هادي لافوتو تيعي مع لقروب تيعي ادخلو شوفوها وهدا اسمو الحقيقي وعنواني

ي

يسرى 2008

:: عضو متألق ::
أوفياء اللمة
السلام عليكم
وشراكم يا اعضاء اللمة ان شاء الله لاباس
طبعا قريتو العنوان وباين
نعرف الكل تسمع حكايت عنوان واسم وفوتو الغاشي الكل يدخل يحب يقرعج شوي
اما انا رايحة نقصهالكم المرة هادي ههه مشني رايحة نحط فوتو تيعي ههه
المهم
رايحة نحكي معاكم على قضية جديدة
انتشرت في الفايس بوك تلقا العبد يحط اسمو الحقيقي ولقمتو ووين عايش والمدينة تيعو
وليفوتو تيعي حتى مع لافامي ولا صحاب
انا هادي الظاهرة نشوف فيها في البنات اكثر شي
والله الفايس بوك دخلتو نشوف السيام الكل قاعد التم يشيخ ويحكي
وحاط ليفوتو تيعو ولكليك تيعو حتى كاين ناس حاطة لافامي تيعها والعجب انهم مشاركين تاني معاهم
والله حوست على ليفوتو تاع دكورة منلقاش قد البنات
يعني الدكورة ولاو ساطرين رواحيهم وميحطوش ليفوتو تيعهم غير القليل
اما البنات طايحين عليها
والله غير عيب تلقا وحدة متحجبة وحاطة فوتو تيعها بلا حيجاب في الماسنجر والفايس بوك
ولا اسمها الحقيقي ولقمتها منعرف اما ولاد الحرام كاترين وبالاكش واحد يعرفك يدخل يحكي معاك على اساس انو غريب ومبعد تطيحي في مشاكل
لا علينا وش رايكم في البنات هادي الي تحط اسمائها تاع الصح وليفوتو تيعها في الفايس بوك
انا نظن الاسم نورمال اما ليفوتو والعنوان والفيديو والحوايج هاديك خاطيني وش رايكم انتم
 
احنا فيـ دارنا الوالد مانعو
يعنيـ مندخلوشـ ليهـ ( أوامر عليا واشـ تديريـ ) ههه
لأنو الفايسـ بوكـ خصوصا المساوء نتاعو كثر منـ حساناتو
ربيـ يهدينا خيتو والليـ قبلها على روحو ما عندكـ ما تديريلو
ويعطيكـ الصحة
​
 
شفتي والله عندو حق باباك حبيبتي
انا ندخل نقرعج برك من تحت التحت ونروح
باسكو فيه خواتاتي وناس نعرفهم ربي يهدي
 
كي شفت العنوان قلت واش بيها هادي هبلت كانت عاقلة ولا كي قالولها معقدة ؟ ههههههههههههه
صح شفت ياسر لي حاطين لي فوتو نتاعهم وكيم قلتي لبنات كتر من لولاد
زعما فرحانا بروحها ولا واش؟ كون طيح في كاشما واحد ولد حرام والله يباصيها تندم على النهار لي دخلت فيه النات
 
السلام عليكم ورحمة الله تعالى وبركاته


انا الصح الصح الفيس بوك ما نبغيهش :crying:

مرة على مرة نضرب طلة ونخرج :crying:

وصح كاين منها هاديك نتاع لبنات اللي يحطوا ليفوتوا نتاعهم :confused:

الله يهدينا هدا ما نقولوا

مغسي يسرى على الموضوع المميز
 
ايا نور اني متربية ههه متخلينيش نشك في روحي
ههه با نقولو عندي نسبة قليلة من التعقيد اما مقبولة ههه
والله منعرف يشوفو في رواحيهم عاصي ولا شوف وحدة من الاتراك
ربي يهدي وش نقولو

 
قال جزائرية حتى الموت:
السلام عليكم ورحمة الله تعالى وبركاته


انا الصح الصح الفيس بوك ما نبغيهش :crying:

مرة على مرة نضرب طلة ونخرج :crying:

وصح كاين منها هاديك نتاع لبنات اللي يحطوا ليفوتوا نتاعهم :confused:

الله يهدينا هدا ما نقولوا

مغسي يسرى على الموضوع المميز
إضغط للتوسيع...



