فووور

 

[ماكانش]

ربي يرحم والدة صديقك ان شاء الله
بصح ما نحكموش على الناس بلا ما نعرفو كل واحد و مشاكلو و ضروفو بلاك سبحان الله هاد الشخص قبل لا يموت قاللهم دفنوني في ديك البلاصة
الله يرحم جميع الموتى ان شاء الله
تحياتي

وشكون هادا الي يقلهم ادفنوني في هاديك لبلاصة ويدفنوهو فيها ويلبيولو الطلب تاعو ؟؟؟
لو كان ماجاتش معريفة والله مايكحل عليها ختي
انا نقلهم ادفنوني لتم علاه يدفنوني لتم بمجرد اني وصيت ...
والله والو لازم واحد يضرب عليك الطابلة..​

 

[العاطفي]

يا خويا عندك الحق
مي شا نقولو
ربي يلقاونا بلاصة في هذي الأرض
كاين لي حفر قبره من دروك وقالك هذا قبري
وربي يهدي قاع الناس
​