واش رأيكم انتم في القضية هذي ؟؟؟

[إشراقة حب]

السلام عليكم
كيف حالكم ان شاء الله تكونوا بخير

اليوم دارت في راسي افكار عديدة ومنها زواج الاقارب
حبيت تشاركوني في موضوعي بأرائكم .

لما يتزوج الشاب من قريبة ديالو ,بنت عمو ولا خالو المهم
يتزوجوا ويسكنوا في دار العايلة .

يكونوا كاينين بزاااف مشاكل ,بين العجوز والعروس ومع الاخواتات
ايما تكون العجوز تحقر عروستها ولا الخواتات يسمعوها كلايم مايلقيش
بصح العروس ماتقدر تحكي والوا

علاه لاخاطر فاميلتها وتقادرهم وتحشم منهم ,ماتقدر تتكلم ولا تقول شيء

المهم يحقروها بمعنى الكلمة وماتقدر تقول والو ,تحشم ,والراجل بسلامتو
لا من فمو ولا من كمو مايهدر والو

بصح المشكل وعلاه لما تكون العروس برانية ,ماشي من العايلة
تلقاهم يحترموها ويدرلوها ألف حساب وحساب قبل مايقولوا كاش كلمة

طبعا ماشي كامل بصح كاين بزاااف هذي الظاهرة

في رأيكم وعلاه لما تكون العروس من لافامي يكرهوها ويحقروها
ولما تكون برانية يخافوها ويخافوا دارهم

نتمنى تشاركوني وتقولولي رأيكم

تصبحوا بخير يا الخاوة والخواتات

ادعولي بالخير ’انا في حاجة للدعاء ​

 

[BOUSS]

يعطيك ما تتمناي ان شاء الله ختي وربي يفرج علي كل مومن انا الزوجة انتاعي
تبعد علي 3000 كلم وما تجمعنا حتي صلة قرابة المكتوب برك مع الف شكر

 

[حنان13]

هههههههههههههههه فكرتيني في جداتي ربي يشفيها كيما خالي تزوج بنت خالو يعني جداتي عمتها جداتي كانت غير تشرشيلها

ههههههههههههههههههه مسكينة مرت خالي قريب مهبلت امبعد تسقمت الحالة دووكا

 

[chamse121919]

:busted_red::busted_red:توجهوا لقسم الشريعة الاسلامية هناك مواضيع تستحق الت(فاعل و الله حرام علينا رانا مسلمين مكانش خلاص ردود و كل المواضيع راهي بدون قراءة هناك مواضيع قيمة ربي يعيشكم استغلوا فرضة شهر التوبة و الغفران اعذروني على دخول المواضيع بهاد الطريقة بصح ................ لازم علي

 

[إشراقة حب]

يعطيك ما تتمناي ان شاء الله ختي وربي يفرج علي كل مومن انا الزوجة انتاعي
تبعد علي 3000 كلم وما تجمعنا حتي صلة قرابة المكتوب برك مع الف شكر

ربي يدومها وربي يحفظطك كامل
امين يارب العالمين

 

[dana1993]

و الله يا ختي كلشي بالمكتوب لي كاتبو ربي ما يهرب منو العبد
ربي يهنيك اختي

 

[إشراقة حب]

هههههههههههههههه فكرتيني في جداتي ربي يشفيها كيما خالي تزوج بنت خالو يعني جداتي عمتها جداتي كانت غير تشرشيلها

ههههههههههههههههههه مسكينة مرت خالي قريب مهبلت امبعد تسقمت الحالة دووكا

شكرا لمرورك لكن تمنيت ان تتفاعلي معنا برأيك في القضية

 

[إشراقة حب]

:busted_red::busted_red:توجهوا لقسم الشريعة الاسلامية هناك مواضيع تستحق الت(فاعل و الله حرام علينا رانا مسلمين مكانش خلاص ردود و كل المواضيع راهي بدون قراءة هناك مواضيع قيمة ربي يعيشكم استغلوا فرضة شهر التوبة و الغفران اعذروني على دخول المواضيع بهاد الطريقة بصح ................ لازم علي

بارك الله فيك اختي
والله معك حق في كل كلمة قولتيها
اشتغلنا في المواضيع التافهة
ربي يهدينا

 

[إشراقة حب]

و الله يا ختي كلشي بالمكتوب لي كاتبو ربي ما يهرب منو العبد
ربي يهنيك اختي

امين اجمعين وشكرا لك اختي

 

[فريد28]

أنا المهم نتزوج اللي نحبها سواء كانت من لافامي ولا لا
ولكن أتفادى المشاكل راني حاب نسكن وحدي ان شاء الله
عندك حق المراة كي تعود من لافامي يحقروها ومعلبليش وعلاه
مشكورة على الموضوع

 

[N@riM@N]

اهـــلااا اشراقه ربي يزوجك نشالله ههههه
ووالله انا نشوف بلي ني زواج الاقارب ني برانيه شقلله نايضه نايضه بين لعجوز وعروستها
انا في دار جدي قاع برنيات والحروب العالميه قاع تماك​

 

[Houda Chaouienne DZ]

ايه صح
كاين بزااااف العقلية هاذي
و انا ثاني ما فهمتش
يمكن لأنهم يدللو عليها كي قريبتهم
بصح كي تكون برانية ما يعرفوش عقليتها
و يقولولك بنت الناس ما نقيسوهاش
هي ظاهرة تكره البنات في زواج الأقارب
رغم انو عندو حتى هو إيجابياتو
شكرا جزيلا على الموضوع
ننتظر جديدك
تقبلي مروري
​

 

[khalilou algerino]

ربي يحفضك ان شاء الله​

 

[HWK4ALGERIA]

مشكلة البعد هاذي مغصتلي حياتي.
شكرا على الموضوع.

 

[sandybelle]

هدي بلاك عندكم مي حنا عدنا كي تكون من العايلة تنحط فوق الراس سيرتو ادا كانت بنت ختها ولبرانية مسكينة هي لي تخلص
على العموم ربي يهدي ماخلق وتتصافى لقلوب

 

[إيمي88]

اولا انا ضد انو العروسة تسكم مع امالين راجلها تجنبا للمشاكل اللي رايحة تصرا :no_1:
ثانيا: زواج الاقارب تاني انا ضدو لانو اي مشاكل بينهم رح تنعكس على العايلة كاملة
ثالثا: من حكايات بزااف عرفت باللي العروسة اللي تقادر عجوزتها وسلافاتها من الاول وتهزهم ف السما يعفسوا عليها :tears:
واللي توريلهم العين الحمرا من اللول يخافوا منها ويوليو يحوسو يرضيوها :scared:

​

 

[EL General]

كيما قالها الشاب حسني : لاسوفرونس

الله يكون مع جميع الوليات برك

مرسي
​

 

[فراشة الايمان]

وش نقلك أختي معظم الفاميليات عندهم هادي المعاملة
و في رايي اذا كانو مش مقادرينها تسكت و توكل أمرها لربي
و يجي نهار و يفرج عليها اذا كان زوجها صالح .

 

[fatou_usto]

يقولك الدم هم...هو كل شئ بالمكتوب ...بصح الحاجة اللي تخاف منها تطيح فيها..مليح يكونة براوية على بعضهم....مشكورة على الموضوع.

 

[DARINE05]

ههههههههه
يرشولها كي عاد دخصين عليها