انا تاني نحب نضرب طلة برك ونشوف الاخبار ونخرج منحبش نكتر فيه
ميرسي اختي وانت المميزة
 
الفايس بوك زعما حاطين حتي اكبر لمشاهير فيهم لي فوتو زعما حوسوش عليهم
​
 
توقيع kojak
واش نقولك يا اختي الي ماتخافش على روحها واش راح اديريلها
انا افايس بوك سجلة فيه كي كانت اللمة منقاطعة ومن بعد خلاص
مارانيش ندخله
واش راح اندير فيه
 
اي عندك لا تزعفي حبيت نسمط عليك شويا برك :cursing:
علبالي بيك متربية الله يبارك :smile:
عجبتني نتاع عاصي هادي هههههه:shiny:
 
wallah sah les filles akter m les garcon fel FB
 
ربي يهدي لبنااااااااات ..والشباااااب
 
اه اختي والله غير تشوفي لعجب
والله غير انا نخاف في بلاصتهم نقول هذو واش من عقل راهم يخموا بيه
عشنا وشفنا في هذي الدنيا
حتى انا ندخل نضرب طلا ونخرج
بارك الله فيك اختي على الموضوع
تقبلي مروي اختكي نور
 
صحيح لبنات غزاو فايس بوك هدي لي تحط صورتها راهي دير في مشاكل لروحها وتجيب العار لعائلتها قادر اي شخص يشوه صورتها عبر نت لي تحط صورتها اعتبرها غبية من درجة الاولى
 
وعليكم السلام ورحمة الله وبركاته
صح اختي عندك الحق:crying:
انا نقلك الصح مسجلة فيه بصح عندي بزاف مدخلتش وكي ندخل ندرب طلة ونخرج:oi-o:
ميعرفوش صلاحهم الله يهديهم :cursing:
الولد نورمال يحط لي فوتو دياولو مي البنت لا لا لا لا
مرسي على الموضوع حنونة
:ax_flw::ax_flw:
تحياتي
 
آخر تعديل:
والله عندكم حق
الطفلة الي تحط ليفوتو تيعها تحسابها اي عقليتها مليحة
وتفخر في روحها
بصح اي معابالهاش بلي راهي خاطئة
وش نقولو ربي يهدي مشكورين منورين في الصفحة
 
ال Facebook اخترعوه لل social networking كيما قال مولاه
يعني للتواصل الاجتماعي بين الاهل والمعارف والاصدقاء والزملاء
لكن
بعض الناس يستخدموه استخدام في غير محله للتجسس على الناس وانتحال شخصياتهم
يعني
يشوف واحد باسمو الكامل ،، عنوانو والصور ،، يروح يهز كلشي ويدعي انو هو هذا الشخص!!! :cursing:

حتى في امريكا ،، راهم دارو حملة توعية بمخاطر الفيس بوك
سماوها Think before you Post
يعني فكر قبل ماتنشر (صور ،، معلومات ،، ووووو)
حتى الرئيس اوباما تكلم شخصيا بخصوص الفيس بوك ونبه علييه!!

عموما
أي مستخدم فيس بوك يقدر يتحكم في درجة الخصوصية او privacy تاعو
بحيث انو كامل بروفايلو بما يحتويه من صور ومعلومات لايظهر منو شي الا للصدقاء


وشكرا على الموضوع المهم :smile:​
 
ايه كاين منها هاد الظاهرة و سورتو في الفايس بوك كيما قلتي

و خاصة عند االبنات

تلقايها حاطة ليفوطو نتاعها و نتاع صحاباتها و دارهم كامل :blink:

على عكس الدراري لي قلييل وين تلقاي واحد مداير الفوطو نتاعو

مانعرف وشنو غرض البنات من نشر تصاورهم ...

المهم الله يهدي برك

ماارسي عليك ختي
​
 
انا عندى فى الفيس بوك
منيش حاطة اسمى مى معنديش مشكل مع اللى تحط اسمها
وتانى اللى تحط صورتها بالخمار مى انو تنحى الخمار وتحط فيدوات الجاى والرايحة يشوفها
انا معارضتها
وهدا يبقى كل واح ورايو
 
مشكورين على الرد
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom