بيتزا سخونة باردة ماتسلكش ...

[ماكانش]

السلام عليكم ورحمة الله وبركاته
واش راكم لاباس بخير خاوتي الحمد لله
كامل يا خاوتي سافرنا وشفنا السانتيفيات تاع الجزائر ....
ماكانش سانتيفي مافيهش gارgوتي (أكل سريع) ولا زوج ولا ثلاثة ههههههه
وانا حياتي كامل ويما توصي فينا بلاك تاكلو من برا، بلاك
وكي نسافر نحير نلقى غاشي كبير عليهم هههه
وأنا نموت بالشر وماناكلش عندهم ...
قبيل برك كنت في السانتيفي تاع قسنطينة ونتفرج قدام واحد البراكة تاع فريت
كيما يقوقو خامج وبنين هههه وعليه الغاشي ياكلو نورمال وهو يلبز فيها بيدو ويخلط ...
ماعلاباليش الزيت عندو ربع شهر وهو يطيب بيه ولا كتر
المهم حالة كبيرة
وهاديك لهريسة ولا لونها كحل قديمة بزاف ولا بيريمي وهوما يلوحو في يديهم فيها ويليسو في الخبرز ... هههههه
حيرة في هاد لعباد
قولولي توما تقدرو تاكلو من لتم ...​

 

[** غزال الصحراء **]

ياودي كول لا تموت بالجــوع ههه //

واش رايح نقولك , في السفر و لا غيرو ما تروحش للجماعة تاع اللي يصطادو في المياه العكرة تاع ,, حاط طابلة في السانتيفي وقاعد يبيع في الرهج

أدخل لروسطورون مليحة و نظيفة وكول نورمال .

 

[mimi.dz]

السلام عليكم ورحمة الله وبركاته

​

وعليـكمـ السلامـ ورحمة الله تعالى وبركاتهـ ْ~

انا عنـ نفسيـ كيـ نخرجـ ناكلـ الله غالبـ ههههه
ميـ صحـ العبد يخافـ مقعدشـ الأمانـ
البيتزا تلقاهمـ يخدموها بطماطمـ قديمة
ولمحاجبـ البصلة نتاعها متامنهاشـ وينت كانتـ ....
+ مكانشـ النضافة وينـ يخدمو
ولكنـ كاينين الليـ عندهمـ رحمة ربيـ تاكلـ وانتـ مرتاحـ
خير بركـ البلاصة المليحة

​

 

[يسرى 2008]

اععععععععععععععععععععععععععععععع اسكت برك اني نتخيل فيها
والله انا ماما وجداتي يقولولي متوكليش البرا
بصح انا نشتي نوكل في الحوانت برك مش في النصبات هادي
هكاك وعفت اليامات هادم حرمت من نهار الي وجعتني كرشي وصرا الي صرا ههه لا علينا
انا منعدش ناكل البرا خلاه وادا شهيت حاجا نروح نطيبها وخلاه

 

[sahiko hamza]

نوووووووووووووورمال ...


​

 

[nour mary]

بنينة الماكلة نتاع البرة
علبالك هاداك الدبان لي يدور والغبرة هادوك كامل يزيدو في البنة
لي نعرفهم كامل يحبو الماكلة نتاع البرة

 

[4Akram]

~ .. الســــــلامـ عليـــــــكمـ ..
​

.. مــرحبا خويا الغــالي .. كيف الحال ؟ ..
.. ان شاء الله بخيــر ..

.. صراحــة .. أنا لا أحب الأكل في الخــارج ..
.. ليست عنـدي ثقـة في النــاس الي تطيب هذيكـ الماكلة ..
.. و لا في نظافة الأمــاكن .. << خاصة مع محطات توقف الحافلات ..
.. رجــع الواحد يخــاف على صحتــه ..

.. و مثل مــا قالوا الإخـوة .. أعــرف تختـار المكان ..
.. لازم تكــون سمعتــه جيدة و أكــله صحي ..

.. باركـ الله فيكـ عـ الموضوع الروعـة ..
.. جزاكـ ربي كل خيــر يالغالي ..

~ .. دمت في حفــظ الرحمــن ..
​

 

[kojak]

ماتخافش راه الجوع يقضي غلى الجراثيم
​

 

[ندى الجزائرية]

انا مستحيل ناكل لبرا حتى ولو نموت بالجوع نصبر حتى نرجع للدار.
في ايام الدراسة نتغدى على الخمسة ولا الستة <<<<صبورة
ماتغامرش وتاكل برا,التسمم قادر يقتل بعيد الشر.

 

[nina bonoise]

Kayen li el makla ta3oum mlaha
w kayen whayed ta3houm mech mlaha
lazem ta3ref tkhayer win takoul
merci

 

[N@riM@N]

ايه نورمال ديجا انا ماتحلاليش وكان منكولش حاجه من بره تقعدلي سوفنير

صحـــــا عـ اليضوعـ​

 

[ماكانش]

ياودي كول لا تموت بالجــوع ههه //

واش رايح نقولك , في السفر و لا غيرو ما تروحش للجماعة تاع اللي يصطادو في المياه العكرة تاع ,, حاط طابلة في السانتيفي وقاعد يبيع في الرهج

أدخل لروسطورون مليحة و نظيفة وكول نورمال .

هههههه
يعطيك الصحة حبيبي غزال
مرحبة بيك
تبالي كامل واعرين ربي يستر برك
انا نصبر وناكل في الدار​

 

[ماكانش]

ايه نورمال ديجا انا ماتحلاليش وكان منكولش حاجه من بره تقعدلي سوفنير​

صحـــــا عـ اليضوعـ​

هههههههههههههههه
قولي الصح جامي كليتي حاجة من لبرا وحكماتك كرشك هههههههه​

 

[zineb92]

اععععععععع يعيفووووووووووو روحو للاسطورة وهنو ارواحكم..​

 

[tear of angel]

يا بطلت كى نكون مسافرة منا وجاى نصوووووم