احساس الخيانة والخدر خصوصا من اعز الناس عندكم

[يسرى 2008]

السلام عليكم
وشراكم يا اعضاءا للمة ان شاء الله لاباس
انا لصراحة الصيف هدا كل يوم نهار احمر
ساعا نهار احمر وساعا روز وساعا ازرق وهاو ماشي
لا علينا
وش رايكم في الصداقة تاع اليامات هادي
وكي تحط النية في عبد وتقول اي زي اختي
وتنحي الحاجا من فمك وتمدهالها وتحترمها بزااف
وهي تروح تحكي معاك في النيت
وتدخلك الدكورة وتعملك في حوايج كبيرة
انا في الصح مفقتش بيها كانت تحكي معايا بلوك
ومع جماعة تيعها بلوك اوخر
حتى البارح عملت مكالمة جماعية في الايميل
وشفتها كيفاه تحكي مع الناس لخرين
وعرفت عقليتها صح ونواياها
انا الحمد لله بمجرد ما شفت الهدرة تيعها فقت بيها
مي خسرت وقتي كي تقربت منها لمدة 3 شهور
نحس في روحي مخدوعة اوروزمو معطيتلهاش نيميرو تيعي
ولا صوري كان هكاك باتت فيا
العبد درك تشوفو في السيام زي وكي تحكي معاه في الصح زي اونديري يحطو قناع يتحركو بيه شوفو وين وصلنا
وش احساسكم ادا جاتكم الحالة هادي
​

 

[** غزال الصحراء **]

هاذي هي صداقة اليوم معبية أشواك ,, و غير اللي عندو 10 وجوه , و ذيل طويل و عريض //
ها خلاص واش حابين نديرو

نوكلو عليهم ربي و صاي .

 

[يسرى 2008]

كاينة منها خويا بصح ديما ديما في العمر هدا نسحقو صديقة وفيا كي اختك
صح
مكانش كيف العبد يصاحب امو خرمن كلشي

 

[Cow-boy]

اهلا بصاحبة المواضيع الحصرية و المميزة


الصداقة الان يا اخت يسرى لا وجود لها
الا في المسلسلات الخيالية والافلام الغربية
التي تستوحى لقطاتها من الخيال

الصداقة كلمة صغيرة من حيث عدد الحروف كبيرة من حيث المعنى

الصداقة هي تلك الصلة بين قلبين تحابا في الله و عزما الوقوف معا في السراء والضراء

و لكن يا ناس رانا رجعنا نشوفو في الصداقة تتشرى وتنباع
رجعنا نشوفو في الصداقة بلا طعم ولا معنى


شكرا على موضوعيتك في الطرح

اتمنى ان نرى جديدك


​

 

[said prince of p]

وي كاينا منها انا نشوف في ناس حسيت بيهم كيما يجكيولي غاضوني بزاف

 

[يسرى 2008]

اهلا بصاحبة المواضيع الحصرية و المميزة


الصداقة الان يا اخت يسرى لا وجود لها
الا في المسلسلات الخيالية والافلام الغربية
التي تستوحى لقطاتها من الخيال

الصداقة كلمة صغيرة من حيث عدد الحروف كبيرة من حيث المعنى

الصداقة هي تلك الصلة بين قلبين تحابا في الله و عزما الوقوف معا في السراء والضراء

و لكن يا ناس رانا رجعنا نشوفو في الصداقة تتشرى وتنباع
رجعنا نشوفو في الصداقة بلا طعم ولا معنى


شكرا على موضوعيتك في الطرح

اتمنى ان نرى جديدك


​

نشكرك خويا على ردك والله عندك الحق في كلشي
شكرا على ردك منور

 

[NICHA03]

انا هاذوك الصدقات كنت نامن بيهم بصح من واش صرالي خلاص مندير لمان في حتى وحد فيهم .سلام يسرى

 

[يسرى 2008]

والله عندك الحق مشكورة على الموضوع

 

[سمكة البحر]

والله موضوع شباب بصح مكرر
كاين بزاف مواضيع كيفاه
المهم الصدقة في هذا الوقت مابقاتش

 

[يسرى 2008]

لا خويا مش مكرر اني حكيت حكايتي انا
كل واحد وعندو حكاية انا حكيت التجربة تيعي

 

[02asma02]

يا ختي انا ما نأمن حتى واحد في هدا الوقت والله رانا نسمعوا ونشوفوا غير العجب ربي يحفظ
​

 

[أماني2]

واش نديرو الوكيل هو الله

والواحد اللي يمشي بالنية مايخسرش
​

 

[DARINE05]

يا اختي يسرى في هذا الزمان لي رانا فيه مليح يقعد العبد كي تبيب لا جار لا حبيب
مرسي

 

[didin91]

منعتي عندك الزهر المره الجايه حوسي على اصدقاء في بلاصة اخرى
​

 

[zahira92]

 

[يسرى 2008]

عندك الحق ديدين
مشكورين على الرد

 

[etoo14]

مشكورة اختي على الموضوع​

 

[فراشة الايمان]

أسوآ شعــ ,ور الاحــ سآس بالخيآنة .